Hră Y-Pôl Mơĭt kơ Phung Rôm 13:14 - Klei Aê Diê Blŭ 2015

¹⁴ Ƀiădah hơô bĕ Khua Yang Yêsu Krist, leh anăn đăm mĭn ôh čiăng bi mơak kơ kđeh, čiăng bi hrăp klei ñu tluh.

Hră Y-Pôl Mơĭt kơ Phung Rôm 13:14 Iomraidhean Croise

Y-Yôp 29:14

Kâo hơô klei kpă ênô jing msĕ si čhiăm ao kơ kâo; klei kpă kâo jing msĕ si sa blah ao jhung leh anăn čhiăm kưn.

Galati 3:27

Kyuadah dŭm čô hlăm phung diih tŭ leh klei ƀaptem hlăm Krist hơô leh Krist yơh.

Galati 5:24

Hlei pô jing dŏ Krist Yêsu pơ̆ng leh kđeh mbĭt hŏng klei ñu tluh leh anăn klei ñu čiăng ti kyâo bi kal.

Êphêsô 4:24

leh anăn brei diih hơô knuih mrâo, hrih leh msĕ si Aê Diê hlăm klei kpă ênô leh anăn klei doh jăk sĭt nik.

Kôlôs 2:23

Sĭt nik arăng dlăng kơ klei anăn ti êngao msĕ si klei thâo mĭn mtrŭt kơ klei kkuh mpŭ tui si klei mĭn pô, klei ngă luă gŭ, leh anăn klei bi knap kơ asei mlei, ƀiădah klei anăn amâo yuôm ôh čiăng kơ̆ng klei kđeh tluh.

I Y-Pêtrôs 2:11

Ơ phung kâo khăp, ti lăn ala anei diih jing msĕ si phung tue leh anăn phung dôk ti êngao čar pô, kâo kwưh kơ diih brei diih hngah hĕ kơ klei kđeh tluh dôk bi blah ngă kơ mngăt diih.