Hră Y-Pôl Mơĭt kơ Phung Rôm 12:16 - Klei Aê Diê Blŭ 2015

¹⁶ Brei diih mâo sa ai hdơ̆ng diih. Đăm jing mgao ôh, ƀiădah bi mguôp hŏng phung luă gŭ. Đăm yap diih pô jing phung thâo mĭn ôh.

Hră Y-Pôl Mơĭt kơ Phung Rôm 12:16 Iomraidhean Croise

II Klei Yăl Dliê 30:12

Msĕ mơh kngan Aê Diê yơr kơ phung Yuđa čiăng brei kơ diñu mâo sa ai čiăng ngă klei mtao leh anăn phung khua mtă leh tui si klei Yêhôwa blŭ.

Y-Yôp 36:5

Nĕ anei, Aê Diê jing myang, amâo bi êmut kơ arăng ôh; Ñu jing myang leh anăn klei Ñu čuăn jing kjăp.

Klei Bi Hriêng 17:5

Hlei pô mưč kơ mnuih ƀun ƀin dlao wač kơ Pô Mjing gơ̆, hlei pô mơak kyua klei knap mñai truh amâo srăng tlaih kơ klei bi kmhal ôh.

Klei Bi Hriêng 19:17

Hlei pô brei pap kơ mnuih ƀun ƀin jing brei Yêhôwa čan, leh anăn Yêhôwa srăng lŏ bi wĭt kơ ñu tui si bruă jăk ñu ngă leh.

Klei Bi Hriêng 19:22

Klei arăng čiăng ƀuh hlăm sa čô mnuih jing klei sĭt suôr, leh anăn klei jing ƀun ƀin jăk hĭn kơ mnuih luar.

Klei Bi Hriêng 19:7

Jih jang ayŏng adei mnuih ƀun ƀin bi êmut kơ gơ̆, ƀai hĭn phung mah jiăng gơ̆ đuĕ kbưi mơ̆ng gơ̆! Gơ̆ blŭ kwưh kơ diñu, ƀiădah diñu đuĕ.

Klei Bi Hriêng 26:12

Tơdah ih ƀuh sa čô mnuih yap ñu pô jing mnuih thâo mĭn, mnuih mluk jing yuôm hĭn kơ ñu.

Klei Bi Hriêng 26:5

Lŏ wĭt lač bĕ kơ mnuih mluk tui si klei mluk ñu, huĭdah ñu yap ñu pô jing thâo mĭn.

Klei Bi Hriêng 3:7

Đăm yap ih pô thâo mĭn ôh; huĭ mpŭ bĕ kơ Yêhôwa leh anăn đuĕ bĕ mơ̆ng klei jhat.

Y-Êsai 5:21

Knap mñai yơh kơ phung yap mă diñu pô jing phung thâo mĭn, leh anăn yap mă diñu pô thâo săng.

Y-Yêrêmi 32:39

Kâo srăng brei kơ diñu sa ai tiê leh anăn sa êlan, čiăng kơ diñu dưi huĭ mpŭ kơ Kâo hlŏng lar, klei anăn jing jăk kơ diñu pô leh anăn jing jăk kơ phung anak čô diñu êdei kơ diñu.

Y-Yêrêmi 45:5

Bi ih, ih tuôm duah klei prŏng kơ ih pô mơ̆? Đăm duah klei anăn ôh; kyuadah nĕ anei, Kâo dôk bi truh klei jhat kơ jih jang mnuih, Yêhôwa lač, ƀiădah Kâo srăng pioh ih hdĭp hlăm jih anôk ih nao.’ ”

Y-Mathiơ 11:5

phung bum ală lŏ ƀuh mngač, phung êwiên jơ̆ng dưi êbat, phung djŏ phŭng mâo klei bi doh, phung kngăl thâo hmư̆, phung djiê lŏ hdĭp, leh anăn klei mrâo mrang jăk arăng hưn kơ phung ƀun ƀin.

Y-Mathiơ 26:11

Kyuadah diih mâo phung ƀun ƀin mbĭt hŏng diih nanao, ƀiădah Kâo amâo srăng dôk nanao mbĭt hŏng diih ôh.

Y-Luk 14:13

Ƀiădah tơdah ih mkra klei huă mnăm, jak bĕ phung ƀun ƀin, phung êwiên, phung đŭt jơ̆ng kngan, leh anăn phung bum ală.

Y-Luk 6:20

Yêsu dlăng kơ phung ƀĭng kna Ñu leh anăn lač: “Jăk mơak yơh phung diih ƀun ƀin, kyuadah ƀuôn ala mtao Aê Diê pioh kơ diih.

