Hră Y-Pôl Mơĭt kơ Phung Rôm 2:2 - Klei Aê Diê Blŭ 2015

² Drei thâo klei Aê Diê phat kđi kơ phung ngă soh msĕ snăn jing djŏ.

Hră Y-Pôl Mơĭt kơ Phung Rôm 2:2 Iomraidhean Croise

Klei Mphŭn Dơ̆ng 18:25

Ih amâo ngă snăn ôh, bi mdjiê phung kpă ênô mbĭt hŏng phung ƀai. Tơdah snăn klei truh kơ phung kpă ênô jing msĕ si klei truh kơ phung ƀai. Ih amâo ngă snăn ôh, hơăi. Amâo djŏ hĕ Khua Phat Kđi jih lăn ala srăng ngă klei djŏ?”

Y-Yôp 34:23

Kyuadah amâo yuôm Ñu lŏ ksiêm phung mnuih, tơl digơ̆ nao kơ klei phat kđi ti anăp Aê Diê.

Klei Mmuñ Hđăp 145:17

Yêhôwa jing kpă ênô hlăm jih êlan Ñu, leh anăn khăp kơ jih bruă Ñu ngă.

Klei Mmuñ Hđăp 9:4

Kyuadah Ih brei kâo dưi, kyua klei kâo jing djŏ. Ih dôk ti jhưng mtao leh anăn phat kđi leh hŏng klei kpă.

Klei Mmuñ Hđăp 96:13

ti anăp Yêhôwa, kyuadah Ñu hriê yơh, Ñu hriê čiăng phat kđi lăn ala. Ñu srăng phat kđi lăn ala hŏng klei kpă ênô, leh anăn phung ƀuôn sang hŏng klei sĭt nik Ñu.

Klei Mmuñ Hđăp 98:9

ti anăp Yêhôwa, kyuadah Ñu hriê phat kđi lăn ala. Ñu srăng phat kđi lăn ala hŏng klei kpă ênô, leh anăn phung ƀuôn sang hŏng klei djŏ.

Y-Êsai 45:19

Kâo amâo tuôm blŭ hŏng klei hgăm ôh kăn blŭ hlăm čar klei mmăt rei. Kâo amâo tuôm lač ôh kơ phung anak čô Y-Yakôp, ‘diih duah Kâo hơăi mang!’ Kâo gơ̆ Yêhôwa, blŭ klei sĭt nik, Kâo hưn klei kpă.”

Y-Êsai 45:21

Hưn bĕ leh anăn bi êdah klei diih; brei diñu trông čhai mđrăm mbĭt! Hlei pô bi êdah leh klei anei mơ̆ng ênuk đưm? Hlei pô hưn leh klei anei mơ̆ng mphŭn dô? Amâo djŏ hĕ Kâo gơ̆, Yêhôwa? ti êngao Kâo amâo mâo Aê Diê mkăn ôh, sa čô Aê Diê kpă ênô leh anăn Pô Bi Mtlaih. Ti êngao Kâo amâo mâo Aê Diê mkăn ôh.

Y-Yêrêmi 12:1

Ơ Yêhôwa, Ih jing Pô kpă tơdah kâo hưn klei kâo kơ Ih. Ƀiădah kâo čiăng blŭ kơ Ih djŏ kơ klei kpă Ih: Si ngă bruă phung ƀai đĭ kyar leh? Si ngă phung lhiăr hriê kơ mdrŏng?

Y-Êsêkiêl 18:25

Ƀiădah ăt diih lač, ‘Êlan Yêhôwa amâo kpă ôh.’ Hmư̆ bĕ ară anei, Ơ sang Israel: ‘Êlan Kâo amâo kpă ôh hĕ? Amâo djŏ hĕ êlan diih yơh amâo kpă ôh?

Y-Êsêkiêl 18:29

Ƀiădah ăt sang Israel lač, ‘Êlan Yêhôwa amâo jing kpă ôh.’ Ơ sang Israel, êlan Kâo amâo kpă ôh hĕ? Amâo djŏ hĕ êlan diih yơh amâo kpă ôh?

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Y-Sôphôni 3:5

Yêhôwa ti krah ñu jing kpă ênô, Yêhôwa amâo ngă klei soh ôh; grăp aguah Yêhôwa bi êdah klei kpă Ñu, grăp ang dar Yêhôwa amâo kƀah ôh klei dưi; ƀiădah pô wê amâo thâo hêñ ôh.

Bruă Phung Khua Ƀĭng Kna 17:31

Kyuadah Ñu bi kčah leh sa hruê Ñu srăng brei sa čô Ñu čuăn leh phat kđi lăn ala hŏng klei kpă. Ñu hưn bi sĭt leh klei anăn kơ jih jang mnuih hŏng klei Ñu bi kbiă lŏ hdĭp Gơ̆ leh mơ̆ng phung djiê.”

Hră Y-Pôl Mơĭt kơ Phung Rôm 2:1

Kyuanăn, Ơ mnuih, măng ai hlei ih jing, tơdah ih phat kđi arăng, ih amâo dưi mgang ih pô ôh. Kyuadah êjai ih phat kđi arăng, ih bi kmhal ih pô yơh; kyuadah ih jing pô phat kđi ƀiădah ngă msĕ.

Hră Y-Pôl Mơĭt kơ Phung Rôm 2:3

Ơ mnuih, tơdah ih phat kđi phung ngă soh snăn ƀiădah ih pô ăt ngă msĕ, ih mĭn ih srăng tlaih kơ klei Aê Diê phat kđi hĕ?

Hră Y-Pôl Mơĭt kơ Phung Rôm 2:5

Ƀiădah hŏng ai tiê khăng ih amâo thâo kmhal kơ klei soh ôh, ih mkăm klei ngêñ srăng truh kơ ih pô ti hruê klei ngêñ, tơdah klei Aê Diê phat kđi kpă srăng bi êdah.

Hră Y-Pôl Mơĭt kơ Phung Rôm 9:14

Snăn ya drei srăng lač lĕ? Mâo mơ̆ klei amâo mâo kpă hlăm Aê Diê? Hơăi, amâo mâo ôh!

Klei Bi Êdah 16:5

Leh anăn kâo hmư̆ dĭng buăl jăk kiă kriê êa lač, “Ih jing kpă, Ơ Pô Doh Jăk, Pô jing ară anei leh anăn Pô jing leh. Kyuadah Ih phat leh kđi jih mnơ̆ng anei.

Klei Bi Êdah 19:2

kyuadah klei Ñu phat kđi jing sĭt leh anăn kpă; Ñu phat leh kđi mniê knhông prŏng, pô bi čhŏ lăn ala hŏng klei knhông ñu, leh anăn Aê Diê rŭ leh ênua kơ mniê knhông anăn kyua êrah phung dĭng buăl Ñu.”