Hră Y-Pôl Mơĭt kơ Phung Rôm 12:8 - Klei Aê Diê Blŭ 2015

⁸ hlei pô thâo bi mđĭ ai, brei ñu bi mđĭ ai arăng; hlei pô bi čŭng, brei ñu bi čŭng hŏng klei kmah; hlei pô jing khua kiă kriê, brei ñu hur har kiă bi jăk; hlei pô ngă bruă klei pap, brei ñu ngă hŏng klei hơ̆k mơak.

Hră Y-Pôl Mơĭt kơ Phung Rôm 12:8 Iomraidhean Croise

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

Klei Mmuñ Hđăp 112:9

Hŏng ai tiê kmah ñu brei mnơ̆ng pap kơ phung ƀun ƀin, klei kpă ênô ñu dôk hlŏng lar; arăng srăng mpŭ kơ klei ñu dưi.

Klei Mmuñ Hđăp 37:21

Pô ƀai čan leh anăn amâo bi wĭt ôh, ƀiădah pô kpă thâo kmah leh anăn ñu brei čan.

Klei Bi Hriêng 22:9

Mnuih thâo pap srăng mâo klei jăk jĭn, kyuadah ñu bi mbha brei mnơ̆ng ƀơ̆ng huă ñu kơ phung ƀun ƀin.

Khua Pô Mtô 11:6

Êjai aguah rah bĕ mjeh ih, leh anăn ti tlam đăm mdei kngan ih ôh, kyuadah ih amâo thâo ôh ya mjeh srăng čăt đĭ, mjeh anei amâodah mjeh anăn, amâodah jih dua srăng jing jăk sơăi.

Khua Pô Mtô 9:10

Ya klei kngan ih ngă, ngă bĕ klei anăn hŏng jih klei ktang ih, kyuadah amâo mâo ôh bruă amâodah klei mĭn amâodah klei thâo săng amâodah klei thâo mĭn hlăm Ƀuôn Phung Djiê, kơ anôk anăn ih srăng nao.

Y-Êsai 32:5

Arăng amâo srăng lŏ pia mnuih mluk pô năng arăng mpŭ ôh, kăn mpŭ rei kơ pô mplư.

Y-Êsai 32:8

Ƀiădah pô jing yuôm mĭn kơ klei yuôm, leh anăn ñu dôk kjăp hlăm klei yuôm ñu ngă.

Y-Êsai 64:5

Ih tŭ drông pô mă bruă kpă ênô hŏng klei hơ̆k, phung hdơr kơ Ih hlăm êlan Ih. Nĕ anei, Ih ngêñ leh kyuadah hmei ngă soh leh; sui leh hmei dôk ngă soh, leh anăn si hmei srăng mâo klei bi mtlaih?

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Bruă Phung Khua Ƀĭng Kna 11:23

Tơdah ñu truh leh anăn ƀuh klei Aê Diê pap, ñu mơak; leh anăn ñu mđĭ ai jih jang digơ̆ brei dôk kjăp sĭt suôr hŏng Khua Yang.

Bruă Phung Khua Ƀĭng Kna 13:12

Ƀuh klei truh anăn, khua čar đăo kyuadah gơ̆ bi kngăr kơ klei mtô djŏ kơ Khua Yang.

Bruă Phung Khua Ƀĭng Kna 13:15

Leh arăng dlăng hdruôm hră klei bhiăn leh anăn phung khua pô hưn êlâo, phung khua sang bi kƀĭn mơĭt asăp blŭ kơ diñu, lač, “Ơ phung ayŏng adei, tơdah diih mâo klei mtô čiăng mđĭ ai kơ phung ƀuôn sang, blŭ bĕ.”

Bruă Phung Khua Ƀĭng Kna 15:32

Y-Yuđas leh anăn Y-Silas, jing khua pô hưn êlâo mơh, mtô kơ phung ayŏng adei đăo lu klei blŭ bi mđĭ ai leh anăn klei bi ktang digơ̆.

