Hră Y-Pôl Mơĭt kơ Phung Rôm 2:13 - Klei Aê Diê Blŭ 2015

¹³ Kyuadah amâo djŏ ôh phung hmư̆ klei bhiăn jing kpă ti anăp Aê Diê, ƀiădah phung gưt klei bhiăn srăng mâo klei yap kpă.

Hră Y-Pôl Mơĭt kơ Phung Rôm 2:13 Iomraidhean Croise

Klei Mmuñ Hđăp 143:2

Đăm phat kđi kơ dĭng buăl Ih ôh, kyuadah amâo mâo sa čô mnuih hdĭp jing kpă ênô ti anăp Ih.

Y-Yêrêmi 11:6

Yêhôwa lač kơ kâo, “Hưn bĕ jih jang klei blŭ anei hlăm jih jang ƀuôn čar Yuđa leh anăn hlăm êlan prŏng ƀuôn Yêrusalem: ‘Hmư̆ bĕ klei blŭ kơ klei bi mguôp anei leh anăn tui ngă klei anăn.

Y-Êsêkiêl 20:11

Kâo brei leh kơ diñu klei bhiăn Kâo leh anăn bi êdah leh kơ diñu klei Kâo mtă, hŏng klei gưt klei anăn mnuih srăng hdĭp.

Y-Luk 18:14

Kâo hưn kơ diih, pô rĭng jia anei wĭt kơ sang mâo leh klei yap kpă; bi êkei Pharisi anăn, amâo mâo ôh. Kyuadah grăp čô hlei pô mpŭ kơ ñu pô, Aê Diê srăng bi mtrŭn ñu; ƀiădah hlei pô bi mtrŭn ñu pô, Aê Diê srăng mpŭ kơ ñu.”

Y-Luk 8:21

Ƀiădah Ñu lŏ wĭt lač kơ digơ̆, “Hlei pô hmư̆ klei Aê Diê blŭ leh anăn gưt, phung anăn jing amĭ Kâo leh anăn phung ayŏng adei Kâo.”

Y-Yôhan 13:17

Tơdah diih thâo leh anăn ngă klei anăn, jăk mơak yơh kơ diih.

Bruă Phung Khua Ƀĭng Kna 13:39

Leh anăn hŏng Ñu yơh hlei pô đăo jing êngiê leh mơ̆ng jih jang klei bhiăn Y-Môis amâo dưi bi êngiê diih ôh.

Hră Y-Pôl Mơĭt kơ Phung Rôm 10:5

Y-Môis čih leh djŏ kơ klei kpă ênô kbiă hriê mơ̆ng klei bhiăn snei, “hlei pô gưt jih klei mtă anăn srăng hdĭp”.

Hră Y-Pôl Mơĭt kơ Phung Rôm 2:25

Sĭt nik klei khăt klĭt jing yuôm tơdah ih gưt klei bhiăn; ƀiădah tơdah ih gao klei bhiăn, klei khăt klĭt ih jing msĕ si amâo tuôm khăt klĭt ôh.

Hră Y-Pôl Mơĭt kơ Phung Rôm 3:20

Kyuadah ti anăp Aê Diê amâo mâo sa čô mnuih ôh srăng mâo klei yap kpă hŏng bruă klei bhiăn, kyua hŏng klei bhiăn arăng thâo klei ñu jing soh leh.

Hră Y-Pôl Mơĭt kơ Phung Rôm 3:23

Kyuadah jih jang mnuih soh leh sơăi leh anăn amâo tơl mâo klei guh kơang Aê Diê ôh,

Hră Y-Pôl Mơĭt kơ Phung Rôm 3:30

kyuadah mâo knŏng sa čô Aê Diê. Ñu srăng yap kpă phung khăt klĭt hŏng klei đăo leh anăn phung amâo khăt klĭt hŏng klei đăo anăn mơh.

I Kôrantô 4:4

Kâo amâo ƀuh ôh sa mta klei soh hlăm kâo, ƀiădah amâo djŏ kyua klei anăn ôh kâo mâo leh klei yap kpă. Khua Yang yơh jing Pô phat kđi kâo.

Galati 2:16

Ƀiădah hmei thâo leh Aê Diê yap mnuih kpă amâo djŏ kyua bruă tui si klei bhiăn ôh, ƀiădah hŏng klei đăo kơ Yêsu Krist. Wăt hmei pô mơh đăo leh kơ Krist Yêsu, čiăng dưi mâo klei yap kpă hŏng klei đăo kơ Krist, amâo djŏ hŏng bruă tui si klei bhiăn ôh, kyuadah arăng amâo dưi mâo ôh klei yap kpă hŏng bruă tui si klei bhiăn.

Galati 5:4

Tơdah diih čiăng mâo klei yap kpă hŏng klei bhiăn, diih bi ktlah leh mơ̆ng Krist yơh, diih luč leh klei pap.

Klei Mtô Mñă Klei Bhiăn 4:1

“Ară anei, Ơ phung Israel, dôk hmư̆ bĕ klei bhiăn leh anăn klei mtă kâo bi hriăm diih, leh anăn ngă tui hlue klei anăn; čiăng kơ diih dưi dôk hdĭp leh anăn mŭt čar Yêhôwa Aê Diê kơ phung aê đưm diih brei kơ diih.

Klei Mtô Mñă Klei Bhiăn 5:1

Y-Môis iêô bi kƀĭn jih jang Israel leh anăn lač kơ diñu, “Hmư̆ bĕ, Ơ Israel, klei bhiăn leh anăn klei mtă kâo blŭ brei diih hmư̆ hruê anei, brei diih hriăm leh anăn gưt hlue hŏng jih ai tiê.

Klei Mtô Mñă Klei Bhiăn 6:3

Hmư̆ bĕ, Ơ phung Israel, leh anăn răng brei ngă tui hlue klei anăn; čiăng kơ klei truh kơ ih jing jăk, leh anăn ih dưi jing lar êngŭm, tui si Yêhôwa Aê Diê phung aê đưm ih ƀuăn leh kơ ih, hlăm sa boh čar mâo mnơ̆ng ƀơ̆ng huă mnăm lu êbeh.

Y-Yakơ 1:27

Snei klei đăo doh leh anăn amâo čhŏ ôh ti anăp Aê Diê Ama: đru phung anak êrĭt leh anăn phung mniê djiê ung hlăm klei knap mñai digơ̆, leh anăn răng kriê amâo bi čhŏ ñu pô hŏng klei mưng lăn ala.

I Y-Yôhan 2:29

Tơdah diih thâo Ñu jing kpă, diih dưi thâo sĭt kơ hlei pô ngă klei kpă mâo leh klei kkiêng mơ̆ng Ñu.

I Y-Yôhan 3:7

Ơ phung anak điêt, đăm brei arăng mplư diih ôh. Hlei pô ngă klei kpă jing kpă, msĕ si Krist jing kpă.