Hră Y-Pôl Mơĭt kơ Phung Rôm 13:1 - Klei Aê Diê Blŭ 2015

¹ Brei jih jang mnuih gưt kơ phung khua kiă kriê. Kyuadah amâo mâo ôh klei dưi kiă kriê amâo kbiă hriê mơ̆ng Aê Diê, leh anăn klei dưi kiă kriê Aê Diê sơăi mjing leh.

Hră Y-Pôl Mơĭt kơ Phung Rôm 13:1 Iomraidhean Croise

Klei Mmuñ Hđăp 62:11

Aê Diê lač leh sa blư̆; leh anăn dua blư̆ mơh kâo hmư̆ snei: Klei ktang jing dŏ Aê Diê.

Klei Bi Hriêng 24:21

Ơ anak kâo, brei ih huĭ mpŭ kơ Yêhôwa leh anăn kơ mtao, đăm bi mguôp ôh hŏng phung bi kdơ̆ng hŏng diñu.

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Mathiơ 6:13

Đăm atăt ba hmei hlăm klei mplư ôh, ƀiădah bi mtlaih hmei mơ̆ng Pô Jhat. [Kyuadah ƀuôn ala mtao, klei myang, leh anăn klei guh kơang pioh kơ Ih pô nanao hlŏng lar. Amen.]’

Y-Yôhan 19:11

Yêsu lŏ wĭt lač kơ Aê Pilat, “Ih amâo mâo klei dưi ngă kơ Kâo ôh, tơdah Aê Diê amâo brei klei dưi anăn kơ ih. Kyuanăn hlei pô jao Kâo kơ ih mâo klei soh prŏng hĭn.”

Bruă Phung Khua Ƀĭng Kna 2:41

Snăn phung tŭ klei ñu mtô anăn tŭ klei ƀaptem, leh anăn hlăm hruê anăn phung đăo lŏ thiăm hlăm brô tlâo êbâo čô mnuih.

Hră Y-Pôl Mơĭt kơ Phung Rôm 12:21

Đăm brei klei jhat dưi hŏng ih ôh, ƀiădah brei klei jăk ih ngă dưi hŏng klei jhat.

Hră Y-Pôl Mơĭt kơ Phung Rôm 13:2

Kyua anăn hlei pô bi kdơ̆ng hŏng klei kiă kriê, ñu anăn yơh bi kdơ̆ng hŏng klei Aê Diê mjing leh. Leh anăn hlei pô bi kdơ̆ng srăng tŭ klei bi kmhal kơ ñu pô.

Êphêsô 5:21

Brei diih bi gưt hdơ̆ng diih hlăm klei huĭ mpŭ kơ Krist.

Klei Mtô Mñă Klei Bhiăn 17:12

Mnuih ngă hŏng klei mgao amâo gưt kơ khua ngă yang amâodah kơ khua phat kđi dôk mă bruă ti anăp Yêhôwa Aê Diê diih, mnuih anăn srăng djiê. Snăn yơh diih srăng bi doh klei jhat mơ̆ng čar Israel,

I Y-Timôthê 2:2

kyua phung mtao leh anăn kyua jih jang phung khua kiă kriê, čiăng kơ drei dưi dôk hdĭp êđăp ênang leh anăn amâo mâo klei rŭng răng ôh, tui si klei đăo kơ Aê Diê leh anăn tui si klei arăng mpŭ.

Y-Tit 3:1

Bi hdơr bĕ kơ diñu brei thâo đup gưt kơ phung khua kiă kriê leh anăn kơ phung mâo klei dưi hlăm knŭk kna, thâo gưt asăp, kăp ngă jih bruă jăk,

Y-Yut 1:8

Msĕ snăn phung mnuih anei hŏng klei diñu êpei ƀuh bi čhŏ kđeh diñu, bi êmut kơ phung mâo klei dưi, leh anăn dlao wač kơ phung guh kơang.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.

I Y-Samuel 2:8

Ñu bi kơrŭ mnuih ƀun mơ̆ng ƀruih lăn; Ñu mdơ̆ng pô kƀah mơ̆ng kăm hbâo, čiăng brei digơ̆ dôk gŭ mbĭt hŏng phung khua leh anăn dôk gŭ hlăm anôk arăng mpŭ. Kyuadah atur lăn ala jing dŏ Yêhôwa, leh anăn ti dlông atur anăn Ñu mdơ̆ng leh lăn ala.