Hră Y-Pôl Mơĭt kơ Phung Rôm 2:8 - Klei Aê Diê Blŭ 2015

⁸ Ƀiădah Ñu srăng brei klei ngêñ leh anăn klei ăl kơ phung mĭn kơ pô, amâo gưt ôh kơ klei sĭt nik, ƀiădah gưt klei wê.

Hră Y-Pôl Mơĭt kơ Phung Rôm 2:8 Iomraidhean Croise

II Klei Yăl Dliê 6:23

hlăk anăn hmư̆ bĕ mơ̆ng adiê, ngă, leh anăn phat kđi phung dĭng buăl Ih, bi wĭt klei djŏ kơ pô soh êjai bi lĕ klei soh ñu ti boh kŏ ñu pô, leh anăn yap kpă pô kpă êjai mưn ñu tui si klei kpă ñu.

Y-Yôp 24:13

Mâo phung bi kdơ̆ng hŏng klei mngač, phung amâo thâo kral êlan klei mngač, leh anăn kăn êbat hlăm klông klei mngač rei.

Klei Mmuñ Hđăp 90:11

Hlei thâo săng klei myang klei Ih ăl, hlei thâo săng klei Ih ngêñ tui si Ih năng kơ arăng huĭ?

Klei Bi Hriêng 11:23

Klei phung kpă ênô čiăng knŏng bi truh klei jăk, klei phung ƀai čiăng bi truh klei ngêñ.

Klei Bi Hriêng 13:10

Klei mgao knŏng bi truh klei bi mneh msao, ƀiădah klei thâo mĭn dôk mbĭt hŏng phung dôk hmư̆ klei kčĕ.

Y-Êsai 50:10

Hlei pô hlăm phung diih huĭ mpŭ kơ Yêhôwa, leh anăn gưt asăp kơ dĭng buăl Ñu, pô êbat hlăm klei mmăt leh anăn amâo mâo klei mngač ôh? Brei ñu knang kơ anăn Yêhôwa, băng kơ Aê Diê ñu.

Y-Yêrêmi 34:18

Phung gao leh klei Kâo bi mguôp leh anăn amâo djă pioh ôh klei kuôl hlăm klei bi mguôp anăn diñu ngă leh ti anăp Kâo, Kâo srăng brei diñu jing msĕ si êđai êmô diñu khăt dua kdrêč leh anăn găn ti plah wah dua kdrêč anăn.

Y-Êsêkiêl 22:31

Kyuanăn Kâo tuh leh klei Kâo ngêñ ti dlông diñu; Kâo čuh diñu leh hŏng pui klei Kâo ngêñ; Kâo bi lĕ leh klei diñu ngă ti boh kŏ diñu pô, Yêhôwa Aê Diê lač.”

Y-Nahum 1:6

Hlei dưi dôk dơ̆ng ti anăp klei Ñu ngêñ? Hlei pô dưi gĭr tŭ klei Ñu ăl hlơr? Klei Ñu ngêñ tuh leh msĕ si pui, leh anăn Ñu bi mčah boh tâo.

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 10:16

Ƀiădah amâo djŏ jih jang diñu ôh gưt kơ klei mrâo mrang jăk; kyuadah Y-Êsai lač, “Ơ Khua Yang, hlei pô đăo kơ klei hmei mtô?”

Hră Y-Pôl Mơĭt kơ Phung Rôm 15:18

Kyuadah kâo amâo jhŏng blŭ sa mta klei mkăn ôh, knŏng ya klei Krist ngă leh hlăm kâo, čiăng atăt phung tue kơ klei gưt asăp kơ Aê Diê. Ñu ngă leh klei anei hŏng klei blŭ leh anăn klei ngă,

Hră Y-Pôl Mơĭt kơ Phung Rôm 6:17

Ƀiădah bi mni kơ Aê Diê, kyuadah tơdah hlăk êlâo diih jing leh hlŭn kơ klei soh, hŏng jih ai tiê diih dơ̆ng gưt leh kơ mta klei mtô diih jao leh diih pô.

Hră Y-Pôl Mơĭt kơ Phung Rôm 9:22

Si ih mĭn tơdah Aê Diê čiăng bi êdah klei Ñu ngêñ leh anăn bi êdah klei myang Ñu, tŭ leh hŏng klei gĭr lu boh čeh mmai leh pioh kơ klei rai tuč,

I Kôrantô 11:16

Tơdah sa čô čiăng bi tăng, hmei wăt jih jang Phung Sang Aê Diê amâo tŭ ôh ngă klei mkăn.

