Hră Y-Pôl Mơĭt kơ Phung Rôm 2:7 - Klei Aê Diê Blŭ 2015

⁷ Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

Hră Y-Pôl Mơĭt kơ Phung Rôm 2:7 Iomraidhean Croise

Y-Yôp 17:9

Ƀiădah pô kpă ăt êbat tui si êlan ñu, leh anăn pô mâo kngan doh srăng jing ktang hĭn êjai.

Klei Mmuñ Hđăp 27:14

Čang guôn bĕ kơ Yêhôwa; brei Ih jing ktang leh anăn jhŏng; Sĭt yơh, dôk guôn bĕ kơ Yêhôwa.

Klei Mmuñ Hđăp 37:3

Knang bĕ kơ Yêhôwa leh anăn ngă klei jăk; dôk bĕ hlăm čar leh anăn hdĭp hŏng klei sĭt suôr Ñu.

Klei Mmuñ Hđăp 37:34

Čang guôn bĕ kơ Yêhôwa, tui êlan Ñu, leh anăn Ñu srăng brei ih dưi dưn lăn čar; ih srăng ƀuh tơdah arăng bi rai phung ƀai.

Y-Êsêkiêl 18:17

kơ̆ng kngan ñu amâo ngă klei wê ôh, amâo ƀơ̆ng mnga amâodah ƀơ̆ng đĭ ôh, djă pioh klei bhiăn Kâo leh anăn êbat tui hlue klei Kâo mtă. Ñu amâo srăng djiê ôh kyua klei soh ama ñu; sĭt nik ñu srăng dôk hdĭp.

Y-Mathiơ 25:46

Leh anăn phung anăn srăng nao mŭt hlăm klei bi kmhal hlŏng lar, ƀiădah phung kpă srăng nao kơ klei hdĭp hlŏng lar.”

Y-Luk 21:19

Hŏng klei gĭr diih srăng bi mtlaih mngăt diih.”

Y-Luk 8:15

Bi mjeh lĕ hlăm lăn jăk, jing phung hmư̆ klei blŭ, djă pioh klei blŭ anăn hlăm ai tiê ênuah leh anăn jăk, leh anăn mboh hŏng klei gĭr.”

Y-Yôhan 4:36

Pô puôt wiă mă tŭ klei mưn, leh anăn mkăm mdiê pioh kơ klei hdĭp hlŏng lar; snăn pô buh leh anăn pô puôt wiă dưi hơ̆k mơak mđrăm mbĭt.

Y-Yôhan 5:44

Si diih dưi đăo, tơdah diih mă tŭ klei guh kơang hdơ̆ng diih pô, leh anăn amâo duah ôh klei guh kơang kbiă hriê mơ̆ng Aê Diê mâo knŏng sa čô?

Hră Y-Pôl Mơĭt kơ Phung Rôm 2:10

Ƀiădah srăng mâo klei guh kơang, klei mpŭ, leh anăn klei êđăp ênang kơ grăp čô mnuih ngă klei jăk, kơ phung Yuđa êlâo leh anăn wăt kơ phung Grĕk mơh.

Hră Y-Pôl Mơĭt kơ Phung Rôm 6:23

Kyuadah ênoh mưn kyua klei soh jing klei djiê, ƀiădah klei Aê Diê brei hơăi mang jing klei hdĭp hlŏng lar hlăm Krist Yêsu Khua Yang drei.

Hră Y-Pôl Mơĭt kơ Phung Rôm 8:18

Kâo yap klei knap mñai ênuk anei amâo năng ôh bi mđơr hŏng klei guh kơang srăng bi êdah kơ drei ênuk êdei.

Hră Y-Pôl Mơĭt kơ Phung Rôm 9:23

čiăng bi êdah klei mdrŏng klei guh kơang Ñu pioh kơ lu boh čeh Ñu pap, mmai leh mơ̆ng êlâo pioh kơ klei guh kơang?

I Kôrantô 15:42

Msĕ snăn mơh klei kbiă lŏ hdĭp mơ̆ng phung djiê. Asei mlei arăng rah thâo brŭ rai; ƀiădah asei mlei lŏ hdĭp amâo thâo brŭ rai ôh.

I Kôrantô 15:50

Ơ phung ayŏng adei, kâo hưn sĭt klei anei kơ diih: kđeh leh anăn êrah amâo dưi dưn ƀuôn ala mtao Aê Diê ôh, kăn mnơ̆ng thâo brŭ rai dưi dưn klei amâo thâo brŭ rai rei.

I Kôrantô 15:58

Snăn, Ơ phung ayŏng adei kâo khăp, dôk kjăp bĕ, amâo mgei ôh, leh anăn mă bruă êbeh hĭn nanao kơ Khua Yang, kyuadah diih thâo leh bruă diih mă hlăm Khua Yang amâo jing hơăi mang ôh.

Galati 6:9

Đăm brei drei jing êmăn ôh hlăm klei ngă jăk, kyuadah tơdah drei amâo êdu ai ôh drei srăng wiă tơdah truh djŏ yan.

Êphêsô 6:24

Brei klei pap Aê Diê dôk mbĭt hŏng jih jang phung khăp kơ Khua Yang drei Yêsu Krist hŏng klei khăp hlŏng lar.

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

II Y-Timôthê 1:10

Ñu bi êdah leh klei anăn ară anei hŏng klei Pô Bi Mtlaih drei Krist Yêsu hriê leh, Pô bi rai leh klei djiê leh anăn bi mngač leh klei hdĭp leh anăn klei amâo thâo djiê ôh hŏng klei mrâo mrang jăk.

Hêbrơ 2:7

Ih mjing diñu leh bhiâo ti gŭ phung dĭng buăl jăk Aê Diê, Ih mđua diñu leh đuôn mtao klei guh kơang leh anăn klei mpŭ.

Hêbrơ 6:12

Snăn đăm diih jing êgah ôh, ƀiădah jing phung tui phung dưn klei ƀuăn hŏng klei đăo leh anăn hŏng klei gĭr.

Hêbrơ 6:15

Snăn leh ñu gĭr, Y-Abraham ƀuh klei Aê Diê ƀuăn truh.

I Y-Yôhan 2:25

Leh anăn anei klei Ñu ƀuăn leh kơ drei, jing klei hdĭp hlŏng lar.