Hră Y-Pôl Mơĭt kơ Phung Rôm 14:6 - Klei Aê Diê Blŭ 2015

⁶ Hlei pô hdơr mpŭ kơ sa hruê, ngă snăn čiăng mpŭ kơ Khua Yang. Msĕ mơh hlei pô ƀơ̆ng, ñu ƀơ̆ng čiăng mpŭ kơ Khua Yang, kyuadah ñu bi mni kơ Aê Diê; êjai sa čô amâo ƀơ̆ng ôh, ñu amâo ƀơ̆ng ôh čiăng mpŭ kơ Khua Yang leh anăn bi mni kơ Aê Diê.

Hră Y-Pôl Mơĭt kơ Phung Rôm 14:6 Iomraidhean Croise

Klei Kbiă 12:14

Hruê anei srăng jing kơ diih sa hruê bi hdơr. Brei diih pioh ñu jing klei knăm kơ Yêhôwa. Hlăm jih jang ênuk brei diih pioh klei knăm anei jing klei mtă hlŏng lar.

Klei Kbiă 12:42

Mlam anăn jing mlam Yêhôwa răng kriê, čiăng atăt ba bi kbiă phung Israel mơ̆ng čar Êjip; kyuanăn hlăm mlam anăn yơh jing mlam jih jang phung ƀuôn sang Israel hdơr pioh kơ Yêhôwa hlăm jih jang ênuk.

Klei Kbiă 16:25

Y-Môis lač, “Ƀơ̆ng bĕ dŏ anăn hruê anei, kyuadah hruê anei jing hruê sabat kơ Yêhôwa; hruê anei diih amâo srăng ƀuh ôh kpŭng anăn ti tač.

Y-Êsai 58:5

Djŏ mơ̆ klei kăm ƀơ̆ng huă snei Kâo ruah leh, knŏng pioh sa hruê mnuih bi luă gŭ ñu pô? Djŏ mơ̆ knŏng kkui boh kŏ msĕ si sa ƀĕ mbô leh anăn dôk gŭ ti dlông klŭng leh anăn hbâo? Diih srăng pia klei anăn jing klei kăm ƀơ̆ng huă leh anăn sa hruê bi mơak kơ Yêhôwa mơ̆?

Y-Sakari 14:21

leh anăn jih jang gŏ hlăm ƀuôn Yêrusalem leh anăn hlăm čar Yuđa srăng jing dŏ doh jăk pioh brei kơ Yêhôwa kơ phung kahan, čiăng kơ jih jang phung myơr mnơ̆ng ngă yang dưi hriê mă digơ̆ čiăng tŭk čĭm ngă yang. Leh anăn ti hruê anăn amâo srăng lŏ mâo sa čô Kanaan ôh hlăm sang Yêhôwa kơ phung kahan.

Y-Mathiơ 14:19

Ñu mtă kơ phung lu anăn dôk gŭ ti rơ̆k. Ñu mă êma klŏ kpŭng leh anăn dua drei kan anăn, angưi ală phă adiê, bi mni kơ Aê Diê, kjoh kpŭng leh anăn brei kơ phung ƀĭng kna, leh anăn phung ƀĭng kna bi mbha kơ phung lu anăn.

Y-Mathiơ 15:36

Ñu mă kjuh klŏ kpŭng leh anăn kan. Leh Ñu wah lač bi mni kơ Aê Diê, Ñu kjoh kpŭng kan, brei kơ phung ƀĭng kna, leh anăn phung ƀĭng kna bi mbha kơ phung lu.

Y-Yôhan 6:28

Digơ̆ lač kơ Yêsu, “Ya hmei srăng ngă čiăng mă bruă Aê Diê?”

Galati 4:10

Diih hdơr mpŭ kơ hruê, mlan, yan, leh anăn thŭn.