Hră Y-Pôl Mơĭt kơ Phung Rôm 3:1 - Klei Aê Diê Blŭ 2015

¹ Snăn ya klei jăk hĭn phung Yuđa mâo hŏng phung tue? Amâodah ya yuôm klei khăt klĭt?

Hră Y-Pôl Mơĭt kơ Phung Rôm 3:1 Iomraidhean Croise

Klei Mphŭn Dơ̆ng 25:32

Y-Êsâo lač kơ ñu, “Nĕ anei kâo păt čiăng djiê; ya yuôm kơ kâo klei jing ayŏng khua?”

Klei Mmuñ Hđăp 147:20

Ñu amâo tuôm ngă msĕ snăn ôh hŏng găp djuê mkăn; digơ̆ amâo thâo săng ôh klei Ñu mtă. Bi mni bĕ kơ Yêhôwa!

Khua Pô Mtô 6:11

Êjai blŭ lu hĭn, jing hơăi mang hĭn mơh, leh anăn ya klei jăk hĭn kơ mnuih kyua klei anăn?

Khua Pô Mtô 6:8

Kyuadah ya klei jăk hĭn sa čô mnuih thâo mĭn mâo êbeh hĭn kơ pô mluk? Leh anăn ya mnơ̆ng sa čô mnuih ƀun mâo kyua ñu thâo dôk jăk ti anăp phung hdĭp?

Y-Malaki 3:14

Diih lač leh, ‘Amâo yuôm ôh mă bruă kơ Aê Diê. Ya yuôm hmei gưt klei Ñu mtă amâodah êbat hŏng klei kơŭ kyăm ti anăp Yêhôwa kơ phung kahan?

Y-Yôhan 4:22

Diih kkuh mpŭ kơ pô diih amâo thâo kral ôh; bi hmei dê hmei kkuh mpŭ kơ Pô hmei thâo kral leh, kyuadah klei bi mtlaih kbiă hriê mơ̆ng phung Yuđa.

Hră Y-Pôl Mơĭt kơ Phung Rôm 3:2

Mâo lu klei yuôm mơh. Êlâo hĭn, Aê Diê jao leh klei blŭ Ñu kơ phung Yuđa.

Hră Y-Pôl Mơĭt kơ Phung Rôm 3:9

Si ngă snăn? Phung Yuđa hmei jing jăk hĭn kơ phung mkăn mơ̆? Hơăi, amâo mâo ôh! Kyuadah kâo bi êdah sĭt leh kơ jih jang mnuih, phung Yuđa wăt phung Grĕk, dôk ti gŭ klei myang klei soh sơăi,

I Kôrantô 15:32

Tơdah blŭ tui si mnuih, ya klei tŭ dưn kâo mâo tơdah kâo bi blah hŏng hlô dliê ti ƀuôn Êphêsô? Tơdah phung djiê amâo kbiă lŏ hdĭp ôh, “Brei drei huă ƀơ̆ng leh anăn mnăm, kyuadah mgi drei srăng djiê yơh.”

Hêbrơ 13:9

Đăm diih klah đuĕ tui klei mtô soh mdê mdê ôh; kyuadah jing jăk kơ ai tiê jing ktang hŏng klei pap, amâo djŏ ôh hŏng mnơ̆ng ƀơ̆ng huă, amâo jing yuôm ôh kơ phung tui hlue klei anăn.