Hră Y-Pôl Mơĭt kơ Phung Rôm 2:16 - Klei Aê Diê Blŭ 2015

¹⁶ Klei anăn srăng bi êdah ti hruê Aê Diê phat kđi hŏng Yêsu Krist jih jang bruă hgăm mnuih ngă, tui si klei mrâo mrang jăk kâo mtô.

Hră Y-Pôl Mơĭt kơ Phung Rôm 2:16 Iomraidhean Croise

Klei Mphŭn Dơ̆ng 18:25

Ih amâo ngă snăn ôh, bi mdjiê phung kpă ênô mbĭt hŏng phung ƀai. Tơdah snăn klei truh kơ phung kpă ênô jing msĕ si klei truh kơ phung ƀai. Ih amâo ngă snăn ôh, hơăi. Amâo djŏ hĕ Khua Phat Kđi jih lăn ala srăng ngă klei djŏ?”

Klei Mmuñ Hđăp 50:6

Phung adiê hưn klei kpă ênô Ñu, kyuadah Aê Diê pô yơh jing khua phat kđi. (Sêla)

Klei Mmuñ Hđăp 96:13

ti anăp Yêhôwa, kyuadah Ñu hriê yơh, Ñu hriê čiăng phat kđi lăn ala. Ñu srăng phat kđi lăn ala hŏng klei kpă ênô, leh anăn phung ƀuôn sang hŏng klei sĭt nik Ñu.

Klei Mmuñ Hđăp 98:9

ti anăp Yêhôwa, kyuadah Ñu hriê phat kđi lăn ala. Ñu srăng phat kđi lăn ala hŏng klei kpă ênô, leh anăn phung ƀuôn sang hŏng klei djŏ.

Khua Pô Mtô 11:9

Hơ̆k mơak bĕ, Ơ êkei êdam, êjai ih hlăk ai, leh anăn brei ai tiê ih dôk mơak êjai ênuk ih hlăk ai. Êbat bĕ tui si êlan ai tiê ih čiăng, leh anăn tui si ală ih ƀuh. Ƀiădah brei ih thâo kyua jih klei anăn Aê Diê srăng atăt ih kơ klei phat kđi.

Khua Pô Mtô 12:14

Kyuadah Aê Diê srăng phat kđi jih jang klei mnuih ngă, mbĭt hŏng jih jang klei hgăm, thâodah jăk thâodah jhat.

Khua Pô Mtô 3:17

Kâo lač hlăm ai tiê kâo, Aê Diê srăng phat kđi pô kpă leh anăn pô wê, kyuadah Ñu bi kčah leh sa ênuk kơ jih jang klei, leh anăn kơ jih jang bruă.

Y-Mathiơ 16:27

Kyuadah Anak Mnuih srăng hriê mbĭt hŏng phung dĭng buăl jăk Ñu hlăm klei guh kơang Ama Ñu, leh anăn hlăk anăn Ñu srăng mưn grăp čô tui si bruă gơ̆ mă leh.

Y-Luk 8:17

Kyuadah amâo mâo ôh mnơ̆ng arăng mdăp leh amâo srăng bi êdah, kăn mâo rei mnơ̆ng hgăm arăng amâo srăng bi thâo leh anăn bi êdah mngač.

Y-Yôhan 12:48

Hlei pô hngah kơ Kâo leh anăn amâo mă tŭ ôh klei Kâo blŭ mâo leh sa čô pô phat kđi ñu; klei Kâo blŭ leh srăng jing pô phat kđi ñu ti hruê knhal tuč êdei.

Bruă Phung Khua Ƀĭng Kna 10:42

Leh anăn Ñu mtă leh kơ hmei brei mtô kơ phung ƀuôn sang, leh anăn hưn bi sĭt kơ klei Aê Diê mjing Ñu Khua phat kđi kơ phung hdĭp leh anăn kơ phung djiê.

