Hră Y-Pôl Mơĭt kơ Phung Rôm 14:8 - Klei Aê Diê Blŭ 2015

⁸ Tơdah drei dôk hdĭp, drei hdĭp kơ Khua Yang; leh anăn tơdah drei djiê, drei djiê kơ Khua Yang mơh. Snăn thâodah drei dôk hdĭp amâodah djiê, ăt drei jing dŏ Khua Yang mơh.

Hră Y-Pôl Mơĭt kơ Phung Rôm 14:8 Iomraidhean Croise

Y-Luk 20:38

Khua Yang amâo jing Aê Diê kơ phung djiê ôh, ƀiădah kơ phung hdĭp, kyuadah jih jang dôk hdĭp kơ Aê Diê.”

Y-Yôhan 21:19

Yêsu blŭ klei anăn čiăng bi êdah hŏng ya êlan Y-Pêtrôs srăng djiê bi guh kơang kơ Aê Diê. Leh Yêsu blŭ klei anăn, Ñu lač kơ Y-Pêtrôs, “Tui hlue Kâo bĕ.”

Bruă Phung Khua Ƀĭng Kna 13:36

Kyuadah leh mă bruă hlăm ênuk ñu tui si Aê Diê čiăng, Y-Đawit djiê, leh anăn arăng dơr ñu mbĭt hŏng phung aê ñu, leh anăn ñu brŭ rai.

Bruă Phung Khua Ƀĭng Kna 20:24

Ƀiădah kâo amâo yap klei hdĭp kâo yuôm ôh, knŏng kâo čiăng bi leh jih bruă kâo mă tŭ leh mơ̆ng Khua Yang Yêsu, brei kâo hưn klei mrâo mrang jăk klei Aê Diê pap.

Bruă Phung Khua Ƀĭng Kna 21:13

Ƀiădah Y-Pôl lŏ wĭt lač, “Ya diih ngă, hia leh anăn bi ênguôt ai tiê kâo? Kyuadah kâo kăp tŭ amâo djŏ knŏng brei arăng krư̆ ôh, ƀiădah wăt kăp tŭ klei djiê ti ƀuôn Yêrusalem kyua anăn Khua Yang Yêsu.”

I Kôrantô 15:23

Ƀiădah grăp čô djŏ wir ñu: Krist jing boh hlâo hlang, êdei kơ anăn phung jing dŏ Krist srăng kbiă lŏ hdĭp ti hruê Ñu srăng lŏ hriê,

Philip 1:20

tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

Philip 2:17

Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Philip 2:30

kyua bruă Krist ñu păt čiăng djiê. Ñu săn asei mlei čiăng bi leh bruă diih đru kâo.

I Têsalônik 5:10

Pô djiê leh kyua drei, čiăng kơ thâodah drei dôk krŏng amâodah pĭt leh, drei dưi dôk hdĭp mbĭt hŏng Ñu.

Klei Bi Êdah 14:13

Leh anăn kâo hmư̆ asăp mơ̆ng adiê lač, “Čih bĕ klei anei: Mơ̆ng anei kơ anăp jăk mơak yơh phung djiê hlăm Khua Yang.” Mngăt Myang lač, “Sĭt nik, jăk mơak yơh, čiăng kơ diñu dưi mdei mơ̆ng bruă diñu, kyuadah bruă diñu ngă tui hlue diñu!”