Hră Y-Pôl Mơĭt kơ Phung Rôm 16:7 - Klei Aê Diê Blŭ 2015

⁷ Kâo kkuh čhưn hŏng Y-Andrônikus leh anăn Y-Junias, phung găp djuê kâo, phung arăng krư̆ mbĭt hŏng kâo. Diñu mâo hing ang ti krah phung khua ƀĭng kna, leh anăn diñu đăo kơ Krist êlâo kơ kâo.

Hră Y-Pôl Mơĭt kơ Phung Rôm 16:7 Iomraidhean Croise

Y-Êsai 45:17

Ƀiădah Yêhôwa srăng bi mtlaih phung Israel hŏng klei bi mtlaih hlŏng lar. Diih amâo srăng hêñ amâodah rŭng răng ôh, hlăm jih jang ênuk hlŏng lar.

Y-Êsai 45:25

Ƀiădah hlăm Yêhôwa jih jang anak čô Israel srăng mâo klei yap kpă ênô leh anăn mâo klei guh kơang.

Y-Yôhan 14:20

Hlăm hruê anăn diih srăng thâo kơ Kâo dôk hlăm Ama Kâo, leh anăn diih dôk hlăm Kâo, leh anăn Kâo dôk hlăm diih.

Y-Yôhan 15:2

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.

Y-Yôhan 6:56

Hlei pô ƀơ̆ng kđeh Kâo leh anăn mnăm êrah Kâo dôk hlăm Kâo, leh anăn Kâo dôk hlăm gơ̆.

Hră Y-Pôl Mơĭt kơ Phung Rôm 16:10

Kâo kkuh čhưn hŏng Y-Apêlês, pô dôk sĭt suôr hŏng Krist êjai mâo klei lông dlăng. Kâo kkuh čhưn hŏng phung găp djuê Y-Aristôbul.

Hră Y-Pôl Mơĭt kơ Phung Rôm 16:11

Kâo kkuh čhưn hŏng Y-Hêrôdiôn, găp djuê kâo. Kâo kkuh čhưn hŏng phung găp djuê Y-Narsis, phung dôk hlăm Khua Yang.

Hră Y-Pôl Mơĭt kơ Phung Rôm 16:21

Y-Timôthê, pô mă bruă mbĭt hŏng kâo, kkuh čhưn hŏng diih. Y-Lusius, Y-Jasôn, leh anăn Y-Sôsipater, phung găp djuê kâo, kkuh čhưn hŏng diih msĕ mơh.

Hră Y-Pôl Mơĭt kơ Phung Rôm 16:3

Kâo kkuh čhưn hŏng H'Prisil leh anăn Y-Akilas, phung găp mă bruă mbĭt hŏng kâo hlăm Krist Yêsu.

Hră Y-Pôl Mơĭt kơ Phung Rôm 16:6

Kâo kkuh čhưn hŏng H'Mari, pô mă bruă suăi ti krah diih.

Hră Y-Pôl Mơĭt kơ Phung Rôm 16:8

Kâo kkuh čhưn hŏng Y-Amplias, pô kâo khăp hlăm Khua Yang.

Hră Y-Pôl Mơĭt kơ Phung Rôm 16:9

Kâo kkuh čhưn hŏng Y-Urban, pô mă bruă mbĭt hŏng kâo hlăm Krist, leh anăn Y-Stakis, pô kâo khăp.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 8:11

Tơdah Yang Mngăt Jăk mơ̆ng Pô bi kbiă lŏ hdĭp leh Yêsu mơ̆ng phung djiê dôk hlăm diih, Pô bi kbiă lŏ hdĭp leh Yêsu Krist mơ̆ng phung djiê srăng bi kbiă lŏ hdĭp asei mlei thâo djiê diih msĕ mơh hŏng Yang Mngăt Jăk dôk hlăm diih.

Hră Y-Pôl Mơĭt kơ Phung Rôm 9:3

Kyuadah tơdah dưi kâo čiăng jing mnuih Aê Diê tăm pah tơl ktlah mơ̆ng Krist dưn kyua phung ayŏng adei kâo, phung găp djuê kâo tui si kđeh êrah.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

II Kôrantô 11:23

Diñu jing phung dĭng buăl Krist mơ̆? Kâo jing dĭng buăl jăk hĭn — kâo blŭ msĕ si sa čô khŏ — kâo mă bruă lu hĭn. Arăng krư̆ kâo lu blư̆ hĭn. Arăng čăm kâo amâo thâo yap ôh, leh anăn jêñ jêñ kâo dôk giăm klei djiê.

II Kôrantô 12:2

Kâo thâo kral sa čô mnuih hlăm Krist, pô Aê Diê pŭ ba truh ti adiê tal tlâo pluh pă thŭn êgao leh (thâodah hlăm asei mlei amâodah ti êngao asei mlei kâo amâo thâo ôh, Aê Diê thâo.)

II Kôrantô 5:17

Kyuanăn tơdah sa čô dôk hlăm Krist, ñu jing mnuih hrih mrâo leh; mnơ̆ng hđăp êgao tuč leh, nĕ anei, jih jang mnơ̆ng jing mrâo leh sơăi.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Galati 1:22

Hlăk anăn Phung Sang Aê Diê Krist hlăm čar Yuđa ka thâo kral ƀô̆ mta kâo ôh.

Galati 2:2

Kâo đĭ nao ti anăn tui si klei Aê Diê bi êdah, leh anăn kâo mblang kơ diñu klei mrâo mrang jăk kâo tuôm mtô leh kơ phung tue. Ƀiădah kâo blŭ knŏng hjăn kơ phung khua pơ prŏng, huĭdah klei kâo dôk hiu mtô amâodah hiu mtô leh srăng jing hơăi mang.

Galati 2:6

Bi kơ phung khua pơ prŏng (ya diñu jing kâo amâo yap yuôm ôh, Aê Diê amâo yap mnuih mdê mdê ôh), kâo lač phung anăn jing khua prŏng, amâo lŏ thiăm sa klei kơ klei kâo mtô ôh.

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Galati 6:15

Kyuadah klei khăt klĭt amâo jing yuôm ôh, amâodah klei amâo khăt klĭt kăn jing yuôm rei, knŏng klei jing mnuih Aê Diê hrih mrâo jing yuôm.

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Kôlôs 4:10

Y-Aristark, jing mnă mbĭt hŏng kâo, mơĭt klei čhưn kơ diih, wăt Y-Markôs knai Y-Barnabas (diih mâo leh klei mtă djŏ kơ Y-Markôs; tơdah ñu truh kơ diih, jum bĕ ñu),

Y-Philêmôn 1:23

Y-Êpapras, pô jing mnă mbĭt hŏng kâo hlăm Krist Yêsu, mơĭt klei čhưn kơ ih,

I Y-Yôhan 4:13

Hŏng klei anei drei thâo kơ drei dôk hlăm Ñu leh anăn Ñu dôk hlăm drei: kyuadah Ñu brei leh Mngăt Myang Ñu pô kơ drei.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.

Klei Bi Êdah 1:9

Kâo gơ̆ Y-Yôhan, ayŏng diih leh anăn pô tŭ mbĭt hŏng diih hlăm Yêsu klei knap mñai, ƀuôn ala mtao leh anăn klei gĭr. Kâo dôk ti plao êa arăng pia Patmôs kyua klei Aê Diê blŭ leh anăn klei Yêsu hưn.