Hră Y-Pôl Mơĭt kơ Phung Rôm 16:6 - Klei Aê Diê Blŭ 2015

⁶ Kâo kkuh čhưn hŏng H'Mari, pô mă bruă suăi ti krah diih.

Hră Y-Pôl Mơĭt kơ Phung Rôm 16:6 Iomraidhean Croise

Y-Mathiơ 27:55

Msĕ mơh mâo lu mniê tinăn dôk dlăng mơ̆ng kbưi, phung tui hlue Yêsu mơ̆ng čar Galilê leh anăn mă bruă leh kơ Ñu.

Y-Mathiơ 5:47

Leh anăn tơdah diih jum knŏng ayŏng adei diih, ya klei diih ngă kdlưn hĭn kơ phung mkăn? Amâo djŏ hĕ phung tue ngă msĕ snăn?

Hră Y-Pôl Mơĭt kơ Phung Rôm 16:12

Kâo kkuh čhưn hŏng H'Triphên leh anăn Y-Triphôs, phung mă bruă kơ Khua Yang. Kâo kkuh čhưn hŏng H'Persis, mah jiăng kâo khăp, pô mă bruă suăi leh kơ Khua Yang.

Hră Y-Pôl Mơĭt kơ Phung Rôm 16:5

Kâo kkuh čhưn msĕ mơh kơ Phung Sang Aê Diê bi kƀĭn hlăm sang diñu. Kâo kkuh čhưn kơ Y-Êpanêtus, pô kâo khăp, pô đăo kơ Krist tal êlâo hĭn hlăm čar Asi.

Hră Y-Pôl Mơĭt kơ Phung Rôm 16:7

Kâo kkuh čhưn hŏng Y-Andrônikus leh anăn Y-Junias, phung găp djuê kâo, phung arăng krư̆ mbĭt hŏng kâo. Diñu mâo hing ang ti krah phung khua ƀĭng kna, leh anăn diñu đăo kơ Krist êlâo kơ kâo.

I Têsalônik 5:12

Ƀiădah Ơ phung ayŏng adei, hmei kwưh kơ diih, brei diih mpŭ kơ phung mă bruă suăi ti krah diih, jing phung kiă kriê diih hlăm Khua Yang leh anăn mđĭ ai diih.

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.