Hră Y-Pôl Mơĭt kơ Phung Rôm 2:5 - Klei Aê Diê Blŭ 2015

⁵ Ƀiădah hŏng ai tiê khăng ih amâo thâo kmhal kơ klei soh ôh, ih mkăm klei ngêñ srăng truh kơ ih pô ti hruê klei ngêñ, tơdah klei Aê Diê phat kđi kpă srăng bi êdah.

Hră Y-Pôl Mơĭt kơ Phung Rôm 2:5 Iomraidhean Croise

II Klei Yăl Dliê 30:8

Đăm jing khăng kŏ msĕ si phung aê diih ôh, ƀiădah yơr bĕ diih pô kơ Yêhôwa, leh anăn hriê kơ anôk doh jăk Ñu, anôk Ñu bi doh pioh brei leh hlŏng lar, leh anăn mă bruă bĕ kơ Yêhôwa Aê Diê diih, čiăng kơ klei Ñu ngêñ hlơr dưi weh đuĕ mơ̆ng diih.

II Klei Yăl Dliê 36:13

Msĕ mơh ñu bi kdơ̆ng hŏng Mtao Nebukatnetsar, pô brei ñu kat asei hŏng Aê Diê; ñu ngă khăng kŏ leh anăn bi khăng ai tiê ñu amâo čiăng wir phă Yêhôwa Aê Diê Israel ôh.

Y-Yôp 21:30

kơ klei mnuih ƀai tlaih hlăm hruê mâo klei jŭ jhat, kơ klei gơ̆ mâo klei dŏng hlăm hruê mâo klei ngêñ?

Klei Mmuñ Hđăp 110:5

Khua Yang dôk tĭng hnuă Ih; Ñu srăng bi rai phung mtao ti hruê Ñu ngêñ.

Klei Mmuñ Hđăp 95:8

đăm bi khăng ai tiê diih ôh msĕ si ti Mêriba, msĕ si ti hruê diih dôk ti Masa hlăm kdrăn tač.

Klei Kbiă 14:17

Kâo srăng bi khăng ai tiê phung Êjip, snăn diñu srăng tiŏ digơ̆ hlăm êa ksĭ, leh anăn Kâo srăng mâo klei guh kơang kyua Pharaôn leh anăn jih jang phung kahan ñu, êdeh aseh ñu, leh anăn phung mgăt aseh ñu.

Klei Kbiă 32:34

Ară anei nao bĕ, atăt phung ƀuôn sang kơ anôk Kâo lač leh kơ Ih. Nĕ anei dĭng buăl jăk Kâo srăng nao êlâo kơ Ih. Ƀiădah ti hruê Kâo rŭ ênua, Kâo srăng bi kmhal diñu kyua klei soh diñu ngă leh.”

Klei Kbiă 8:15

Ƀiădah tơdah Pharaôn ƀuh mâo klei mdei, ñu bi khăng ai tiê ñu, leh anăn amâo dôk hmư̆ digơ̆ ôh, msĕ si Yêhôwa lač leh.

Klei Bi Hriêng 1:18

Ƀiădah phung anei dôk kăp čiăng tuh êrah diñu pô, diñu ngă ênap mă klei hdĭp diñu pô.

Klei Bi Hriêng 11:4

Ngăn drăp amâo yuôm ôh ti hruê klei ngêñ, ƀiădah klei kpă ênô bi mtlaih arăng mơ̆ng klei djiê.

Klei Bi Hriêng 28:14

Jăk mơak yơh hlei pô huĭ mpŭ kơ Yêhôwa nanao, ƀiădah hlei pô bi khăng ai tiê ñu srăng mâo klei knap mñai.

Klei Bi Hriêng 29:1

Sa čô mnuih arăng ƀuah jêñ jêñ ƀiădah ăt ngă khăng kŏ, srăng rai tuč bhiâo riâo rit, amâo lŏ mâo êlan dưi mdrao ôh.

Khua Pô Mtô 12:14

Kyuadah Aê Diê srăng phat kđi jih jang klei mnuih ngă, mbĭt hŏng jih jang klei hgăm, thâodah jăk thâodah jhat.

Y-Êsai 48:4

Kyuadah Kâo thâo leh kơ ih jing khăng kŏ, kkuê ih jing sa aruăt klei msei, leh anăn adhei ih jing kông.

Y-Yêrêmi 40:3

Yêhôwa bi truh klei anăn, leh anăn ngă leh tui si klei Ñu lač. Kyuadah diih soh leh hŏng Yêhôwa leh anăn amâo gưt asăp Ñu ôh, snăn klei anei truh leh kơ diih.

Y-Êsêkiêl 11:19

Kâo srăng brei kơ diñu sa ai tiê mrâo, leh anăn dưm hlăm diñu sa klei mĭn mrâo; Kâo srăng mă hĕ sa ai tiê boh tâo khăng diñu leh anăn brei kơ diñu sa ai tiê kđeh,

Y-Êsêkiêl 3:7

Ƀiădah sang Israel amâo čiăng dôk hmư̆ ih ôh, kyuadah diñu amâo čiăng dôk hmư̆ Kâo ôh; kyuadah jih jang sang Israel jing khăng kŏ leh anăn mâo ai tiê khăng.