Bruă Phung Khua Ƀĭng Kna 17:31

Kyuadah Ñu bi kčah leh sa hruê Ñu srăng brei sa čô Ñu čuăn leh phat kđi lăn ala hŏng klei kpă. Ñu hưn bi sĭt leh klei anăn kơ jih jang mnuih hŏng klei Ñu bi kbiă lŏ hdĭp Gơ̆ leh mơ̆ng phung djiê.”

Hră Y-Pôl Mơĭt kơ Phung Rôm 16:25

Mpŭ mni kơ Pô dưi bi kjăp diih tui si klei mrâo mrang jăk kâo leh anăn klei mtô klei Yêsu Krist, tui si klei bi êdah klei hgăm Aê Diê mdăp leh êjai lu ênuk êlâo,

Hră Y-Pôl Mơĭt kơ Phung Rôm 2:5

Ƀiădah hŏng ai tiê khăng ih amâo thâo kmhal kơ klei soh ôh, ih mkăm klei ngêñ srăng truh kơ ih pô ti hruê klei ngêñ, tơdah klei Aê Diê phat kđi kpă srăng bi êdah.

Hră Y-Pôl Mơĭt kơ Phung Rôm 3:6

Hơăi, amâo djŏ ôh! Tơdah snăn, si Aê Diê dưi phat kđi lăn ala?

I Kôrantô 15:1

Ơ phung ayŏng adei, kâo čiăng bi hdơr kơ diih klei mrâo mrang jăk kâo mtô leh kơ diih, klei anăn diih mă tŭ leh, leh anăn hlăm klei anăn mơh diih dôk kjăp.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

II Kôrantô 5:10

Kyuadah jih jang drei srăng dôk ti anăp jhưng phat kđi Yang Krist, čiăng kơ grăp čô dưi mă tŭ tui si ñu ngă leh klei jăk amâodah klei jhat êjai ñu dôk hdĭp hlăm asei mlei anei.

Galati 1:11

Ơ phung ayŏng adei, kâo čiăng brei diih thâo klei mrâo mrang jăk kâo mtô leh amâo djŏ klei mrâo mrang jăk kbiă hriê mơ̆ng mnuih ôh.

I Y-Timôthê 1:11

tui si klei mrâo mrang jăk guh kơang mơ̆ng Aê Diê, Pô năng kơ arăng bi mni, klei mrâo mrang jăk anăn Aê Diê jao leh kơ kâo.

II Y-Timôthê 2:8

Brei ih hdơr kơ Yêsu Krist, Pô Aê Diê bi kbiă lŏ hdĭp leh mơ̆ng phung djiê, jing anak čô găp djuê Y-Đawit, tui si klei mrâo mrang jăk kâo mtô.

II Y-Timôthê 4:1

Ti anăp Aê Diê leh anăn ti anăp Krist Yêsu, Pô srăng phat kđi phung hdĭp leh anăn phung djiê, leh anăn kyua klei Ñu srăng lŏ bi êdah leh anăn kyua ƀuôn ala mtao Ñu, kâo mtă kơ ih snei:

II Y-Timôthê 4:8

Mơ̆ng anei kơ anăp mâo đuôn mtao klei kpă ênô pioh leh kơ kâo. Khua Yang, khua phat kđi kpă, srăng brei đuôn anăn kơ kâo hlăm Hruê anăn, leh anăn amâo djŏ knŏng kơ kâo ôh, ƀiădah msĕ mơh wăt kơ jih jang phung khăp leh kơ klei Ñu srăng lŏ hriê.

Hêbrơ 9:27

Leh anăn čuăn leh kơ mnuih srăng djiê sa blư̆, leh klei anăn tŭ klei phat kđi,

I Y-Pêtrôs 4:5

Ƀiădah diñu srăng hưn klei diñu ngă kơ Pô kăp phat kđi phung hdĭp leh anăn phung djiê.

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,