Bruă Phung Khua Ƀĭng Kna 4:32

Snăn jih jang phung đăo mâo sa ai leh anăn sa klei mĭn. Amâo mâo sa čô mnuih yap dŏ ñu jing dŏ hjăn ñu pô ôh, ƀiădah diñu yap dŏ jih jang mđrăm mbĭt.

Hră Y-Pôl Mơĭt kơ Phung Rôm 11:20

Klei anăn jing sĭt. Arăng khăt hĕ diñu leh kyuadah klei diñu amâo đăo ôh. Ƀiădah ih dôk kjăp knŏng kyua klei ih đăo. Snăn đăm jing mgao ôh, ƀiădah brei ih huĭ.

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

Hră Y-Pôl Mơĭt kơ Phung Rôm 12:3

Kyuadah hŏng klei pap Aê Diê brei leh kơ kâo, kâo mtrŭt grăp čô hlăm phung diih đăm mĭn kơ ñu pô êgao hnơ̆ng djŏ kơ ñu ôh, ƀiădah brei grăp čô mĭn bi djŏ tui si hnơ̆ng klei đăo Aê Diê brei leh kơ ñu.

Hră Y-Pôl Mơĭt kơ Phung Rôm 15:5

Akâo kơ Aê Diê, Pô jing klei gĭr leh anăn klei bi juh, brei diih dôk sa ai hdơ̆ng diih, tui si Krist Yêsu,

Hră Y-Pôl Mơĭt kơ Phung Rôm 6:2

Hơăi, amâo djŏ ôh! Si drei phung djiê leh kơ klei soh ăt dôk hdĭp hlăm klei soh lĕ?

I Kôrantô 1:10

Ơ phung ayŏng adei, kâo kwưh kơ diih hŏng anăn Khua Yang drei Yêsu Krist, brei jih jang diih blŭ klei msĕ, leh anăn đăm mâo klei bi kah mbha ôh hdơ̆ng diih, ƀiădah brei mâo klei bi mguôp hlăm sa klei mĭn leh anăn sa ai.

I Kôrantô 3:18

Đăm brei sa čô mplư ñu pô ôh. Tơdah sa čô hlăm phung diih mĭn ñu jing thâo mĭn hlăm ênuk anei, brei ñu mlih jing sa čô khŏ, čiăng kơ ñu dưi jing thâo mĭn sĭt.

I Kôrantô 4:10

Hmei jing phung khŏ kyua Krist, ƀiădah diih jing phung thâo mĭn hlăm Krist. Hmei jing awăt, ƀiădah diih jing ktang. Arăng mpŭ kơ diih, ƀiădah hmei arăng bi êmut.

I Kôrantô 6:5

Kâo lač klei anăn čiăng bi hêñ diih. Si ngă, djŏ mơ̆ amâo mâo ôh sa čô hlăm phung diih jing thâo mĭn dưi phat kđi hdơ̆ng ayŏng adei đăo,

I Kôrantô 8:2

Tơdah sa čô mĭn ñu thâo sa mta klei, ñu ka thâo ôh msĕ si klei djŏ brei ñu thâo.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

Philip 1:27

Knŏng brei diih hdĭp năng hŏng klei mrâo mrang jăk Krist, čiăng kơ thâodah kâo nao čhưn kơ diih amâodah kâo êkŭt, kâo srăng hmư̆ hing kơ diih dôk kjăp sa ai, sa klei mĭn mđrăm mbĭt čiăng mgang klei đăo kơ klei mrâo mrang jăk,

Philip 3:16

Knŏng ti anôk drei truh leh brei drei ăt êbat mđrăm.

Philip 4:2

Kâo kwưh kơ H'Êwôdi leh anăn H'Sintič brei bi mguôp sa ai hlăm Khua Yang.

Hêbrơ 13:5

Đăm khăp kơ prăk ôh; leh anăn dôk mơak bĕ hŏng mnơ̆ng diih mâo leh; kyuadah Aê Diê lač leh, “Kâo amâo srăng lui ih amâodah hngah kơ ih ôh.”

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

I Y-Pêtrôs 5:3

amâo djŏ ôh kiă kriê hŏng klei ktư̆ juă phung Aê Diê jao leh kơ diih, ƀiădah brei diih jing klei bi hmô kơ phung biăp.

III Y-Yôhan 1:9

Kâo čih leh hră kơ Phung Sang Aê Diê, ƀiădah Y-Diôtrep, pô khăp jing khua, amâo jum hmei ôh.