Hră Y-Pôl Mơĭt kơ Phung Rôm 13:4 - Klei Aê Diê Blŭ 2015

⁴ Kyuadah khua kiă kriê jing dĭng buăl kơ Aê Diê čiăng ngă klei jăk kơ ih. Ƀiădah tơdah ih ngă klei jhat, huĭ bĕ: kyuadah ñu amâo djă đao gưm hơăi mang ôh. Kyuadah ñu jing dĭng buăl Aê Diê čiăng bi truh klei Aê Diê ngêñ kơ hlei pô ngă klei jhat.

Hră Y-Pôl Mơĭt kơ Phung Rôm 13:4 Iomraidhean Croise

I Bruă Mtao 10:9

Mpŭ mni kơ Yêhôwa Aê Diê ih, Pô mâo klei mơak hlăm ih leh anăn dưm ih ti jhưng mtao phung Israel! Kyuadah Yêhôwa khăp kơ phung Israel hlŏng lar, Ñu mjing ih leh mtao, čiăng kơ ih dưi ngă klei djŏ leh anăn klei kpă.”

II Klei Yăl Dliê 19:6

leh anăn lač kơ phung khua phat kđi, “Ksiêm bĕ ya klei diih ngă, kyuadah diih phat kđi amâo djŏ kơ mnuih ôh, ƀiădah kơ Yêhôwa; Ñu dôk mbĭt hŏng diih êjai diih phat kđi.

Klei Bi Hriêng 16:14

Klei mtao ngêñ jing dĭng ktang klei djiê, ƀiădah sa čô mnuih thâo mĭn srăng bi hlai ai tiê ñu.

Klei Bi Hriêng 20:2

Klei mtao ngêñ jing msĕ si klei êmông gu gruh, hlei pô mčhur ai ñu bi luč klei hdĭp pô.

Klei Bi Hriêng 20:26

Sa čô mtao knhâo hdei hĕ phung jhat ƀai, leh anăn ñu brei arăng mdar pông êdeh prah mdiê ti dlông phung anăn.

Klei Bi Hriêng 20:8

Mtao dôk gŭ ti jhưng phat kđi, ñu hdei jih klei jhat hŏng ală ñu dlăng.

Y-Êsai 1:17

hriăm ngă bĕ klei jăk, Tui duah klei djŏ, mgang brei mnuih arăng ktư̆ juă. Ngă klei djŏ kơ phung anak êrĭt, blŭ mgang brei kơ phung mniê djiê ung.”

Y-Yêrêmi 5:28

diñu jing êmŏng leh anăn klĭt êbhơr blia. Diñu ngă ƀai amâo mâo knhal ôh; kđi phung anak êrĭt ama diñu amâo mkra bi djŏ ôh, leh anăn diñu amâo mgang ôh klei djŏ kơ phung ƀun ƀin.”

Y-Êsêkiêl 22:27

Phung khua ti krah ñu jing msĕ si asâo tan hiêk ƀơ̆ng mnơ̆ng ñu kĕ, tuh êrah, bi luč mngăt čiăng plah mă mnơ̆ng.

Y-Êsêkiêl 25:14

Kâo srăng rŭ ênua ngă kơ phung Êđôm hŏng kngan phung ƀuôn sang Kâo Israel, leh anăn diñu srăng ngă kơ čar Êđôm tui si klei Kâo ăl leh anăn ngêñ; leh anăn phung Êđôm srăng thâo klei Kâo rŭ ênua, Yêhôwa Aê Diê lač.’ ”

Y-Mika 3:9

Hmư̆ bĕ klei anei, Ơ phung khua sang Yakôp leh anăn phung khua gai gĭt sang Israel, phung bi êmut kơ klei djŏ găl leh anăn bi msoh jih klei mtăp mđơr,

Hră Y-Pôl Mơĭt kơ Phung Rôm 12:19

Ơ phung kâo khăp, đăm rŭ ênua diih pô ôh, ƀiădah jao klei anăn kơ klei Aê Diê ngêñ. Kyuadah Klei Aê Diê Blŭ čih leh, “Klei rŭ ênua jing bruă kâo; kâo yơh srăng bi wĭt klei năng, Khua Yang lač.”

Hră Y-Pôl Mơĭt kơ Phung Rôm 13:6

Kyuanăn mơh diih tuh jia, kyuadah phung khua kiă kriê jing phung dĭng ktang kơ Aê Diê, dôk djă bruă anăn.

I Têsalônik 4:6

Đăm brei mâo ôh mnuih gao klei bhiăn leh anăn bi msoh kơ ayŏng adei ñu hlăm klei anăn, kyuadah Khua Yang jing Pô rŭ ênua kơ jih klei anăn, msĕ si hmei hưn leh brei diih răng.

Y-Yôsuê 20:5

Tơdah pô rŭ ênua êrah tiŏ gơ̆, diñu amâo srăng jao pô bi mdjiê mnuih hlăm kngan ñu ôh, kyuadah gơ̆ bi mdjiê leh pô riêng gah gơ̆ hŏng klei amâo čŏng čiăng, amâo tuôm mâo klei bi ăl hŏng ñu êlâo ôh.

Y-Yôsuê 20:9

Anăn jing ƀuôn pioh kơ jih jang phung ƀuôn sang Israel, leh anăn kơ tue jưh bhiâo ti krah diñu, čiăng kơ hlei pô bi mdjiê mnuih amâo djŏ hŏng klei čŏng thơ̆ng ôh dưi đuĕ dăp ti anăn, čiăng kơ ñu amâo srăng djiê ôh hŏng kngan pô rŭ ênua êrah, tơl ñu dôk ti anăp phung bi kƀĭn.

I Y-Pêtrôs 2:14

amâodah kơ khua prŏng jing dĭng ktang mtao tiŏ hriê čiăng bi kmhal phung ngă klei jhat leh anăn bi mni kơ phung ngă klei jăk.