Bruă Phung Khua Ƀĭng Kna 20:2

Ñu găn tar krĭng anăn bi mđĭ ai phung đăo lu snăk leh anăn ñu truh kơ čar Grĕk.

Bruă Phung Khua Ƀĭng Kna 20:28

Răng bĕ kơ diih pô leh anăn kơ jih jang biăp Yang Mngăt Jăk brei diih jing leh phung kiă, čiăng čiêm rông Phung Sang Aê Diê, phung Ñu bi tui leh hŏng êrah Anak Ñu pô.

Bruă Phung Khua Ƀĭng Kna 4:36

Snăn Y-Yôsep, pô phung khua ƀĭng kna lŏ bi anăn Y-Barnabas (čiăng lač pô thâo mđĭ ai), sa čô Lêwi kkiêng ti plao êa Čiprơ,

Hră Y-Pôl Mơĭt kơ Phung Rôm 12:13

Brei kơ phung doh jăk mnơ̆ng diñu kƀah, brei diih thâo jum tue.

Hră Y-Pôl Mơĭt kơ Phung Rôm 13:6

Kyuanăn mơh diih tuh jia, kyuadah phung khua kiă kriê jing phung dĭng ktang kơ Aê Diê, dôk djă bruă anăn.

I Kôrantô 12:28

Aê Diê mdưm hlăm Phung Sang Aê Diê tal êlâo hĭn phung khua ƀĭng kna, mrô dua phung khua pô hưn êlâo, mrô tlâo phung nai mtô, phung ngă klei yuôm bhăn, phung mâo klei dưi bi hlao, phung thâo đru, phung thâo kiă kriê, leh anăn phung dưi blŭ klei tue mdê mdê.

I Kôrantô 14:3

Ƀiădah hlei pô hưn êlâo blŭ kơ mnuih čiăng đru diñu hriê kơ prŏng, bi mđĭ ai diñu, leh anăn bi juh diñu.

II Kôrantô 1:12

Hmei bi mni kơ hmei pô kyua klei anei: ai tiê kpă hmei hưn kơ klei hmei dôk dơ̆ng ƀơ̆ng huă hlăm lăn ala, leh anăn lu hĭn ti anăp diih, hŏng klei kpă ênuah leh anăn klei sĭt suôr Aê Diê brei, amâo djŏ hŏng klei thâo mĭn kđeh ôh, ƀiădah hŏng klei Aê Diê pap.

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

II Kôrantô 8:12

Kyuadah tơdah mâo klei jăk čiăng ngă, Aê Diê tŭ tui si mnơ̆ng ih mâo, amâo djŏ ôh tui si mnơ̆ng ih amâo mâo.

II Kôrantô 9:11

Diih srăng čăt đĭ hlăm djăp mta mnơ̆ng, čiăng dưi ngă klei kmah. Leh anăn klei anăn srăng brei hmei bi mni kơ Aê Diê.

II Kôrantô 9:13

Hŏng bruă anei, diñu thâo leh ai tiê kmah diih leh anăn mpŭ mni kơ Aê Diê kyua klei diih gưt asăp hlăm klei tŭ klei mrâo mrang jăk Krist, leh anăn hlăm klei kmah diih myơr kơ diñu leh anăn kơ jih jang phung mkăn;

II Kôrantô 9:7

Brei grăp čô myơr tui si ñu mĭn leh, amâo djŏ ôh hŏng klei ênguôt amâodah hŏng klei mgô̆, kyuadah Aê Diê khăp kơ pô myơr hŏng klei hơ̆k mơak.

Êphêsô 6:5

Ơ phung hlŭn, brei diih gưt kơ phung khua diih hlăm kđeh, hŏng klei huĭ leh anăn ktư̆ yơ̆ng, hŏng ai tiê ênuah, msĕ si kơ Krist mơh;

Klei Mtô Mñă Klei Bhiăn 15:14

ih srăng brei mnơ̆ng kơ gơ̆ hŏng klei kmah biăp diih, mdiê mơ̆ng anôk diih juă, kpiê mơ̆ng anôk diih djiêt; tui si Yêhôwa Aê Diê diih brei klei jăk jĭn leh kơ diih, diih srăng brei kơ gơ̆.

