Hră Y-Pôl Mơĭt kơ Phung Rôm 13:8 - Klei Aê Diê Blŭ 2015

⁸ Đăm đuôm nư arăng ôh, knŏng bi đuôm klei khăp hdơ̆ng diih; kyuadah hlei pô khăp kơ pô riêng gah ñu bi sĭt leh klei bhiăn.

Hră Y-Pôl Mơĭt kơ Phung Rôm 13:8 Iomraidhean Croise

Y-Mathiơ 7:12

Snăn ya klei diih čiăng phung mnuih ngă kơ diih, brei diih ngă msĕ snăn mơh kơ digơ̆; kyuadah klei anăn jing djŏ tui si klei bhiăn leh anăn klei phung khua pô hưn êlâo čih leh.”

Y-Yôhan 13:34

Kâo brei klei mtă mrâo kơ diih: brei diih bi khăp hdơ̆ng diih pô; msĕ si Kâo khăp leh kơ diih, brei diih bi khăp hdơ̆ng diih pô msĕ mơh.

Hră Y-Pôl Mơĭt kơ Phung Rôm 13:10

Klei khăp amâo tuôm ngă jhat kơ pô riêng gah ôh; snăn klei khăp bi ênŭm klei bhiăn.

Hră Y-Pôl Mơĭt kơ Phung Rôm 13:7

Tla bĕ jih nư diih đuôm kơ diñu — mbha bĕ mnga kơ hlei pô čŭng, tuh bĕ jia kơ hlei pô rĭng, huĭ bĕ kơ hlei pô năng diih huĭ, mpŭ bĕ kơ hlei pô năng diih mpŭ.

Galati 5:14

Kyuadah jih jang klei bhiăn mâo klei bi sĭt klah čŭn snei: “Khăp bĕ kơ pô riêng gah ih msĕ si kơ ih pô.”

Kôlôs 3:14

Ƀiădah êgao hĭn kơ jih klei anăn, brei diih hơô klei khăp, kyuadah klei khăp bi mguôp jih jang mnơ̆ng hlăm klei jăk klă.

I Y-Timôthê 1:5

Klei hmei čiăng mơ̆ng klei hmei mtă jing klei khăp kbiă mơ̆ng ai tiê êngeh, mơ̆ng ai tiê kpă jăk, leh anăn mơ̆ng klei đăo sĭt suôr.

Y-Yakơ 2:8

Tơdah diih gưt sĭt kơ klei bhiăn mtao tui si Klei Aê Diê Blŭ čih leh, “Brei ih khăp kơ pô riêng gah ih msĕ si kơ ih pô,” diih ngă jăk yơh.

I Y-Yôhan 3:10

Hŏng klei anei arăng dưi thâo kral hlei jing phung anak Aê Diê leh anăn hlei jing phung anak yang jhat: hlei pô amâo ngă klei kpă amâo kbiă hriê mơ̆ng Aê Diê ôh, kăn rei pô amâo khăp kơ ayŏng adei ñu.