Hră Y-Pôl Mơĭt kơ Phung Rôm 12:12 - Klei Aê Diê Blŭ 2015

¹² Hơ̆k mơak bĕ kyua klei diih čang hmăng, brei diih gĭr hlăm klei knap mñai, wah lač nanao.

Hră Y-Pôl Mơĭt kơ Phung Rôm 12:12 Iomraidhean Croise

Klei Mmuñ Hđăp 109:4

Wăt tơdah kâo khăp kơ diñu, wăt êjai kâo wah lač kơ diñu, diñu kčŭt kơ kâo.

Klei Mmuñ Hđăp 37:7

Dôk kriêp ti anăp Yêhôwa, leh anăn čang guôn kơ Ñu; đăm rŭng răng ôh kyua sa čô dưi hlăm klei ñu ngă, kyua pô dưi ngă klei jhat ñu čiăng.

Klei Mmuñ Hđăp 40:1

Kâo gĭr leh čang guôn kơ Yêhôwa; leh anăn Ñu mđing knga hmư̆ leh klei kâo kwưh akâo.

Klei Mmuñ Hđăp 62:8

Ơ phung ƀuôn sang, knang bĕ kơ Ñu nanao; hưn jih ai tiê kơ Ñu. Aê Diê jing anôk drei đuĕ dăp. (Sêla)

Klei Bi Hriêng 10:28

Klei phung kpă ênô čang hmăng srăng truh hŏng klei hơ̆k, ƀiădah klei phung ƀai čang guôn amâo srăng truh ôh.

Klei Bi Hriêng 14:32

Mnuih ƀai dlưh kyua klei soh ñu pô ngă, ƀiădah mnuih kpă ênô wăt hlăk ñu djiê ăt mâo anôk đuĕ dăp.

Y-Mathiơ 5:12

Hơ̆k mơak bĕ, kyuadah klei mưn diih jing prŏng hlăm adiê, kyuadah arăng ngă jhat msĕ mơh kơ phung khua pô hưn êlâo, êlâo kơ diih.”

Y-Luk 10:20

Đăm hơ̆k ôh kyua phung yang jhat gưt kơ diih, ƀiădah hơ̆k mơak bĕ kyua anăn diih arăng čih leh hlăm adiê.”

Y-Luk 21:19

Hŏng klei gĭr diih srăng bi mtlaih mngăt diih.”

Y-Luk 8:15

Bi mjeh lĕ hlăm lăn jăk, jing phung hmư̆ klei blŭ, djă pioh klei blŭ anăn hlăm ai tiê ênuah leh anăn jăk, leh anăn mboh hŏng klei gĭr.”

Bruă Phung Khua Ƀĭng Kna 1:14

Jih jang phung anăn sa ai dôk wah lač, mbĭt hŏng phung mniê, mbĭt hŏng H'Mari amĭ Yêsu, leh anăn hŏng phung ayŏng adei Yêsu.

Bruă Phung Khua Ƀĭng Kna 12:5

Snăn Y-Pêtrôs tŭ klei krư̆ hlăm war; ƀiădah Phung Sang Aê Diê wah lač kơ gơ̆ hŏng jih ai tiê.

Bruă Phung Khua Ƀĭng Kna 2:42

Diñu gĭr hlăm klei hriăm klei phung khua ƀĭng kna mtô, hlăm klei bi mguôp, hlăm klei kjoh kpŭng, leh anăn hlăm klei wah lač.

Bruă Phung Khua Ƀĭng Kna 6:4

Bi hmei srăng jao hmei pô kơ klei wah lač leh anăn mtô klei Aê Diê blŭ.”

Hră Y-Pôl Mơĭt kơ Phung Rôm 15:13

Akâo kơ Aê Diê, Pô jing klei čang hmăng, bi bŏ diih hŏng jih klei mơak leh anăn klei êđăp ênang hlăm klei đăo, čiăng kơ hŏng klei myang Yang Mngăt Jăk diih dưi mâo klei čang hmăng êbeh dlai.

