Hră Y-Pôl Mơĭt kơ Phung Rôm 12:3 - Klei Aê Diê Blŭ 2015

³ Kyuadah hŏng klei pap Aê Diê brei leh kơ kâo, kâo mtrŭt grăp čô hlăm phung diih đăm mĭn kơ ñu pô êgao hnơ̆ng djŏ kơ ñu ôh, ƀiădah brei grăp čô mĭn bi djŏ tui si hnơ̆ng klei đăo Aê Diê brei leh kơ ñu.

Hră Y-Pôl Mơĭt kơ Phung Rôm 12:3 Iomraidhean Croise

Klei Bi Hriêng 25:27

Amâo jăk ôh ƀơ̆ng lu đei êa hnuê, msĕ snăn mơh tơdah mnuih duah bi mni kơ pô.

Klei Bi Hriêng 26:12

Tơdah ih ƀuh sa čô mnuih yap ñu pô jing mnuih thâo mĭn, mnuih mluk jing yuôm hĭn kơ ñu.

Khua Pô Mtô 7:16

Đăm jing kpă êgao hnơ̆ng ôh, leh anăn đăm mjing ih pô thâo mĭn đei ôh; ya yuôm ih bi rai ih pô lĕ?

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Luk 18:11

Êkei Pharisi dôk dơ̆ng wah lač snei djŏ kơ ñu pô, ‘Ơ Aê Diê, kâo bi mni kơ Ih kyuadah kâo amâo jing msĕ si phung mnuih mkăn ôh. Diñu jing phung ƀơ̆ng ngăn, phung wê, phung tlĕ piu amâodah msĕ si pô rĭng jia anei.

Y-Yôhan 3:34

Pô Aê Diê tiŏ hriê leh hưn klei Aê Diê blŭ, kyuadah Aê Diê brei Yang Mngăt Jăk kơ Ñu amâo mâo klei mkă hnơ̆ng ôh.

Hră Y-Pôl Mơĭt kơ Phung Rôm 1:5

Mơ̆ng Gơ̆ hmei mă tŭ leh klei pap leh anăn klei jing khua ƀĭng kna čiăng atăt ba mnuih mơ̆ng jih jang phung găp djuê mnuih gưt kơ klei đăo kyua hlăm anăn Gơ̆,

Hră Y-Pôl Mơĭt kơ Phung Rôm 11:20

Klei anăn jing sĭt. Arăng khăt hĕ diñu leh kyuadah klei diñu amâo đăo ôh. Ƀiădah ih dôk kjăp knŏng kyua klei ih đăo. Snăn đăm jing mgao ôh, ƀiădah brei ih huĭ.

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

Hră Y-Pôl Mơĭt kơ Phung Rôm 12:16

Brei diih mâo sa ai hdơ̆ng diih. Đăm jing mgao ôh, ƀiădah bi mguôp hŏng phung luă gŭ. Đăm yap diih pô jing phung thâo mĭn ôh.

I Kôrantô 15:10

Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.

I Kôrantô 3:10

Tui si klei pap Aê Diê brei leh kơ kâo, msĕ si sa čô mnuih mbruă ngă sang kâo dưm leh atur, leh anăn sa čô mkăn dôk mdơ̆ng sang ti dlông atur anăn. Brei grăp čô răng si klei ñu mdơ̆ng ti dlông atur anăn.

I Kôrantô 7:17

Knŏng brei grăp čô dôk hdĭp tui si klei Khua Yang brei kơ ñu leh, tui si ñu jing hlăk Aê Diê iêô ñu. Snăn jing klei kâo mtă leh kơ jih jang Phung Sang Aê Diê.

II Kôrantô 10:13

Bi hmei, amâo srăng bi mni kơ hmei pô êgao hnơ̆ng ôh, ƀiădah djŏ hŏng hnơ̆ng Aê Diê bi kčah leh, leh anăn hnơ̆ng bi kčah leh kơ hmei truh wăt kơ diih mơh.

II Kôrantô 12:13

Kyuadah ya klei kâo kƀah ngă jăk kơ diih Phung Sang Aê Diê mkăn mâo leh, knŏng klei kâo amâo tuôm bi ktrŏ diih ôh? Pap brei kơ kâo kyua klei soh anăn.

II Kôrantô 12:7

Leh anăn huĭdah kâo bi mđĭ kâo pô kyua lu êbeh klei bi êdah yuôm bhăn kâo ƀuh, Aê Diê dưm sa aruăt êruê hlăm asei mlei kâo, jing dĭng buăl Satan, čiăng bi knap kâo, huĭ kâo jing mgao.

