Hră Y-Pôl Mơĭt kơ Phung Rôm 14:11 - Klei Aê Diê Blŭ 2015

¹¹ Kyuadah Klei Aê Diê Blŭ čih leh, “Khua Yang lač, Kâo kat asei hŏng klei hdĭp Kâo, jih jang srăng čuôn kơŭt ti anăp Kâo, leh anăn jih jang êlah srăng bi mni kơ Aê Diê.”

Hră Y-Pôl Mơĭt kơ Phung Rôm 14:11 Iomraidhean Croise

Klei Mmuñ Hđăp 72:11

Brei jih jang phung mtao buôn ti anăp ñu, brei jih jang găp djuê mă bruă kơ ñu!

Y-Êsai 49:18

Kngưr ală ih dlăng jŭm dar; jih jang diñu bi kƀĭn mbĭt hriê kơ ih. Tui si Kâo dôk hdĭp, Yêhôwa lač, ih srăng bi hơô ih pô hŏng jih jang diñu msĕ si kdrăp siam, ih srăng hyuă ih pô hŏng diñu msĕ si sa čô mniê bi kuôl leh.

Y-Yêrêmi 22:24

“Tui si Kâo dôk hdĭp,” Yêhôwa lač, “Wăt tơdah Y-Jêhôyakin anak êkei Y-Jêhôyakim mtao Yuđa jing krah kđăm ti kngan hnuă Kâo, ƀiădah ăt Kâo srăng toh hĕ

Y-Êsêkiêl 5:11

Kyuanăn tui si Kâo dôk hdĭp, Yêhôwa Aê Diê lač, sĭt nik kyuadah ih bi čhŏ leh adŭ doh jăk Kâo hŏng jih jang klei jhat Kâo bi êmut kheh ih ngă leh, kyuanăn Kâo srăng bi rai ih; ală kâo amâo srăng hơưi kơ ih leh anăn amâo srăng pap kơ ih ôh.

Y-Sôphôni 2:9

Kyuanăn, tui si Kâo dôk hdĭp,” Yêhôwa kơ phung kahan, Aê Diê kơ phung Israel, lač, “Môap srăng jing msĕ si Sôdôm, leh anăn anak čô Amôn msĕ si Gômôrơ, sa bĭt anôk êruê čăt, sa ƀăng hra, leh anăn sa anôk kdrăn tač nanao. Phung ƀuôn sang kâo adôk srăng plah mă mnơ̆ng diñu, phung găp djuê kâo dôk hdĭp srăng dưn lăn diñu.”

Klei Yap 14:21

Ƀiădah sĭt nik, kyua Kâo dôk hdĭp, leh anăn jih lăn ala srăng bŏ hŏng klei guh kơang Yêhôwa,

Klei Yap 14:28

Lač bĕ kơ diñu, ‘Yêhôwa lač, Kyua Kâo dôk hdĭp, ya klei diih blŭ leh kơ knga Kâo, Kâo srăng ngă kơ diih:

Y-Mathiơ 10:32

Snăn hlei pô hưn klei ñu đăo kơ Kâo ti anăp mnuih, Kâo msĕ mơh srăng hưn Kâo tŭ pô anăn ti anăp Ama Kâo hlăm adiê.

Hră Y-Pôl Mơĭt kơ Phung Rôm 10:9

Kyuadah tơdah ih hưn hŏng ƀăng kƀông ih kơ Yêsu jing Khua Yang, leh anăn đăo hlăm ai tiê ih kơ Aê Diê bi kbiă lŏ hdĭp Ñu leh mơ̆ng phung djiê, ih srăng tlaih yơh.

Hră Y-Pôl Mơĭt kơ Phung Rôm 15:9

leh anăn čiăng kơ phung tue dưi bi guh kơang kơ Aê Diê kyua klei Ñu pap. Tui si Klei Aê Diê Blŭ čih leh, “Kyuanăn kâo srăng mpŭ mni kơ Ih ti krah phung tue, leh anăn mmuñ bi mni kơ anăn Ih”;

I Y-Yôhan 4:15

Hlei pô hưn Yêsu jing Anak Aê Diê, Aê Diê dôk hlăm ñu, leh anăn ñu dôk hlăm Aê Diê.

II Y-Yôhan 1:7

Kyuadah mâo lu phung mplư nao leh hlăm lăn ala. Diñu amâo đăo ôh kơ Yêsu Krist hriê leh hlăm kđeh. Pô msĕ snăn jing pô mplư leh anăn pô roh hŏng Krist.

Klei Bi Êdah 5:14

Pă drei mnơ̆ng hdĭp lač, “Amen!”, leh anăn phung khua mduôn buôn leh anăn kkuh mpŭ.