Hră Y-Pôl Mơĭt kơ Phung Rôm 2:6 - Klei Aê Diê Blŭ 2015

⁶ Kyuadah Aê Diê srăng bi wĭt kơ grăp čô mnuih tui si bruă ñu ngă.

Hră Y-Pôl Mơĭt kơ Phung Rôm 2:6 Iomraidhean Croise

Y-Yôp 34:11

Kyuadah tui si bruă sa čô mnuih, Aê Diê srăng mưn ñu, leh anăn tui si klei ñu ngă, Aê Diê srăng bi truh kơ ñu.

Klei Mmuñ Hđăp 62:12

Msĕ mơh, Ơ Khua Yang, klei khăp jing dŏ Ih. Kyuadah Ih bi wĭt kơ grăp čô tui si bruă ñu ngă.

Klei Kbiă 32:34

Ară anei nao bĕ, atăt phung ƀuôn sang kơ anôk Kâo lač leh kơ Ih. Nĕ anei dĭng buăl jăk Kâo srăng nao êlâo kơ Ih. Ƀiădah ti hruê Kâo rŭ ênua, Kâo srăng bi kmhal diñu kyua klei soh diñu ngă leh.”

Klei Bi Hriêng 24:12

Tơdah ih lač, “Nĕ anei, hmei amâo thâo ôh klei anăn,” amâo djŏ hĕ Pô ksiêm ai tiê ƀuh leh klei anăn? Amâo djŏ hĕ Pô kiă kriê mngăt ih thâo leh klei anăn? Leh anăn amâo djŏ hĕ ñu srăng bi wĭt kơ grăp čô tui si bruă gơ̆ ngă leh?

Klei Bi Hriêng 24:2

kyuadah ai tiê diñu trông čhai ngă klei ƀai, leh anăn êlah diñu blŭ klei rŭng răng.

Klei Bi Hriêng 26:10

Hlei pô mưn mnuih mluk leh anăn phung hiu găn gao jing msĕ si sa čô mnah hna bi êka jih jang mnuih.

Khua Pô Mtô 3:17

Kâo lač hlăm ai tiê kâo, Aê Diê srăng phat kđi pô kpă leh anăn pô wê, kyuadah Ñu bi kčah leh sa ênuk kơ jih jang klei, leh anăn kơ jih jang bruă.

Y-Yêrêmi 17:10

Kâo jing Yêhôwa Pô kăp ksiêm klei mĭn leh anăn lông dlăng ai tiê arăng, čiăng brei kơ grăp čô tui si êlan ñu êbat, tui si boh mơ̆ng klei ñu ngă.”

Y-Yêrêmi 32:19

mâo klei thâo mĭn prŏng leh anăn myang dưi ngă jih; Pô dôk dlăng kơ jih jang êlan mnuih, brei klei mưn kơ grăp čô mnuih tui si êlan ñu leh anăn tui si boh mơ̆ng klei ñu ngă;

Y-Êsêkiêl 18:20

Mngăt ngă soh srăng djiê. Anak êkei amâo srăng klam ôh klei soh ama ñu, kăn ama srăng klam rei klei soh anak êkei ñu; klei kpă ênô sa čô kpă ênô srăng pioh kơ ñu pô, leh anăn klei ƀai sa čô ƀai srăng lĕ kơ ñu pô.”

Y-Êsêkiêl 18:30

Kyuanăn Kâo srăng phat kđi diih, ‘Ơ sang Israel, grăp čô tui si êlan ñu êbat, Yêhôwa Aê Diê lač. Kmhal bĕ leh anăn lui wir hĕ jih jang klei soh diih, huĭdah klei wê diih bi rai diih.

Y-Êsêkiêl 36:19

Kâo suôt leh diñu ti krah phung găp djuê mnuih, leh anăn diñu bra leh tar ƀar čar mkăn; Kâo phat kđi diñu leh tui si klei diñu dôk dơ̆ng ƀơ̆ng huă leh anăn klei diñu ngă.

Y-Mathiơ 16:27

Kyuadah Anak Mnuih srăng hriê mbĭt hŏng phung dĭng buăl jăk Ñu hlăm klei guh kơang Ama Ñu, leh anăn hlăk anăn Ñu srăng mưn grăp čô tui si bruă gơ̆ mă leh.

Hră Y-Pôl Mơĭt kơ Phung Rôm 14:22

Klei đăo ih mâo leh, brei ih djă pioh knŏng kơ ih pô ti anăp Aê Diê. Jăk mơak yơh hlei pô amâo mâo ôh klei kčŭt čiăng phat kđi kơ ñu pô kyua klei ñu ngă.

I Kôrantô 3:8

Pô pla leh anăn pô krih êa jing msĕ, leh anăn grăp čô srăng mă tŭ klei mưn tui si bruă ñu ngă leh.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

II Kôrantô 11:15

Snăn amâo bi kngăr ôh tơdah phung dĭng buăl ñu msĕ mơh mgưt diñu pô jing msĕ si phung dĭng buăl kơ klei kpă ênô. Ti knhal tuč diñu srăng mă tŭ tui si bruă diñu.

II Kôrantô 5:10

Kyuadah jih jang drei srăng dôk ti anăp jhưng phat kđi Yang Krist, čiăng kơ grăp čô dưi mă tŭ tui si ñu ngă leh klei jăk amâodah klei jhat êjai ñu dôk hdĭp hlăm asei mlei anei.

II Y-Timôthê 4:14

Y-Aleksanđơr, mnuih tia kông, ngă leh lu klei jhat kơ kâo. Khua Yang srăng lŏ bi wĭt kơ ñu tui si klei ñu ngă.

Klei Bi Êdah 2:23

Kâo srăng bi mdjiê phung anak ñu. Leh anăn jih jang Phung Sang Aê Diê srăng thâo kơ Kâo jing Pô ksiêm klei mĭn leh anăn ai tiê, leh anăn Kâo srăng brei kơ grăp čô diih tui si bruă diih ngă.

Klei Bi Êdah 20:12

Leh anăn kâo ƀuh phung djiê, prŏng leh anăn điêt, dôk dơ̆ng ti anăp jhưng mtao anăn; leh anăn lu hdruôm hră arăng pŏk leh. Arăng pŏk leh sa pŏk hdruôm hră mkăn, jing hdruôm hră klei hdĭp. Leh anăn arăng phat kđi phung djiê tui si klei arăng čih leh hlăm lu hdruôm hră anăn, tui si bruă diñu ngă leh.

Klei Bi Êdah 22:12

“Nĕ anei, Kâo hriê djăl djă ba mnơ̆ng Kâo mưn, čiăng mưn grăp čô tui si bruă ñu ngă leh.