Hră Y-Pôl Mơĭt kơ Phung Rôm 2:22 - Klei Aê Diê Blŭ 2015

²² Ih mtô đăm brei arăng tlĕ piu ôh, bi ih, ih tlĕ piu mơ̆? Ih bi êmut kơ rup yang, bi ih, ih mmiă mă dŏ dô mơ̆ng sang yang mơ̆?

Hră Y-Pôl Mơĭt kơ Phung Rôm 2:22 Iomraidhean Croise

Klei Mmuñ Hđăp 50:17

Kyuadah ih bi êmut kơ klei Kâo mjuăt mkra, leh anăn ih hwiê klei Kâo blŭ ti tluôn ih.

Y-Yêrêmi 5:7

“Si Kâo dưi pap kơ ih lĕ? Phung anak ih lui wir Kâo leh, leh anăn kat asei leh hŏng phung amâo jing yang ôh. Kâo čiêm leh tơl trei diñu, ăt diñu tlĕ piu leh anăn nao bi bŏ sang phung mniê knhông.

Y-Yêrêmi 9:2

Ơ, čiăng kơ kâo mâo hlăm kdrăn tač sa anôk jưh kơ phung hiu êbat, čiăng kơ kâo dưi lui phung ƀuôn sang kâo leh anăn đuĕ mơ̆ng diñu! Kyuadah jih jang diñu jing phung tlĕ piu, sa phung êkei lhiăr.

Y-Êsêkiêl 22:11

Sa čô ngă klei jhat Kâo bi êmut kheh hŏng mô̆ riêng gah ñu; sa čô mkăn ngă klei knhông bi čhŏ mtâo mniê ñu; sa čô mkăn hlăm ih bi čhŏ adei mniê ñu, anak mniê ama ñu.

Y-Malaki 1:14

“Tăm pah hĕ kơ pô mplư, pô mâo sa drei knô hlăm biăp ñu, ƀuăn leh gơ̆, ƀiădah myơr ngă yang kơ Yêhôwa mnơ̆ng djiu ruă; kyuadah Kâo jing sa čô Mtao prŏng,” Yêhôwa kơ phung kahan lač. “Leh anăn arăng srăng huĭ kơ anăn Kâo ti krah phung găp djuê mnuih.”

Y-Malaki 1:8

Tơdah diih myơr hlô mnơ̆ng bum ală čiăng ngă yang, klei anăn amâo jing soh hĕ? Leh anăn tơdah diih myơr hlô mnơ̆ng êwiên amâodah djiu ruă, klei anăn amâo jing soh hĕ? Myơr mnơ̆ng anăn kơ khua čar diih; ñu srăng mơak leh anăn pap kơ diih hĕ?” Yêhôwa kơ phung kahan lač.

Y-Malaki 3:8

“Mnuih srăng tlĕ mơ̆ng Aê Diê mơ̆? Ƀiădah diih dôk tlĕ dŏ Kâo. Ƀiădah diih lač, ‘Ya klei hmei tlĕ dŏ Ih?’ Hlăm dŏ sa kdrêč hlăm pluh diih leh anăn hlăm mnơ̆ng diih myơr.

Y-Mathiơ 12:39

Ƀiădah Ñu lŏ wĭt lač kơ phung anăn, “Sa phung găp djuê ƀai leh anăn knhông duah sa klei bi knăl mdê; ƀiădah arăng amâo srăng brei ôh klei bi knăl mdê kơ găp djuê anei, knŏng klei bi knăl mdê khua pô hưn êlâo Y-Yôna.

Y-Mathiơ 16:4

Ênuk phung jhat ƀai leh anăn knhông anei duah sa klei bi knăl mdê, ƀiădah Aê Diê amâo srăng brei klei bi knăl mkăn ôh, knŏng klei bi knăl mdê djŏ kơ Y-Yôna.” Êdei tinăn Gơ̆ lui phung anăn leh anăn đuĕ nao.

Y-Markôs 11:17

Leh anăn Yêsu mtô lač kơ digơ̆, “Amâo djŏ hĕ Klei Aê Diê Blŭ čih leh, ‘Arăng srăng pia sang Kâo sang pioh wah lač kơ jih jang găp djuê mnuih?’ Ƀiădah diih mjing gơ̆ leh ƀăng kơ phung knĕ.”

Bruă Phung Khua Ƀĭng Kna 19:37

Diih atăt ba leh tinei phung êkei anei, digơ̆ amâo tuôm tlĕ dŏ yang amâodah blŭ mgao hŏng yang mniê drei ôh.

Hră Y-Pôl Mơĭt kơ Phung Rôm 12:9

Brei klei khăp diih jing sĭt. Bi êmut kơ klei jhat, djă pioh ya jing klei jăk.

Y-Yakơ 4:4

Diih jing phung knhông yơh! Diih amâo thâo hĕ klei ngă mah jiăng hŏng lăn ala jing roh hŏng Aê Diê? Kyua anăn hlei pô čiăng jing mah jiăng hŏng lăn ala mjing ñu pô roh hŏng Aê Diê.