II Kôrantô 12:20

Kyuadah kâo huĭ kâo srăng truh leh anăn ƀuh diih amâo djŏ tui si kâo čiăng ôh, leh anăn diih srăng ƀuh kâo amâo djŏ tui si diih čiăng ôh. Năng ai srăng mâo klei bi mneh msao, klei nač, klei ăl, klei klih, klei blŭ jhat, klei mčeh, klei mgao, leh anăn klei rŭng răng.

Galati 5:20

klei kkuh rup yang, klei jing mjâo, klei bi roh, klei bi msao, klei nač, klei čôñ ăl, klei čuôt klih, klei bi tăng, klei mĭn bi kah phung,

Philip 1:17

Bi phung mkăn mtô klei Krist hŏng klei čiăng bi kah mbha, amâo djŏ hŏng klei kpă sĭt ôh, mĭndah lŏ thiăm klei bi knap kâo êjai arăng krư̆ kâo.

Philip 2:3

Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô.

II Têsalônik 1:8

čiăng bi kmhal phung amâo thâo kral Aê Diê ôh, leh anăn phung amâo gưt ôh kơ klei mrâo mrang jăk Khua Yang drei Yêsu.

Y-Tit 3:9

Ƀiădah brei đuĕ mơ̆ng klei bi tăng mluk, klei răk anăn phung aê, klei bi msao, leh anăn klei bi tăng kơ klei bhiăn, kyuadah klei anăn amâo yuôm ôh leh anăn hơăi mang.

Hêbrơ 10:27

ƀiădah mâo klei huĭ dôk guôn klei phat kđi, leh anăn pui hlơr snăk srăng ƀơ̆ng phung bi kdơ̆ng.

Hêbrơ 11:8

Hŏng klei đăo Y-Abraham gưt tơdah Aê Diê iêô ñu brei nao kơ anôk ñu srăng mă tŭ jing ngăn dưn. Snăn ñu đuĕ nao, amâo thâo ôh ti anôk ñu nao.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.

Y-Yakơ 3:14

Ƀiădah tơdah diih mâo hlăm ai tiê diih klei nač phĭ leh anăn klei čiăng bi mđĭ pô, đăm bi mni kơ diih pô leh anăn đăm luar bi kdơ̆ng hŏng klei sĭt nik ôh.

Y-Yakơ 3:16

Kyuadah ti anôk mâo klei nač leh anăn klei čuôt klih, tinăn srăng mâo klei rŭng răng leh anăn djăp mta bruă jhat.

I Y-Pêtrôs 3:1

Msĕ mơh, Ơ phung mô̆, brei diih đup gưt kơ ung diih, čiăng kơ wăt tơdah mâo đa đa ung amâo gưt ôh kơ klei blŭ, phung mô̆ dưi atăt diñu kơ klei đăo, amâo djŏ hŏng klei blŭ ôh, ƀiădah hŏng klei dôk dơ̆ng ƀơ̆ng huă,

I Y-Pêtrôs 4:17

Kyuadah truh leh ênuk klei phat kđi srăng dơ̆ng hŏng găp djuê Aê Diê; leh anăn tơdah klei phat kđi dơ̆ng hŏng drei, ya srăng truh knhal tuč kơ phung amâo gưt ôh kơ klei mrâo mrang jăk Aê Diê?

Klei Bi Êdah 14:10

ñu yơh srăng mnăm kpiê klei Aê Diê ngêñ, hlĭng leh amâo bi lŭk ôh hlăm atŏ klei Aê Diê ăl, leh anăn ñu srăng tŭ klei knap mñai hlăm pui leh anăn sulphur ti anăp phung dĭng buăl jăk doh jăk leh anăn ti anăp Êđai Biăp.

Klei Bi Êdah 16:19

Ƀuôn prŏng kčar mbha jing tlâo kdrêč, leh anăn jih jang ƀuôn prŏng hlăm phung găp djuê mnuih klưh, leh anăn Aê Diê hdơr kơ ƀuôn prŏng Ƀaƀilôn, čiăng brei ñu mnăm atŏ kpiê klei Aê Diê ngêñ ktang.