Hră Y-Pôl Mơĭt kơ Phung Rôm 12:9 - Klei Aê Diê Blŭ 2015

⁹ Brei klei khăp diih jing sĭt. Bi êmut kơ klei jhat, djă pioh ya jing klei jăk.

Hră Y-Pôl Mơĭt kơ Phung Rôm 12:9 Iomraidhean Croise

Klei Mmuñ Hđăp 101:3

Kâo amâo srăng dlăng kơ mnơ̆ng jhat ôh; kâo bi êmut kơ bruă phung lui wir; klei anăn amâo srăng djŏ kơ kâo ôh.

Klei Mmuñ Hđăp 119:104

Hŏng klei Ih mtă kâo mâo klei thâo săng; kyuanăn kâo bi êmut jih êlan soh.

Klei Mmuñ Hđăp 119:163

Kâo bi êmut êdi kơ klei luar, ƀiădah kâo khăp kơ klei bhiăn Ih.

Klei Mmuñ Hđăp 34:14

Đuĕ bĕ mơ̆ng klei jhat, leh anăn ngă klei jăk; tui duah leh anăn tiŏ klei êđăp ênang.

Klei Mmuñ Hđăp 36:4

Êjai ñu đih ti jhưng pĭt, ñu duah êlan ngă klei wê; klei ñu ngă amâo jăk ôh, ñu amâo hngah kơ klei soh ôh.

Klei Mmuñ Hđăp 45:7

Ih khăp klei kpă ênô leh anăn bi êmut klei ƀai. Kyuanăn Aê Diê, Aê Diê ih, trôč leh ih hŏng êa ƀâo mngưi klei hơ̆k mơak hing ang hĭn kơ jih jang phung găp ih.

Klei Mmuñ Hđăp 55:21

Ƀăng êgei ñu blŭ klei siam snăk, ƀiădah ai tiê ñu mĭn kơ klei bi blah. Boh ñu blŭ êbhơr hĭn kơ êa prăi, ƀiădah diñu jing đao gưm suê̆ leh.

Klei Mmuñ Hđăp 97:10

Brei phung khăp kơ Yêhôwa bi êmut kơ klei jhat; Ñu mgang klei hdĭp phung sĭt suôr hŏng Ñu; Ñu bi mtlaih digơ̆ mơ̆ng kngan phung ƀai.

Klei Bi Hriêng 26:25

Tơdah ñu blŭ hŏng klei mmih, đăm đăo kơ ñu ôh, kyuadah mâo kjuh mta klei bi êmut kheh hlăm ai tiê ñu.

Klei Bi Hriêng 8:13

Klei huĭ mpŭ kơ Yêhôwa jing klei bi êmut kơ klei jhat, kâo bi êmut kơ klei krưh, klei mgao, êlan klei jhat leh anăn klei blŭ wê.

Y-Êsêkiêl 33:31

Diñu hriê kơ ih msĕ si phung ƀuôn sang mưng hriê, diñu dôk gŭ ti anăp ih, leh anăn diñu hmư̆ klei ih lač, ƀiădah diñu amâo gưt klei anăn ôh; kyuadah hŏng êlah diñu bi êdah lu klei khăp, ƀiădah ai tiê diñu khăp kơ klei tŭ dưn pô!

Y-Amôs 5:15

Bi êmut bĕ kơ klei jhat, leh anăn khăp bĕ kơ klei jăk, bi kjăp klei kpă ti ƀăng jang. Năng ai Yêhôwa, Aê Diê kơ phung kahan srăng pap kơ phung Yôsep adôk.

Y-Mathiơ 26:49

Mtam ñu nao kơ Yêsu leh anăn lač, “Kkuh kơ Ih, Ơ Nai!” Leh anăn čŭm Yêsu.

Y-Yôhan 12:6

Ñu lač klei anăn, amâo djŏ kyuadah ñu uêñ kơ phung ƀun ƀin ôh, ƀiădah kyuadah ñu jing mnuih knĕ, leh anăn ñu jing pô djă kdŭng prăk leh anăn khăng mă prăk arăng dưm hlăm kdŭng anăn.

Bruă Phung Khua Ƀĭng Kna 11:23

Tơdah ñu truh leh anăn ƀuh klei Aê Diê pap, ñu mơak; leh anăn ñu mđĭ ai jih jang digơ̆ brei dôk kjăp sĭt suôr hŏng Khua Yang.

II Kôrantô 6:6

hŏng klei doh jăk, hŏng klei thâo săng, hŏng klei gĭr, hŏng klei jăk, hŏng Yang Mngăt Jăk, hŏng klei khăp sĭt suôr,

II Kôrantô 8:8

Kâo lač klei anăn amâo djŏ jing klei mtă ôh, ƀiădah mkă hŏng klei hur har phung mkăn, čiăng bi sĭt klei sĭt suôr diih hlăm bruă klei khăp anei.

I Têsalônik 2:3

Kyuadah klei hmei mtô mtrŭt amâo kbiă hriê mơ̆ng klei čhuai amâodah klei čhŏ mrŏ ôh, kăn mơ̆ng klei mplư rei;

I Têsalônik 5:15

Răng bĕ, đăm brei sa čô hlăm phung diih bi wĭt klei jhat kơ klei jhat arăng, ƀiădah tui duah nanao čiăng ngă klei jăk hdơ̆ng diih leh anăn kơ jih jang mnuih.

I Têsalônik 5:21

ƀiădah ksiêm bi nik jih jang klei. Djă pioh ya klei jing jăk;

I Y-Timôthê 1:5

Klei hmei čiăng mơ̆ng klei hmei mtă jing klei khăp kbiă mơ̆ng ai tiê êngeh, mơ̆ng ai tiê kpă jăk, leh anăn mơ̆ng klei đăo sĭt suôr.

Hêbrơ 1:9

Ih khăp leh kơ klei kpă ênô, leh anăn bi êmut leh kơ klei soh. Kyuanăn Aê Diê, Aê Diê Ih, trôč leh êa ƀâo mngưi klei hơ̆k mơak kơ Ih kdlưn hĭn kơ phung ƀĭng găp Ih.”

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.

Y-Yakơ 3:17

Ƀiădah klei thâo mĭn kbiă hriê mơ̆ng dlông êlâo hĭn jing êngeh, leh anăn êđăp ênang, êdu êun, thâo guôp, bŏ hŏng klei pap mñai leh anăn boh jăk, amâo mâo dlăng ti êngao amâodah ai ngăm ôh.

I Y-Pêtrôs 1:22

Diih bi doh leh mngăt diih hŏng klei gưt asăp kơ klei sĭt nik, čiăng mâo klei khăp sĭt suôr kơ phung ayŏng amai adei. Snăn brei diih bi khăp hdơ̆ng diih hŏng jih ai tiê.

I Y-Pêtrôs 4:8

Êgao hĭn kơ jih jang, brei diih bi khăp hdơ̆ng diih nanao, kyuadah klei khăp guôm lu klei soh.