Hră Y-Pôl Mơĭt kơ Phung Rôm 2:11 - Klei Aê Diê Blŭ 2015

¹¹ Kyuadah Aê Diê amâo dlăng mnuih ti êngao ôh.

Hră Y-Pôl Mơĭt kơ Phung Rôm 2:11 Iomraidhean Croise

II Klei Yăl Dliê 19:7

Snăn brei diih mâo klei huĭ kơ Yêhôwa; răng bĕ kơ ya diih ngă, kyuadah amâo dưi bi msoh ôh kơ klei kpă ti anăp Yêhôwa Aê Diê drei, kăn dôk tĭng kơ sa nah, amâodah mă ngăn sun rei.”

Y-Yôp 34:19

Pô amâo dôk tĭng kơ phung khua ôh, kăn uêñ kơ phung mdrŏng lu hĭn kơ phung ƀun ƀin rei, kyuadah jih jang digơ̆ jing bruă kngan Ñu ngă?

Y-Mathiơ 22:16

Diñu tiŏ nao phung ƀĭng kna diñu mbĭt hŏng phung Hêrôt, lač, “Ơ Nai, hmei thâo kơ Ih jing sa čô pô sĭt klă, mtô klei Aê Diê hŏng klei sĭt nik leh anăn Ih amâo yap mnuih mdê mdê ôh; kyuadah Ih amâo dlăng kơ klei arăng jing ôh.

Y-Luk 20:21

Phung anăn êmuh kơ Yêsu, “Ơ Nai, hmei thâo kơ Ih blŭ leh anăn mtô hŏng klei kpă. Ih amâo dôk tĭng kơ sa nah ôh, ƀiădah mtô êlan Aê Diê hŏng klei sĭt nik.

Bruă Phung Khua Ƀĭng Kna 10:34

Y-Pêtrôs ha blŭ leh anăn lač, “Sĭt nik kâo thâo săng kơ Aê Diê amâo yap mnuih mdê mdê ôh,

Hră Y-Pôl Mơĭt kơ Phung Rôm 9:14

Snăn ya drei srăng lač lĕ? Mâo mơ̆ klei amâo mâo kpă hlăm Aê Diê? Hơăi, amâo mâo ôh!

Galati 2:6

Bi kơ phung khua pơ prŏng (ya diñu jing kâo amâo yap yuôm ôh, Aê Diê amâo yap mnuih mdê mdê ôh), kâo lač phung anăn jing khua prŏng, amâo lŏ thiăm sa klei kơ klei kâo mtô ôh.

Êphêsô 6:9

Ơ phung khua, brei diih ngă msĕ mơh kơ diñu, leh anăn đăm arưp aram ôh, kyua diih thâo leh Pô jing khua kơ diñu wăt kơ diih dôk hlăm adiê, leh anăn Ñu amâo yap mnuih mdê mdê ôh.

Klei Mtô Mñă Klei Bhiăn 10:17

Kyuadah Yêhôwa Aê Diê diih jing Aê Diê kơ phung yang leh anăn Khua Yang kơ phung khua, Aê Diê Pô prŏng, Pô myang, leh anăn Pô bi krưp, Pô amâo dlăng mnuih mdê mdê ôh, leh anăn amâo tŭ ôh ngăn sun.

Klei Mtô Mñă Klei Bhiăn 16:19

Đăm bi msoh kơ klei kpă ôh; đăm dôk sa nah tĭng ôh; đăm mă tŭ ngăn sun ôh; kyuadah ngăn sun bi bum ală phung thâo mĭn leh anăn bi msoh klei pô kpă.

Kôlôs 3:25

Kyuadah hlei pô ngă klei jhat srăng mă tŭ tui si klei jhat ñu ngă leh, leh anăn amâo mâo klei yap mnuih mdê mdê ôh.

I Y-Pêtrôs 1:17

Leh anăn tơdah diih iêô Ama êjai wah lač kơ Aê Diê, Pô phat kđi grăp čô tui si bruă ñu amâo dlăng mnuih ti êngao ôh, brei diih hdĭp hŏng klei huĭ mpŭ êjai ênuk bhiâo diih dôk ti lăn ala.