Hră Y-Pôl Mơĭt kơ Phung Rôm 15:5 - Klei Aê Diê Blŭ 2015

⁵ Akâo kơ Aê Diê, Pô jing klei gĭr leh anăn klei bi juh, brei diih dôk sa ai hdơ̆ng diih, tui si Krist Yêsu,

Hră Y-Pôl Mơĭt kơ Phung Rôm 15:5 Iomraidhean Croise

II Klei Yăl Dliê 30:12

Msĕ mơh kngan Aê Diê yơr kơ phung Yuđa čiăng brei kơ diñu mâo sa ai čiăng ngă klei mtao leh anăn phung khua mtă leh tui si klei Yêhôwa blŭ.

Klei Mmuñ Hđăp 86:5

kyuadah Ih jing jăk leh anăn thâo pap brei, Ơ Khua Yang. Ih bŏ hŏng klei khăp kơ jih jang phung iêô wah lač kơ Ih.

Klei Kbiă 34:6

Yêhôwa găn ti anăp ñu leh anăn hưn, “Yêhôwa, Yêhôwa, Aê Diê bŏ hŏng klei jăk leh anăn thâo pap, amâo djăl ăl ôh, mdrŏng hŏng klei khăp leh anăn hŏng klei sĭt suôr.

Y-Yêrêmi 32:39

Kâo srăng brei kơ diñu sa ai tiê leh anăn sa êlan, čiăng kơ diñu dưi huĭ mpŭ kơ Kâo hlŏng lar, klei anăn jing jăk kơ diñu pô leh anăn jing jăk kơ phung anak čô diñu êdei kơ diñu.

Y-Êsêkiêl 11:19

Kâo srăng brei kơ diñu sa ai tiê mrâo, leh anăn dưm hlăm diñu sa klei mĭn mrâo; Kâo srăng mă hĕ sa ai tiê boh tâo khăng diñu leh anăn brei kơ diñu sa ai tiê kđeh,

Bruă Phung Khua Ƀĭng Kna 4:32

Snăn jih jang phung đăo mâo sa ai leh anăn sa klei mĭn. Amâo mâo sa čô mnuih yap dŏ ñu jing dŏ hjăn ñu pô ôh, ƀiădah diñu yap dŏ jih jang mđrăm mbĭt.

Hră Y-Pôl Mơĭt kơ Phung Rôm 12:16

Brei diih mâo sa ai hdơ̆ng diih. Đăm jing mgao ôh, ƀiădah bi mguôp hŏng phung luă gŭ. Đăm yap diih pô jing phung thâo mĭn ôh.

Hră Y-Pôl Mơĭt kơ Phung Rôm 15:13

Akâo kơ Aê Diê, Pô jing klei čang hmăng, bi bŏ diih hŏng jih klei mơak leh anăn klei êđăp ênang hlăm klei đăo, čiăng kơ hŏng klei myang Yang Mngăt Jăk diih dưi mâo klei čang hmăng êbeh dlai.

Hră Y-Pôl Mơĭt kơ Phung Rôm 15:3

Kyuadah wăt Krist amâo tuôm bi mơak kơ Ñu pô ôh; ƀiădah tui si Klei Aê Diê Blŭ čih leh, “Klei arăng dlao wač kơ Ih lĕ leh ti kâo.”

I Kôrantô 1:10

Ơ phung ayŏng adei, kâo kwưh kơ diih hŏng anăn Khua Yang drei Yêsu Krist, brei jih jang diih blŭ klei msĕ, leh anăn đăm mâo klei bi kah mbha ôh hdơ̆ng diih, ƀiădah brei mâo klei bi mguôp hlăm sa klei mĭn leh anăn sa ai.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

II Kôrantô 7:6

Ƀiădah Aê Diê, Pô bi juh phung êdu ai, bi juh leh hmei hŏng klei Y-Tit truh,

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Philip 1:27

Knŏng brei diih hdĭp năng hŏng klei mrâo mrang jăk Krist, čiăng kơ thâodah kâo nao čhưn kơ diih amâodah kâo êkŭt, kâo srăng hmư̆ hing kơ diih dôk kjăp sa ai, sa klei mĭn mđrăm mbĭt čiăng mgang klei đăo kơ klei mrâo mrang jăk,

Philip 2:2

brei diih bi ênŭm klei mơak kâo hlăm klei diih mâo klei mĭn msĕ, klei khăp msĕ, jing sa ai leh anăn sa klei mĭn.

Philip 3:16

Knŏng ti anôk drei truh leh brei drei ăt êbat mđrăm.

Philip 4:2

Kâo kwưh kơ H'Êwôdi leh anăn H'Sintič brei bi mguôp sa ai hlăm Khua Yang.

I Y-Pêtrôs 3:20

Phung anăn đưm adih amâo gưt ôh tơdah Aê Diê gĭr sui hŏng diñu hlăm ênuk Y-Nôê, êjai gơ̆ ngă kŭmpăn. Hlăm kŭmpăn anăn mâo knŏng ƀiă mnuih tlaih mơ̆ng êa, jing sa păn čô.

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

II Y-Pêtrôs 3:15

Brei diih yap klei Khua Yang drei gĭr jing klei bi mtlaih diih. Msĕ snăn mơh pô drei khăp, ayŏng drei Y-Pôl, čih leh kơ diih tui si klei thâo mĭn Aê Diê brei leh kơ ñu.

II Y-Pêtrôs 3:9

Khua Yang amâo bi tai ôh bi sĭt klei Ñu ƀuăn tui si đa đa mĭn, ƀiădah Ñu gĭr hŏng diih, amâo čiăng ôh sa čô srăng rai luč, ƀiădah čiăng kơ jih jang srăng truh kơ klei kmhal kơ klei soh.