Hră Y-Pôl Mơĭt kơ Phung Rôm 15:4

Kyuadah jih Klei Aê Diê Blŭ čih leh ênuk êlâo jing klei pioh bi hriăm drei, čiăng kơ drei dưi mâo klei čang hmăng kbiă hriê mơ̆ng klei gĭr leh anăn klei bi juh mơ̆ng Klei Aê Diê Blŭ čih leh.

Hră Y-Pôl Mơĭt kơ Phung Rôm 2:7

Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

Hră Y-Pôl Mơĭt kơ Phung Rôm 8:25

Ƀiădah tơdah drei čang hmăng kơ mnơ̆ng drei ka ƀuh ôh, drei dôk guôn mnơ̆ng anăn hŏng klei gĭr.

I Kôrantô 13:13

Ară anei tlâo klei ăt dôk: klei đăo, klei čang hmăng, leh anăn klei khăp; ƀiădah hlăm tlâo klei anei klei khăp jing prŏng hĭn.

II Kôrantô 12:8

Tlâo blư̆ kâo kwưh kơ Khua Yang mă mđuĕ klei anăn mơ̆ng kâo;

Philip 3:1

Ti knhal tuč hră anei, kâo mtă kơ diih, Ơ phung ayŏng adei, mơak bĕ hlăm Khua Yang. Amâo jing klei ktrŏ ôh kơ kâo lŏ čih klei msĕ kơ diih, leh anăn klei anăn srăng mgang diih.

Philip 4:4

Mơak bĕ nanao hlăm Khua Yang. Kâo lŏ mñă mơh, mơak bĕ.

Kôlôs 1:11

Brei Aê Diê bi ktang diih hŏng jih klei myang, tui si klei myang guh kơang Ñu, čiăng kơ diih dưi mâo klei gĭr tŭ jih klei knap mñai hŏng klei hơ̆k mơak,

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

Kôlôs 4:12

Y-Êpapras, jing sa čô mơ̆ng phung diih pô, sa čô dĭng buăl Krist Yêsu, mơĭt klei čhưn kơ diih. Ñu hur har hdơr wah lač kơ diih nanao, čiăng kơ diih jing khua leh anăn thâo sĭt nik jih jang klei Aê Diê čiăng.

Kôlôs 4:2

Gĭr bĕ diih hlăm klei wah lač, dôk răng kơ klei anăn leh anăn bi mni kơ Aê Diê.

I Têsalônik 1:3

Hmei hdơr ti anăp Aê Diê Ama drei kơ bruă diih ngă hŏng klei đăo, kơ bruă suăi diih ngă hŏng klei khăp, leh anăn klei diih dôk kjăp hlăm klei čang hmăng hlăm Khua Yang drei Yêsu Krist.

I Têsalônik 5:8

Ƀiădah kyuadah drei jing phung anak hruê, brei drei dôk êngal, hơô ao msei klei đăo leh anăn klei khăp, đua đuôn msei klei čang hmăng kơ klei bi mtlaih.

II Têsalônik 1:4

Kyuanăn hmei bi mni kơ hmei pô kyua diih hlăm Phung Sang Aê Diê mkăn, kyua klei diih dôk kjăp leh anăn klei diih đăo hlăm jih klei arăng ngă jhat kơ diih leh anăn klei knap mñai diih dôk tŭ.

II Têsalônik 3:5

Akâo kơ Khua Yang atăt gai ai tiê diih kơ klei Aê Diê khăp leh anăn klei Krist gĭr.

I Y-Timôthê 6:11

Ƀiădah bi ih, ơ mnuih Aê Diê, đuĕ mơ̆ng jih klei anăn; leh anăn tui duah klei kpă ênô, klei mpŭ kơ Aê Diê, klei đăo, klei khăp, klei gĭr, klei êdu êun.

