Hră Y-Pôl Mơĭt kơ Phung Rôm 3:2 - Klei Aê Diê Blŭ 2015

² Mâo lu klei yuôm mơh. Êlâo hĭn, Aê Diê jao leh klei blŭ Ñu kơ phung Yuđa.

Hră Y-Pôl Mơĭt kơ Phung Rôm 3:2 Iomraidhean Croise

Klei Mmuñ Hđăp 119:140

Leh klei lông dlăng, klei Ih blŭ jing doh sĭt; kyuanăn dĭng buăl Ih khăp kơ ñu.

Y-Êsai 8:20

Ksiêm bĕ klei mtô leh anăn klei hưn! Tơdah diñu amâo blŭ djŏ si klei blŭ anei, diñu amâo mâo klei mngač ôh.

Y-Đaniel 10:21

Ƀiădah kâo srăng hưn kơ ih klei arăng čih leh hlăm hdruôm hră klei sĭt nik. Amâo mâo pô đru kâo bi kdơ̆ng hŏng phung anăn ôh, knŏng hjăn Y-Mikel, khua ih.”

Y-Yôhan 5:39

Diih ksiêm bi nik Klei Aê Diê Blŭ, kyuadah diih mĭn hlăm anăn diih mâo klei hdĭp hlŏng lar. Klei Aê Diê Blŭ anăn yơh hưn bi sĭt kơ Kâo;

Bruă Phung Khua Ƀĭng Kna 7:38

Ñu yơh pô dôk hlăm klei bi kƀĭn ti kdrăn tač mbĭt hŏng dĭng buăl jăk, pô blŭ leh kơ ñu ti Čư̆ Sinai, leh anăn hŏng phung aê drei. Leh anăn ñu mă tŭ leh klei blŭ hdĭp čiăng brei kơ drei.

Hră Y-Pôl Mơĭt kơ Phung Rôm 1:2

Klei mrâo mrang jăk anăn Aê Diê ƀuăn leh mơ̆ng êlâo hŏng klei phung khua pô hưn êlâo čih leh hlăm Klei Aê Diê Blŭ doh jăk.

Hră Y-Pôl Mơĭt kơ Phung Rôm 2:18

thâo klei Ñu čiăng, leh anăn tŭ ya klei jing jăk, kyuadah klei bhiăn bi hriăm ih leh,

Hră Y-Pôl Mơĭt kơ Phung Rôm 3:1

Snăn ya klei jăk hĭn phung Yuđa mâo hŏng phung tue? Amâodah ya yuôm klei khăt klĭt?

Hră Y-Pôl Mơĭt kơ Phung Rôm 3:3

Bi tơdah đa đa amâo jing sĭt suôr ôh, klei diñu amâo sĭt suôr ôh dưi bi rai klei Aê Diê sĭt suôr mơ̆?

Hră Y-Pôl Mơĭt kơ Phung Rôm 9:4

Diñu jing phung Israel, mâo klei dưi jing anak rông ba, wăt klei guh kơang, jih jang klei bi mguôp, klei bhiăn, klei kkuh mpŭ, leh anăn klei ƀuăn.

I Kôrantô 9:17

Kyuadah tơdah kâo ngă klei anei tui si kâo pô čiăng, kâo mâo klei mưn; ƀiădah tơdah kâo ngă klei anei amâo djŏ tui si kâo pô čiăng ôh, Aê Diê jao leh bruă anei kơ kâo hŏng klei mtă.

II Kôrantô 5:19

Čiăng lač, Aê Diê dôk leh hlăm Krist bi grăng lăn ala hŏng Ñu pô, amâo yap ôh klei soh čiăng bi kmhal digơ̆, leh anăn jao kơ hmei klei mtô kơ klei bi grăng.

Galati 2:7

Ƀiădah lĕ, diñu ƀuh Aê Diê jao leh kơ kâo klei mtô klei mrâo mrang jăk kơ phung amâo khăt klĭt ôh, msĕ si Aê Diê jao leh kơ Y-Pêtrôs klei mtô klei mrâo mrang jăk kơ phung khăt klĭt,

I Y-Timôthê 6:20

Ơ Y-Timôthê, mgang bĕ bruă Aê Diê jao leh kơ ih. Hngah kơ klei mtô hơăi mang leh anăn klei bi tăng tui si arăng soh pia jing klei thâo săng.

Hêbrơ 5:12

Kyuadah diih đăo leh mơ̆ng sui tui si djŏ diih jing pô mtô, ƀiădah ăt diih čiăng arăng lŏ mtô kơ diih klei ênưih hlăm klei Aê Diê blŭ. Diih čiăng kơ êa ksâo, amâo djŏ kơ mnơ̆ng ƀơ̆ng huă khăng ôh.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.

Klei Bi Êdah 19:10

Kâo buôn ti jơ̆ng ñu čiăng kkuh mpŭ kơ ñu, ƀiădah ñu lač kơ kâo, “Đăm ngă snăn ôh! Kâo jing dĭng buăl mă bruă mbĭt hŏng ih leh anăn hŏng phung ayŏng adei ih djă pioh klei Yêsu hưn. Kkuh mpŭ bĕ kơ Aê Diê.” Kyuadah klei Yêsu hưn jing mngăt klei hưn êlâo.

Klei Bi Êdah 22:6

Leh anăn ñu lač kơ kâo, “Klei blŭ anăn arăng dưi knang leh anăn sĭt nik. Khua Yang, Aê Diê kơ mngăt phung khua pô hưn êlâo, tiŏ nao leh dĭng buăl jăk Ñu čiăng bi êdah kơ phung dĭng buăl Ñu klei srăng truh djăl.