Hră Y-Pôl Mơĭt kơ Phung Rôm 15:1 - Klei Aê Diê Blŭ 2015

¹ Drei jing phung ktang hlăm klei đăo, brei drei gui klei ktrŏ phung awăt, leh anăn đăm bi mơak kơ drei pô ôh.

Hră Y-Pôl Mơĭt kơ Phung Rôm 15:1 Iomraidhean Croise

Hră Y-Pôl Mơĭt kơ Phung Rôm 14:1

Bi kơ phung awăt hlăm klei đăo, jum bĕ digơ̆, ƀiădah đăm bi tăng ôh kyua klei mĭn mdê mdê.

Hră Y-Pôl Mơĭt kơ Phung Rôm 14:2

Sa čô đăo ñu dưi ƀơ̆ng jih jang mnơ̆ng, êjai pô awăt ƀơ̆ng knŏng djam.

Hră Y-Pôl Mơĭt kơ Phung Rôm 4:20

Ñu amâo đing ôh kơ klei Aê Diê ƀuăn, ƀiădah ñu jing ktang hĭn hlăm klei đăo leh anăn mpŭ mni kơ Aê Diê.

I Kôrantô 4:10

Hmei jing phung khŏ kyua Krist, ƀiădah diih jing phung thâo mĭn hlăm Krist. Hmei jing awăt, ƀiădah diih jing ktang. Arăng mpŭ kơ diih, ƀiădah hmei arăng bi êmut.

I Kôrantô 9:22

Hŏng phung awăt kâo jing awăt, čiăng kơ kâo dưi atăt phung awăt. Snăn hlăm jih jang klei kâo čiăng jing msĕ si jih jang mnuih, čiăng kơ hŏng jih klei anăn kâo dưi bi mtlaih đa đa hlăm phung diñu.

II Kôrantô 12:10

Snăn kyua Krist kâo mơak tŭ klei awăt, klei arăng dlao wač, klei dleh dlan, klei arăng ngă jhat, leh anăn klei jŭ jhat; kyuadah êjai kâo jing awăt, hlăk anăn kâo jing ktang.

Êphêsô 6:10

Ti knhal tuč hră anei, kâo mtă kơ diih brei diih jing ktang hlăm Khua Yang hŏng klei ktang myang Ñu.

Philip 2:4

Brei grăp čô hlăm phung diih đăm mĭn kơ klei tŭ dưn knŏng kơ ñu pô ôh, ƀiădah mĭn wăt kơ klei tŭ dưn kơ phung mkăn msĕ mơh.

I Têsalônik 5:14

Ơ phung ayŏng adei, hmei mtrŭt diih brei diih ƀuah mkra phung bi rŭng, bi mđĭ ai phung êdu ai, đru phung awăt, leh anăn gĭr hŏng jih jang diñu.

II Y-Timôthê 2:1

Snăn, Ơ anak êkei kâo, jing ktang bĕ hŏng klei pap hlăm Krist Yêsu.

I Y-Yôhan 2:14

Ơ phung anak điêt, kâo čih kơ diih, kyuadah diih thâo kral leh Ama. Ơ phung ama, kâo čih kơ diih, kyuadah diih thâo kral leh Pô jing mơ̆ng mphŭn dơ̆ng. Ơ phung êkei hlăk ai, kâo čih kơ diih, kyuadah diih jing ktang leh anăn klei Aê Diê blŭ dôk hlăm diih, leh anăn diih dưi leh hŏng Pô jhat.