Hră Y-Pôl Mơĭt kơ Phung Rôm 2:12 - Klei Aê Diê Blŭ 2015

¹² Jih jang hlei pô ngă soh leh ti êngao klei bhiăn, msĕ mơh srăng rai tuč ti êngao klei bhiăn. Leh anăn jih jang hlei pô ngă soh leh ti gŭ klei bhiăn, klei bhiăn anăn srăng phat kđi ñu.

Hră Y-Pôl Mơĭt kơ Phung Rôm 2:12 Iomraidhean Croise

Y-Mathiơ 11:22

Ƀiădah Kâo hưn kơ diih, ƀuôn Tir leh anăn ƀuôn Sidôn srăng mâo klei bi kmhal êdu hĭn kơ diih hlăm hruê phat kđi êdei.

Y-Mathiơ 11:24

Ƀiădah Kâo hưn kơ diih, ƀuôn Sôdôm srăng mâo klei bi kmhal êdu hĭn kơ ih hlăm hruê phat kđi êdei.”

Y-Yôhan 19:11

Yêsu lŏ wĭt lač kơ Aê Pilat, “Ih amâo mâo klei dưi ngă kơ Kâo ôh, tơdah Aê Diê amâo brei klei dưi anăn kơ ih. Kyuanăn hlei pô jao Kâo kơ ih mâo klei soh prŏng hĭn.”

Bruă Phung Khua Ƀĭng Kna 2:23

Yêsu anei, Pô Aê Diê jao leh tui si hdră Aê Diê čuăn leh anăn thâo êlâo, diih yua kngan phung soh pơ̆ng bi mdjiê leh ti kyâo bi kal.

Hră Y-Pôl Mơĭt kơ Phung Rôm 1:32

Wăt tơdah diñu thâo klei bhiăn Aê Diê hưn kơ hlei pô ngă msĕ snăn năng djiê, amâo djŏ ôh knŏng diñu pô ngă, ƀiădah diñu ư ai hŏng phung ngă klei anăn.

Hră Y-Pôl Mơĭt kơ Phung Rôm 4:15

Kyuadah klei bhiăn bi truh klei ngêñ, ƀiădah ti anôk amâo mâo klei bhiăn, amâo mâo ôh klei gao klei bhiăn.

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

I Kôrantô 9:21

Hŏng phung ti êngao klei bhiăn, kâo jing msĕ si sa čô ti êngao klei bhiăn — amâo djŏ ôh kâo amâo gưt klei bhiăn Aê Diê, ƀiădah kâo dôk ti gŭ klei bhiăn Yang Krist — čiăng kơ kâo dưi atăt phung ti êngao klei bhiăn.

Galati 3:10

Kyuadah jih jang hlei pô knang kơ bruă tui si klei bhiăn dôk ti gŭ klei tăm pah; kyuadah Klei Aê Diê Blŭ čih leh, “Tăm pah hĕ kơ hlei pô amâo gưt leh anăn ngă tui si jih jang klei čih leh hlăm hdruôm hră klei bhiăn.”

Galati 3:22

Ƀiădah Klei Aê Diê Blŭ hưn jih jang mnuih dôk ti gŭ klei myang klei soh, čiăng kơ hŏng klei đăo kơ Yêsu Krist, klei Aê Diê ƀuăn dưi brei kơ phung đăo.

Klei Mtô Mñă Klei Bhiăn 27:26

‘Tăm pah hĕ kơ pô amâo bi sĭt ôh boh blŭ klei bhiăn anei hŏng klei ngă tui hlue digơ̆.’ Leh anăn jih jang phung ƀuôn sang srăng lač, ‘Amen’.”

Y-Yakơ 2:10

Kyuadah hlei pô gưt jih klei bhiăn ƀiădah gao sa klei mtă, jing mnuih gao leh jih klei bhiăn yơh.