Hră Y-Pôl Mơĭt kơ Phung Rôm 13:12 - Klei Aê Diê Blŭ 2015

¹² Mlam jĕ jih, adiê dơ̆ng mngač. Snăn brei drei toh hĕ bruă klei mmăt leh anăn hơô ao klei mngač pioh bi blah.

Hră Y-Pôl Mơĭt kơ Phung Rôm 13:12 Iomraidhean Croise

Klei Mmuñ Siam Hĭn 2:17

Tơl mông aguah ưm bi êdah leh anăn êyui đuĕ jih, Ơ pô kâo khăp, lŏ hriê bĕ, msĕ si sa drei ktŏng, msĕ si sa drei hlô rang knô êdam ti dlông čư̆.

Y-Êsai 2:20

Hlăm hruê anăn phung mnuih srăng hwiê hĕ kơ kkuih leh anăn kơ knhuăr rup yang prăk leh anăn rup yang mah diñu, diñu ngă leh pioh kkuh mpŭ.

Y-Êsai 30:22

Leh anăn diih srăng bi čhŏ rup krah diih luôm hŏng prăk leh anăn rup diih tuh tia luôm hŏng mah. Diih srăng hwiê hĕ diñu msĕ si mnơ̆ng čhŏ; diih srăng lač kơ diñu, “Đuĕ bĕ.”

Hră Y-Pôl Mơĭt kơ Phung Rôm 13:14

Ƀiădah hơô bĕ Khua Yang Yêsu Krist, leh anăn đăm mĭn ôh čiăng bi mơak kơ kđeh, čiăng bi hrăp klei ñu tluh.

I Kôrantô 10:11

Klei anăn truh leh kơ diñu čiăng bi hmô kơ drei, leh anăn arăng čih leh klei anăn čiăng bi hriăm drei, phung dôk hlăm ênuk knhal tuč.

I Kôrantô 7:29

Ơ phung ayŏng adei, klei kâo čiăng lač snei: Ênuk drei dôk hdĭp amâo sui ôh. Mơ̆ng anei kơ anăp, phung mâo mô̆ leh brei dôk hdĭp msĕ si diñu amâo mâo mô̆;

II Kôrantô 10:4

Kyuadah mnơ̆ng hmei yua bi blah amâo djŏ tui si mnơ̆ng kđeh ôh, ƀiădah mơ̆ng klei myang Aê Diê dưi bi rai kđông kjăp;

II Kôrantô 6:7

hŏng klei blŭ klei sĭt leh anăn hŏng klei myang Aê Diê, djă mnơ̆ng bi blah kpă ti kngan hnuă leh anăn kngan điâo,

Êphêsô 4:22

Brei diih lui hĕ knuih hđăp diih tui si klei bhiăn diih dôk hdĭp mphŭn dô, jing soh jhat leh kyua klei tluh mplư.

Êphêsô 5:11

Đăm bi mguôp ôh hlăm bruă amâo mâo klei tŭ dưn mơ̆ng klei mmăt, ƀiădah brei diih bi êdah klă ya bruă anăn jing.

Êphêsô 5:8

Mphŭn dô diih dôk hlăm klei mmăt, ƀiădah ară anei diih mâo klei mngač hlăm Khua Yang. Êbat bĕ msĕ si phung anak klei mngač,

Hêbrơ 10:25

Đăm lui ôh klei bi kƀĭn msĕ si đa đa mưng ngă, ƀiădah bi mđĭ ai hdơ̆ng drei, leh anăn ngă klei anăn lu hĭn êjai diih ƀuh Hruê Krist giăm truh.

Hêbrơ 12:1

Snăn kyuadah drei mâo lu phung hưn bi sĭt dôk jŭm drei msĕ si knam, brei drei msĕ mơh lưh hĕ jih mnơ̆ng bi ktrŏ leh anăn klei soh drei čiăng djă pioh, leh anăn brei drei êran hŏng klei gĭr hlăm klei êran arăng pŏk leh kơ drei,

Y-Yakơ 1:21

Kyuanăn lui hĕ jih klei čhŏ mrŏ leh anăn jih klei măk ƀai, leh anăn brei diih mă tŭ hŏng ai tiê êdu êun klei blŭ pla leh hlăm diih. Klei blŭ anăn dưi bi mtlaih mngăt diih.

Y-Yakơ 5:8

Diih msĕ mơh gĭr bĕ, leh anăn bi kjăp ai tiê diih, kyuadah hruê Khua Yang lŏ hriê giăm truh leh.

I Y-Pêtrôs 2:1

Kyuanăn brei diih lui klei ƀai, jih klei mnêč, klei ai ngăm, klei nač, leh anăn jih klei mčeh luar.

I Y-Pêtrôs 4:7

Klei knhal tuč kơ jih jang mnơ̆ng giăm truh leh. Kyuanăn brei diih jing djŏ hnơ̆ng leh anăn thâo răng kơ klei wah lač.

II Y-Pêtrôs 3:11

Kyuadah jih jang mnơ̆ng anăn srăng rai luč, snăn jing djŏ kơ klei hdĭp diih dôk dơ̆ng ƀơ̆ng huă doh jăk leh anăn thâo mpŭ kơ Aê Diê,

II Y-Pêtrôs 3:9

Khua Yang amâo bi tai ôh bi sĭt klei Ñu ƀuăn tui si đa đa mĭn, ƀiădah Ñu gĭr hŏng diih, amâo čiăng ôh sa čô srăng rai luč, ƀiădah čiăng kơ jih jang srăng truh kơ klei kmhal kơ klei soh.

I Y-Yôhan 2:18

Ơ phung anak điêt, truh leh mông knhal tuč; leh anăn msĕ si diih hmư̆ leh kơ pô roh hŏng Krist srăng hriê, msĕ snăn mơh ară anei mâo lu phung roh hŏng Krist truh leh. Kyua klei anăn drei thâo mông knhal tuč truh leh.

Klei Bi Êdah 1:3

Jăk mơak yơh hlei pô dôk dlăng kraih klei blŭ hlăm klei hưn êlâo anei leh anăn jăk mơak yơh hlei phung dôk hmư̆ leh anăn djă pioh klei čih leh tinei; kyuadah mông giăm truh leh.

Klei Bi Êdah 22:10

Leh anăn ñu lač kơ kâo, “Đăm kđăm ôh klei blŭ hưn êlâo hlăm hdruôm hră anei, kyuadah mông giăm truh leh.