II Y-Timôthê 3:10

Ih tui hlue leh klei kâo mtô, klei kâo dôk dơ̆ng ƀơ̆ng huă, klei kâo tui duah hlăm klei hdĭp anei, klei kâo đăo, klei kâo gĭr, klei kâo khăp, klei kâo dôk kjăp,

Y-Tit 2:13

êjai dôk guôn klei drei čang hmăng jăk mơak, klei bi êdah klei guh kơang Aê Diê prŏng leh anăn Pô Bi Mtlaih drei, Yêsu Krist.

Y-Tit 3:7

čiăng kơ drei dưi mâo klei yap kpă hŏng klei Ñu pap, leh anăn jing phung dưn ngăn hlăm klei čang hmăng kơ klei hdĭp hlŏng lar.

Hêbrơ 10:32

Ƀiădah brei diih hdơr kơ ênuk êlâo, tơdah leh diih mâo klei mngač, diih tŭ leh klei bi blah ti krah klei knap mñai.

Hêbrơ 10:36

Kyuadah yuôm kơ diih mâo klei gĭr, čiăng kơ tơdah diih ngă leh klei Aê Diê čiăng, srăng mă tŭ klei Ñu ƀuăn leh.

Hêbrơ 12:1

Snăn kyuadah drei mâo lu phung hưn bi sĭt dôk jŭm drei msĕ si knam, brei drei msĕ mơh lưh hĕ jih mnơ̆ng bi ktrŏ leh anăn klei soh drei čiăng djă pioh, leh anăn brei drei êran hŏng klei gĭr hlăm klei êran arăng pŏk leh kơ drei,

Hêbrơ 3:6

Ƀiădah Krist dôk sĭt suôr msĕ si sa čô anak êkei kiă sang Aê Diê. Drei jing sang Ñu tơdah drei djă pioh kjăp klei knang leh anăn klei jhŏng hlăm klei drei čang hmăng.

Hêbrơ 5:7

Êjai Ñu dôk hdĭp hlăm asei mlei, Yêsu wah lač leh anăn kwưh hŏng klei ur ktang leh anăn hŏng êa ală kơ Pô dưi bi mtlaih Ñu mơ̆ng klei djiê; leh anăn Aê Diê hmư̆ Ñu leh kyua Ñu huĭ mpŭ kơ Aê Diê.

Hêbrơ 6:12

Snăn đăm diih jing êgah ôh, ƀiădah jing phung tui phung dưn klei ƀuăn hŏng klei đăo leh anăn hŏng klei gĭr.

Hêbrơ 6:15

Snăn leh ñu gĭr, Y-Abraham ƀuh klei Aê Diê ƀuăn truh.

Y-Yakơ 5:7

Snăn Ơ phung ayŏng adei, brei diih gĭr tơl Khua Yang lŏ hriê. Nĕ anei, pô ngă hma dôk guôn čiăng mâo boh yuôm mơ̆ng lăn, gĭr dôk guôn tơl mâo êa hjan lĕ rah leh anăn êa hjan knhal êdei.

I Y-Pêtrôs 4:13

Ƀiădah hơ̆k mơak bĕ kyuadah diih tŭ mbĭt klei knap mñai Krist, čiăng kơ diih dưi dôk hơ̆k mơak msĕ mơh ti hruê klei guh kơang Ñu srăng bi êdah.

I Y-Pêtrôs 4:7

Klei knhal tuč kơ jih jang mnơ̆ng giăm truh leh. Kyuanăn brei diih jing djŏ hnơ̆ng leh anăn thâo răng kơ klei wah lač.

II Y-Pêtrôs 1:6

klei djŏ hnơ̆ng kơ klei thâo săng, klei dôk kjăp kơ klei djŏ hnơ̆ng, klei thâo mpŭ kơ Aê Diê kơ klei dôk kjăp,

Klei Bi Êdah 13:10

Hlei pô čuăn leh jing mnă, ñu srăng nao kơ anôk jing mnă; hlei pô čuăn leh tŭ klei bi mdjiê hŏng đao gưm, srăng tŭ klei bi mdjiê hŏng đao gưm. Tinei jing klei gĭr leh anăn klei đăo kơ phung doh jăk.