Hră Y-Pôl Mơĭt kơ Phung Rôm 12:13 - Klei Aê Diê Blŭ 2015

¹³ Brei kơ phung doh jăk mnơ̆ng diñu kƀah, brei diih thâo jum tue.

Hră Y-Pôl Mơĭt kơ Phung Rôm 12:13 Iomraidhean Croise

II Y-Samuel 17:29

êa hnuê, êa ksâo êmô klŏ, lu biăp, leh anăn ƀêñ êa ksâo êmô kơ Y-Đawit leh anăn kơ phung ƀuôn sang mbĭt hŏng ñu ƀơ̆ng huă. Kyuadah diñu lač, “Phung kahan êpa, êmăn, leh anăn mhao hlăm kdrăn tač.”

II Bruă Mtao 4:10

Brei drei ngă sa boh adŭ điêt ti dlông mâo mtih, leh anăn dưm tinăn sa boh jhưng pĭt pioh kơ ñu, sa boh jhưng huă, sa mdhô̆ knang, leh anăn sa boh pui kđen. Snăn grăp blư̆ ñu truh kơ drei, ñu dưi mŭt dôk tinăn.”

Klei Mmuñ Hđăp 41:1

Jăk mơak yơh pô uêñ kơ phung ƀun ƀin! Ti hruê rŭng răng Yêhôwa srăng bi mtlaih diñu.

Klei Bi Hriêng 31:20

Ñu brei mnơ̆ng pap kơ phung knap mñai, leh anăn ñu yơr brei mơh kơ phung ƀun ƀin.

Y-Mathiơ 25:35

Kyuadah Kâo êpa diih brei mnơ̆ng ƀơ̆ng; Kâo mhao diih brei êa mnăm; Kâo jing mnuih tue diih jum leh Kâo;

Bruă Phung Khua Ƀĭng Kna 10:4

Hŏng klei huĭ snăk ñu dlăng amâo kƀreh ală ôh kơ dĭng buăl jăk leh anăn lač, “Ya klei mâo, Ơ Khua?” Dĭng buăl jăk lač kơ ñu, “Klei ih wah lač leh anăn mnơ̆ng ih brei pap đĭ leh truh kơ Aê Diê, leh anăn Aê Diê hdơr kơ klei anăn.

Bruă Phung Khua Ƀĭng Kna 4:35

dưm ti jơ̆ng phung khua ƀĭng kna. Leh anăn arăng bi mbha kơ grăp čô tui si hnơ̆ng grăp čô yua.

Hră Y-Pôl Mơĭt kơ Phung Rôm 12:8

hlei pô thâo bi mđĭ ai, brei ñu bi mđĭ ai arăng; hlei pô bi čŭng, brei ñu bi čŭng hŏng klei kmah; hlei pô jing khua kiă kriê, brei ñu hur har kiă bi jăk; hlei pô ngă bruă klei pap, brei ñu ngă hŏng klei hơ̆k mơak.

I Kôrantô 16:15

Ơ phung ayŏng adei, diih thâo leh kơ sang Y-Sêphanas jing boh hlâo hlang hlăm čar Akai, leh anăn diñu jao diñu pô čiăng mă bruă đru phung doh jăk.

II Kôrantô 9:1

Ară anei amâo yuôm ôh kơ kâo čih kơ diih djŏ kơ klei myơr mnơ̆ng đru kơ phung doh jăk.

II Kôrantô 9:12

Kyuadah bruă diih ngă anei amâo djŏ knŏng bi djăp klei kƀah phung doh jăk ôh, ƀiădah msĕ mơh srăng bi truh klei bi mni kơ Aê Diê lu êbeh.

Galati 6:10

Snăn êjai hruê găl, brei drei ngă jăk kơ jih jang mnuih, boh nik nak kơ phung ayŏng adei hlăm klei đăo.

I Y-Timôthê 3:2

Brei khua pô mtô jing sa čô amâo mâo klei arăng dưi ƀuah ôh, dôk knŏng sa čô mô̆, thâo dôk djŏ hnơ̆ng, thâo piăt, mâo klei arăng mpŭ, thâo jum mnuih, thâo mtô,

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.

Y-Tit 1:8

ƀiădah brei ñu jing mnuih thâo jum arăng, khăp kơ klei ngă jăk, thâo mkhư̆ klei ñu pô čiăng, kpă, doh jăk, thâo dôk djŏ hnơ̆ng.

Y-Tit 3:14

Brei phung đăo tinăn gĭr ngă bruă jăk čiăng dưi đru mtam tơdah mâo klei kƀah jêč, snăn đăm diñu kƀah mboh klei thâo đru.

Y-Philêmôn 1:7

Sĭt nik, ơ adei kâo, kâo mâo lu klei mơak leh anăn klei bi juh mơ̆ng klei ih khăp, kyuadah ai tiê phung doh jăk mâo klei bi mđĭ ai kyua ih.

Hêbrơ 13:16

Đăm wơr bĭt ôh ngă klei jăk leh anăn bi mbha mnơ̆ng diih mâo kơ phung mkăn, kyuadah klei ngă yang msĕ snăn bi mơak kơ Aê Diê.

Hêbrơ 13:2

Đăm wơr bĭt ôh jum phung tue, kyuadah êjai ngă klei anăn mâo đa đa jum leh phung dĭng buăl jăk, amâo thâo kral digơ̆ ôh.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.

I Y-Pêtrôs 4:9

Bi jum bĕ hdơ̆ng diih amâo blŭ dŭñ dŭñ ôh.

I Y-Yôhan 3:17

Tơdah arăng mâo ngăn dŏ lăn ala anei leh anăn ƀuh ayŏng adei ñu mâo klei kƀah, ƀiădah kđăl ai tiê kơ gơ̆, si klei Aê Diê khăp dưi dôk hlăm ñu lĕ?

III Y-Yôhan 1:5

Ơ pô kâo khăp, ih ngă hŏng klei sĭt suôr đru phung ayŏng adei, wăt kơ phung tue jưh.