Hră Y-Pôl Mơĭt kơ Phung Rôm 14:10 - Klei Aê Diê Blŭ 2015

¹⁰ Si ngă ih phat kđi ayŏng adei ih lĕ? Amâodah si ngă ih bi êmut kơ ayŏng adei ih lĕ? Kyuadah jih jang drei srăng dôk dơ̆ng ti anăp jhưng Aê Diê phat kđi.

Hră Y-Pôl Mơĭt kơ Phung Rôm 14:10 Iomraidhean Croise

Khua Pô Mtô 11:9

Hơ̆k mơak bĕ, Ơ êkei êdam, êjai ih hlăk ai, leh anăn brei ai tiê ih dôk mơak êjai ênuk ih hlăk ai. Êbat bĕ tui si êlan ai tiê ih čiăng, leh anăn tui si ală ih ƀuh. Ƀiădah brei ih thâo kyua jih klei anăn Aê Diê srăng atăt ih kơ klei phat kđi.

Khua Pô Mtô 12:14

Kyuadah Aê Diê srăng phat kđi jih jang klei mnuih ngă, mbĭt hŏng jih jang klei hgăm, thâodah jăk thâodah jhat.

Y-Mathiơ 7:1

“Đăm phat kđi arăng ôh, čiăng kơ arăng amâo phat kđi diih.

Y-Luk 18:9

Yêsu blŭ msĕ mơh klei bi hriêng anei kơ đa đa phung knang kơ digơ̆ pô mâo klei kpă leh anăn bi êmut kơ phung mkăn:

Y-Luk 23:11

Hêrôt mbĭt hŏng phung kahan ñu ngă kơ Yêsu hŏng klei bi êmut leh anăn mưč kơ Gơ̆. Leh bi hơô ao siam kơ Yêsu, Hêrôt brei arăng lŏ atăt wĭt Yêsu kơ Aê Pilat.

Y-Yôhan 5:22

Ama amâo phat kđi kơ arăng ôh, ƀiădah Ñu jao jih klei phat kđi kơ Anak Ñu,

Bruă Phung Khua Ƀĭng Kna 10:42

Leh anăn Ñu mtă leh kơ hmei brei mtô kơ phung ƀuôn sang, leh anăn hưn bi sĭt kơ klei Aê Diê mjing Ñu Khua phat kđi kơ phung hdĭp leh anăn kơ phung djiê.

Bruă Phung Khua Ƀĭng Kna 17:31

Kyuadah Ñu bi kčah leh sa hruê Ñu srăng brei sa čô Ñu čuăn leh phat kđi lăn ala hŏng klei kpă. Ñu hưn bi sĭt leh klei anăn kơ jih jang mnuih hŏng klei Ñu bi kbiă lŏ hdĭp Gơ̆ leh mơ̆ng phung djiê.”

Bruă Phung Khua Ƀĭng Kna 4:11

Anei yơh jing ‘boh tâo phung diih ngă sang hwiê leh, ƀiădah boh tâo anăn jing hĕ leh boh tâo phŭn ti kiêng.’

Hră Y-Pôl Mơĭt kơ Phung Rôm 2:16

Klei anăn srăng bi êdah ti hruê Aê Diê phat kđi hŏng Yêsu Krist jih jang bruă hgăm mnuih ngă, tui si klei mrâo mrang jăk kâo mtô.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

II Kôrantô 5:10

Kyuadah jih jang drei srăng dôk ti anăp jhưng phat kđi Yang Krist, čiăng kơ grăp čô dưi mă tŭ tui si ñu ngă leh klei jăk amâodah klei jhat êjai ñu dôk hdĭp hlăm asei mlei anei.