Hră Y-Pôl Mơĭt kơ Phung Rôm 15:8 - Klei Aê Diê Blŭ 2015

⁸ Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,

Hră Y-Pôl Mơĭt kơ Phung Rôm 15:8 Iomraidhean Croise

Klei Bi Hriêng 8:7

Kyuadah ƀăng êgei kâo srăng hưn klei sĭt nik, leh anăn kƀông kâo bi êmut kơ klei luar.

Y-Mika 7:20

Ih srăng bi êdah klei sĭt suôr kơ Y-Yakôp, leh anăn klei jăk kơ Y-Abraham, msĕ si Ih kat asei leh kơ phung aê hmei hlăm ênuk đưm đă.

Y-Mathiơ 15:24

Yêsu lŏ wĭt lač, “Arăng tiŏ hriê Kâo knŏng kơ phung biăp luč leh hlăm sang Israel.”

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

Y-Yôhan 1:11

Ñu hriê leh kơ čar Ñu pô, ƀiădah phung ƀuôn sang Ñu pô amâo jum Ñu ôh.

Y-Yôhan 10:16

Leh anăn Kâo lŏ mâo phung biăp mkăn amâo dôk hlăm war anei ôh. Kâo srăng atăt ba wĭt phung anăn msĕ mơh, leh anăn digơ̆ srăng hmư̆ asăp Kâo. Snăn srăng mâo sa phung biăp leh anăn sa čô mgăt.

Bruă Phung Khua Ƀĭng Kna 13:46

Y-Pôl leh anăn Y-Barnabas blŭ kơ diñu hŏng klei jhŏng, lač, “Tui si djŏ, hmei hưn klei Aê Diê blŭ kơ diih êlâo hĭn. Ƀiădah kyua diih hngah klei anăn leh anăn yap diih pô amâo năng kơ klei hdĭp hlŏng lar ôh, snăn ară anei hmei wir kơ phung tue.

Hră Y-Pôl Mơĭt kơ Phung Rôm 11:22

Brei ih thâo săng bĕ klei jăk leh anăn klei khăng Aê Diê: klei khăng kơ phung êbuh leh, ƀiădah klei Aê Diê ngă jăk kơ ih, tơdah ih dôk nanao hlăm klei jăk Ñu. Tơdah amâo djŏ snăn ôh, Ñu srăng khăt ih msĕ mơh.

Hră Y-Pôl Mơĭt kơ Phung Rôm 11:30

Msĕ si mphŭn dô diih amâo gưt kơ Aê Diê ôh, ƀiădah ară anei diih mâo leh klei pap kyua klei diñu amâo gưt asăp ôh,

Hră Y-Pôl Mơĭt kơ Phung Rôm 15:16

čiăng mjing kâo dĭng buăl Krist Yêsu kơ phung tue, jing khua ngă yang hlăm bruă hưn klei mrâo mrang jăk Aê Diê, čiăng kơ phung tue jing sa mnơ̆ng myơr Aê Diê tŭ, leh Yang Mngăt Jăk bi doh jăk diñu.

Hră Y-Pôl Mơĭt kơ Phung Rôm 3:26

Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

Hră Y-Pôl Mơĭt kơ Phung Rôm 3:3

Bi tơdah đa đa amâo jing sĭt suôr ôh, klei diñu amâo sĭt suôr ôh dưi bi rai klei Aê Diê sĭt suôr mơ̆?

Hră Y-Pôl Mơĭt kơ Phung Rôm 4:16

Kyuanăn klei ƀuăn knang kơ klei đăo, čiăng kơ klei ƀuăn dưi truh hŏng klei pap leh anăn rơ̆ng pioh sĭt kơ jih jang phung anak čô Y-Abraham, amâo djŏ ôh knŏng kơ phung gưt klei bhiăn, ƀiădah wăt kơ phung mâo klei đăo msĕ si Y-Abraham, kyuadah ñu jing ama kơ jih jang drei.

I Kôrantô 1:12

Kâo čiăng lač snei, grăp čô diih lač, “Kâo jing phung Y-Pôl”, amâodah “Kâo jing phung Y-Apôlôs”, amâodah “Kâo jing phung Y-Sêphas”, amâodah “Kâo jing phung Krist”.

I Kôrantô 10:19

Snăn ya čiăng lač klei anăn? Mnơ̆ng myơr leh kơ rup yang jing yuôm mơ̆? Amâodah rup yang anăn jing yuôm mơ̆?

I Kôrantô 10:29

kâo blŭ amâo djŏ kơ ai tiê kpă diih ôh, ƀiădah kyua ai tiê kpă ñu — đăm ƀơ̆ng ôh mnơ̆ng anăn. Ƀiădah si ngă ai tiê kpă arăng srăng phat kđi klei êngiê kâo?

I Kôrantô 15:50

Ơ phung ayŏng adei, kâo hưn sĭt klei anei kơ diih: kđeh leh anăn êrah amâo dưi dưn ƀuôn ala mtao Aê Diê ôh, kăn mnơ̆ng thâo brŭ rai dưi dưn klei amâo thâo brŭ rai rei.

II Kôrantô 1:20

Kyuadah jih jang klei Aê Diê ƀuăn jing Ơ hlăm Krist. Kyuanăn drei lač Amen hlăm Krist, čiăng bi guh kơang kơ Aê Diê.

Êphêsô 2:12

Hdơr bĕ hlăk anăn diih amâo mâo Krist, amâo mâo klei dưi jing phung ƀuôn sang Israel, jing phung tue kơ klei bi mguôp brei klei ƀuăn, hdĭp ti lăn ala amâo mâo klei čang hmăng leh anăn amâo mâo Aê Diê ôh.