Klei Mtô Mñă Klei Bhiăn 16:11

Leh anăn diih srăng hơ̆k mơak ti anăp Yêhôwa Aê Diê diih, diih, anak êkei leh anăn anak mniê diih, dĭng buăl êkei mniê diih, phung Lêwi dôk hlăm ƀuôn diih, pô dôk jưh bhiâo, anak êrĭt, leh anăn mniê djiê ung ti krah diih, ti anôk Yêhôwa Aê Diê diih srăng ruah čiăng brei anăn Ñu dôk tinăn.

Kôlôs 3:22

Ơ phung hlŭn, gưt bĕ kơ phung khua diih ti lăn ala hlăm jih jang klei, amâo djŏ knŏng ti anăp ală diñu ôh msĕ si čiăng bi mơak kơ diñu, ƀiădah hŏng ai tiê sĭt suôr, hŏng klei huĭ mpŭ kơ Khua Yang.

I Têsalônik 2:3

Kyuadah klei hmei mtô mtrŭt amâo kbiă hriê mơ̆ng klei čhuai amâodah klei čhŏ mrŏ ôh, kăn mơ̆ng klei mplư rei;

I Têsalônik 2:8

Snăn hŏng klei hmei khăp snăk kơ diih, hmei čiăng bi mbha kơ diih, amâo djŏ knŏng klei mrâo mrang jăk Aê Diê ôh, ƀiădah wăt klei hdĭp hmei pô mơh, kyuadah diih jing leh yuôm snăk kơ hmei.

I Y-Timôthê 4:13

Tơl kâo truh, brei ih gĭr dlăng Klei Aê Diê Blŭ kơ phung bi kƀĭn, mtô, leh anăn gĭr bi hriăm.

I Y-Timôthê 5:17

Brei arăng mpŭ dua blư̆ lu hĭn kơ phung khua mduôn kiă kriê jăk, boh nik nak kơ phung mtô leh anăn bi hriăm.

I Y-Timôthê 6:18

Mtă kơ diñu ngă jăk, jing mdrŏng hlăm bruă jăk, jing kmah leh anăn thâo bi mbha kơ arăng.

Hêbrơ 10:25

Đăm lui ôh klei bi kƀĭn msĕ si đa đa mưng ngă, ƀiădah bi mđĭ ai hdơ̆ng drei, leh anăn ngă klei anăn lu hĭn êjai diih ƀuh Hruê Krist giăm truh.

Hêbrơ 13:17

Gưt bĕ kơ phung gĭt gai diih leh anăn mpŭ kơ diñu; kyuadah diñu răng kriê kơ mngăt diih msĕ si phung srăng hưn bi êdah bruă diñu kơ Aê Diê. Brei diñu hưn hŏng klei hơ̆k, amâo ênguôt ôh, kyuadah tơdah klei diñu hưn amâo jing mơak ôh, klei anăn amâo srăng brei klei jăk kơ diih ôh.

Hêbrơ 13:22

Ơ phung ayŏng adei, kâo kwưh kơ diih, tŭ bĕ klei kâo blŭ mtrŭt diih, kyuadah kâo čih kơ diih hŏng klei klah čŭn.

Hêbrơ 13:24

Brei diih mơĭt klei hmei čhưn kơ jih jang phung khua gĭt gai diih leh anăn kơ jih jang phung doh jăk. Phung doh jăk čar Itali mơĭt klei čhưn kơ diih mơh.

Hêbrơ 13:7

Hdơr bĕ kơ phung khua gĭt gai diih, phung mtô kơ diih klei Aê Diê blŭ. Ksiêm dlăng bĕ klei truh kơ diñu êjai diñu hdĭp, leh anăn tui klei diñu đăo.