Galati 6:3

Kyuadah tơdah sa čô mĭn ñu jing pô prŏng, ƀiădah amâo jing sĭt ôh, snăn ñu mplư ñu pô yơh.

Êphêsô 3:2

Kâo mĭn diih hmư̆ leh kơ Aê Diê jao leh kơ kâo bruă klei Ñu pap kyua diih,

Êphêsô 3:4

Êjai diih dlăng klei anăn, diih dưi thâo klei kâo thâo săng kơ klei hgăm Krist.

Êphêsô 4:16

Mơ̆ng Krist jih asei mlei bi mguôp đuôm mbĭt hŏng jih jang anôk bi kkuh Ñu mjing leh, êjai jih kdrêč bi leh bruă gơ̆, brei asei mlei hriê kơ prŏng tui si klei ktang grăp mta, leh anăn mđĭ gơ̆ pô hlăm klei khăp.

Philip 2:13

Kyuadah Aê Diê dôk mă bruă hlăm diih mjing hlăm diih wăt klei čiăng leh anăn klei dưi ngă klei bi mơak kơ Ñu.

Kôlôs 1:29

Kơ klei anăn kâo mă bruă suăi, yua jih klei ktang Ñu êjai bi blah, klei ktang anăn dôk mă bruă hlăm kâo hŏng klei myang.

Kôlôs 2:13

Hlăk êlâo diih djiê leh hlăm klei soh leh anăn hlăm kđeh amâo mâo klei khăt klĭt ôh, Aê Diê lŏ bi hdĭp diih leh mbĭt hŏng Krist. Ñu pap brei leh jih jang klei soh drei.

I Y-Timôthê 1:14

Leh anăn klei Khua Yang drei pap bi bŏ dlai kâo, hŏng klei đăo leh anăn klei khăp hlăm Krist Yêsu.

I Y-Timôthê 2:15

Ƀiădah mniê srăng tlaih kyua klei ñu kkiêng kơ anak, tơdah ñu gĭr dôk kjăp hlăm klei đăo, hlăm klei khăp, leh anăn hlăm klei doh jăk, hŏng klei năng tui si klei bhiăn.

I Y-Timôthê 2:9

Kâo čiăng msĕ mơh kơ phung mniê mprăp diñu pô djŏ tui si klei bhiăn, amâo ƀôñ ƀŭk, amâodah mprăp hŏng mah, añŭ yuôm, amâodah hơô ao kdrăm kơah ênoh yuôm ôh.

Y-Tit 2:12

Klei pap anăn bi hriăm drei brei hngah klei amâo thâo mpŭ kơ Aê Diê leh anăn klei tluh tui si lăn ala, leh anăn dôk hdĭp hŏng klei êngeh, kpă ênô, leh anăn thâo mpŭ kơ Aê Diê hlăm ênuk anei,

Y-Tit 2:2

Mtă kơ phung êkei mduôn dôk djŏ hnơ̆ng, ênuah ênô, thâo răng, dôk kjăp hlăm klei đăo, hlăm klei khăp, leh anăn hlăm klei gĭr.

Y-Tit 2:4

leh anăn bi hriăm phung mniê hlăk ai khăp kơ ung leh anăn phung anak diñu,

Y-Tit 2:6

Msĕ mơh mtă kơ phung êkei hlăk ai brei dôk djŏ hnơ̆ng.

Y-Yakơ 4:6

Ƀiădah Ñu brei klei pap lu hĭn; kyuanăn Klei Aê Diê Blŭ čih lač, “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”

I Y-Pêtrôs 1:13

Kyuanăn bi kjăp bĕ klei mĭn diih, dôk djŏ hnơ̆ng, čang hmăng sĭt kơ klei pap srăng truh kơ diih ti hruê Yêsu Krist srăng bi êdah.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.

I Y-Pêtrôs 4:7

Klei knhal tuč kơ jih jang mnơ̆ng giăm truh leh. Kyuanăn brei diih jing djŏ hnơ̆ng leh anăn thâo răng kơ klei wah lač.

I Y-Pêtrôs 5:5

Msĕ mơh kơ diih jing phung hlăk ai, brei diih gưt kơ phung khua mduôn. Brei jih jang diih hơô klei luă gŭ êjai hdĭp hdơ̆ng diih, kyuadah “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.

III Y-Yôhan 1:9

Kâo čih leh hră kơ Phung Sang Aê Diê, ƀiădah Y-Diôtrep, pô khăp jing khua, amâo jum hmei ôh.