Hră Y-Pôl Mơĭt kơ Phung Rôm 2:25 - Klei Aê Diê Blŭ 2015

²⁵ Sĭt nik klei khăt klĭt jing yuôm tơdah ih gưt klei bhiăn; ƀiădah tơdah ih gao klei bhiăn, klei khăt klĭt ih jing msĕ si amâo tuôm khăt klĭt ôh.

Hră Y-Pôl Mơĭt kơ Phung Rôm 2:25 Iomraidhean Croise

Y-Yêrêmi 4:4

Brei diih khăt klĭt diih pô ti anăp Yêhôwa, brei diih khăt hĕ klĭt ai tiê diih, Ơ phung êkei čar Yuđa leh anăn phung dôk hlăm ƀuôn Yêrusalem; huĭdah klei Kâo ngêñ truh msĕ si pui, leh anăn ƀơ̆ng amâo mâo pô dưi bi ram gơ̆ ôh, kyua bruă soh diih ngă.”

Bruă Phung Khua Ƀĭng Kna 7:51

Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.

Hră Y-Pôl Mơĭt kơ Phung Rôm 2:13

Kyuadah amâo djŏ ôh phung hmư̆ klei bhiăn jing kpă ti anăp Aê Diê, ƀiădah phung gưt klei bhiăn srăng mâo klei yap kpă.

Hră Y-Pôl Mơĭt kơ Phung Rôm 2:23

Ih bi mni kơ ih pô kyua klei bhiăn, bi ih, ih bi hêñ Aê Diê hŏng klei ih gao klei bhiăn mơ̆?

Hră Y-Pôl Mơĭt kơ Phung Rôm 2:26

Snăn tơdah mnuih ka khăt klĭt ôh gưt ya klei bhiăn mtô, amâo djŏ hĕ Aê Diê srăng yap klei ñu ka khăt klĭt msĕ si khăt klĭt leh?

Hră Y-Pôl Mơĭt kơ Phung Rôm 2:27

Snăn phung amâo mâo khăt klĭt tui si kđeh ƀiădah gưt klei bhiăn srăng phat kđi ih, pô mâo hră klei bhiăn leh anăn klei khăt klĭt ƀiădah gao klei bhiăn.

Hră Y-Pôl Mơĭt kơ Phung Rôm 2:28

Kyuadah arăng amâo jing ôh sa čô Yuđa sĭt tui si klei bi êdah ti êngao, leh anăn klei khăt klĭt sĭt kăn djŏ rei klei ngă ti êngao hlăm asei mlei.

I Kôrantô 7:19

Kyuadah klei khăt klĭt amâodah klei amâo khăt klĭt amâo jing tŭ dưn ôh, ƀiădah gưt klei bhiăn Aê Diê jing klei tŭ dưn.

Galati 6:13

Kyuadah wăt phung tŭ klei khăt klĭt amâo gưt kơ klei bhiăn ôh, ƀiădah diñu čiăng kơ diih tŭ klei khăt klĭt čiăng kơ diñu dưi bi mni kơ diñu pô hlăm kđeh diih.

Galati 6:15

Kyuadah klei khăt klĭt amâo jing yuôm ôh, amâodah klei amâo khăt klĭt kăn jing yuôm rei, knŏng klei jing mnuih Aê Diê hrih mrâo jing yuôm.

Klei Mtô Mñă Klei Bhiăn 30:6

Yêhôwa, Aê Diê diih srăng khăt klĭt ai tiê diih leh anăn ai tiê phung anak diih, snăn kơh diih srăng khăp kơ Yêhôwa, Aê Diê diih hŏng jih ai tiê diih leh anăn jih mngăt diih, čiăng kơ diih dưi hdĭp.