Y-Đaniel 5:20

Ƀiădah tơdah ai tiê ñu mgao leh anăn ai tiê ñu khăng tơl ñu ngă hŏng klei krưh, Aê Diê mdlưh ñu mơ̆ng jhưng mtao, leh anăn mă hĕ klei guh kơang mơ̆ng ñu.

Y-Ôsê 13:12

Klei wê Êphraim arăng djă pioh leh, klei soh ñu arăng čih pioh leh.

Y-Amôs 3:10

Yêhôwa lač, “Phung mkăm klei măk ƀai leh anăn ngă klei knĕ hlăm kđông kjăp amâo thâo ngă klei djŏ ôh.”

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

Hră Y-Pôl Mơĭt kơ Phung Rôm 9:22

Si ih mĭn tơdah Aê Diê čiăng bi êdah klei Ñu ngêñ leh anăn bi êdah klei myang Ñu, tŭ leh hŏng klei gĭr lu boh čeh mmai leh pioh kơ klei rai tuč,

II Kôrantô 5:10

Kyuadah jih jang drei srăng dôk ti anăp jhưng phat kđi Yang Krist, čiăng kơ grăp čô dưi mă tŭ tui si ñu ngă leh klei jăk amâodah klei jhat êjai ñu dôk hdĭp hlăm asei mlei anei.

Klei Mtô Mñă Klei Bhiăn 2:30

Ƀiădah Y-Sihôn mtao ƀuôn Hêsbôn amâo brei hmei găn giăm ñu ôh; kyuadah Yêhôwa Aê Diê ih bi khăng klei mĭn ñu leh anăn bi kjăp ai tiê ñu, čiăng jao ñu hlăm kngan ih, msĕ si truh hruê anei.

Klei Mtô Mñă Klei Bhiăn 32:34

Amâo djŏ hĕ klei anei mkăm leh mbĭt hŏng Kâo, kđăm leh hlăm sang ngăn drăp Kâo?

II Têsalônik 1:5

Klei anăn bi knăl sĭt kơ klei Aê Diê phat kđi kpă, čiăng kơ Aê Diê brei kơ diih klei năng kơ ƀuôn ala mtao Aê Diê, kyua ƀuôn ala mtao anăn diih dôk tŭ klei knap mñai.

Hêbrơ 3:13

Ƀiădah mtrŭt hdơ̆ng diih grăp hruê êjai arăng pia “Hruê anei”, amâo čiăng kơ sa čô hlăm phung diih mâo ai tiê khăng kyua klei soh mplư.

Hêbrơ 3:15

tui si Klei Aê Diê Blŭ lač, “Hruê anei, tơdah diih hmư̆ asăp Ñu, đăm bi khăng ai tiê diih ôh msĕ si ti hruê arăng bi kdơ̆ng.”

Hêbrơ 4:7

Aê Diê lŏ bi kčah sa hruê, “Hruê anei,” tơdah Ñu blŭ hŏng ƀăng êgei Y-Đawit sui thŭn êdei, msĕ si klei čih leh êlâo, “Hruê anei, tơdah diih hmư̆ asăp Ñu, đăm bi khăng ai tiê diih ôh.”

Y-Yakơ 5:3

Prăk mah diih bring jiă leh, leh anăn bring anăn srăng jing mnơ̆ng hưn bi sĭt bi kdơ̆ng hŏng diih, leh anăn srăng ƀơ̆ng kđeh diih msĕ si pui ƀơ̆ng. Diih mkăm pioh leh dŏ ngăn hlăm ênuk knhal tuč anei.

Y-Yôsuê 11:20

Kyuadah Yêhôwa yơh bi khăng ai tiê diñu brei diñu nao bi blah hŏng phung Israel, čiăng kơ diñu srăng rai jih, amâo mâo klei pap mñai ôh, ƀiădah rai luč jih, tui si Yêhôwa mtă leh kơ Y-Môis.

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,

II Y-Pêtrôs 3:7

Ƀiădah hŏng klei blŭ anăn mơh phung adiê leh anăn lăn ala ară anei Aê Diê pioh kơ pui bi rai ti hruê phat kđi leh anăn klei bi rai phung amâo mpŭ kơ Aê Diê ôh.

Y-Yut 1:6

Leh anăn phung dĭng buăl jăk amâo djă pioh ôh klei diñu jing, ƀiădah lui anôk diñu pô dôk, Aê Diê pioh leh kă hŏng klei săng đai hlŏng lar hlăm anôk mmăt ti gŭ tơl truh klei phat kđi ti Hruê Prŏng;

Klei Bi Êdah 2:21

Kâo brei leh mông kơ ñu dưi kmhal kơ klei soh, ƀiădah ñu hngah amâo čiăng kmhal kơ klei knhông ñu ôh.

Klei Bi Êdah 6:17

kyuadah hruê prŏng kơ klei diñu ngêñ truh leh, leh anăn hlei pô dưi dôk bi kdơ̆ng hŏng klei anăn?”

I Y-Samuel 6:6

Ya yuôm diih bi khăng ai tiê diih msĕ si phung Êjip leh anăn Pharaôn bi khăng ai tiê? Leh Yêhôwa ngă ktang kơ diñu, amâo djŏ hĕ diñu brei phung ƀuôn sang đuĕ nao, leh anăn digơ̆ đuĕ nao yơh?