Hră Y-Pôl Mơĭt kơ Phung Rôm 12:11 - Klei Aê Diê Blŭ 2015

¹¹ Brei diih hur har, đăm alah ôh. Brei diih mă bruă kơ Khua Yang hŏng jih ai tiê.

Hră Y-Pôl Mơĭt kơ Phung Rôm 12:11 Iomraidhean Croise

Klei Kbiă 5:17

Ƀiădah mtao lač, “Diih alah! Diih alah yơh! Snăn diih lač, ‘Brei drei nao myơr mnơ̆ng ngă yang kơ Yêhôwa!’

Klei Bi Hriêng 10:26

Msĕ si êa msăm ngă kơ êgei leh anăn săp pui ngă kơ ală, msĕ snăn mnuih alah jing kơ pô tiŏ nao ñu.

Klei Bi Hriêng 13:4

Mnuih alah mâo klei tluh ƀiădah amâo mâo mnơ̆ng ôh, ƀiădah phung mnuih kriăng mâo djăp mta mnơ̆ng.

Klei Bi Hriêng 18:9

Hlei pô alah hlăm bruă ñu jing ayŏng adei hŏng pô bi rai.

Klei Bi Hriêng 22:29

Ih ƀuh mơ̆ sa čô mnuih mbruă? Ñu srăng dôk ti anăp phung mtao, ñu amâo srăng dôk ôh ti anăp phung ƀuôn sang.

Klei Bi Hriêng 31:15

Ñu kgŭ pĭt êjai adiê ăt dôk mmăt, leh anăn brei mnơ̆ng ƀơ̆ng huă kơ phung hlăm sang ñu, leh anăn bi mbha mnơ̆ng ƀơ̆ng huă kơ phung dĭng buăl mniê ñu.

Khua Pô Mtô 9:10

Ya klei kngan ih ngă, ngă bĕ klei anăn hŏng jih klei ktang ih, kyuadah amâo mâo ôh bruă amâodah klei mĭn amâodah klei thâo săng amâodah klei thâo mĭn hlăm Ƀuôn Phung Djiê, kơ anôk anăn ih srăng nao.

Y-Êsai 56:10

Phung mnuih Yêhôwa yua gak jing bum ală, jih jang diñu amâo mâo klei thâo săng ôh, jih jang diñu jing asâo kmlô, amâo dưi groh ôh; diñu đih, diñu êpei, diñu khăp pĭt,

Y-Mathiơ 24:12

Leh anăn kyuadah klei jhat ƀai jing lar, klei khăp hlăm lu mnuih srăng jing êăt.

Y-Mathiơ 25:26

Khua ñu lŏ wĭt lač kơ ñu, ‘Ơ dĭng buăl ƀai leh anăn alah! Ih thâo leh kâo wiă hlăm anôk kâo amâo tuôm pla, leh anăn duñ hlăm anôk kâo amâo tuôm rah,

Bruă Phung Khua Ƀĭng Kna 18:25

Ñu hriăm leh Êlan Khua Yang. Hŏng klei hur har ñu blŭ leh anăn mtô bi djŏ klei Yêsu, ƀiădah ñu thâo knŏng klei ƀaptem Y-Yôhan ngă.

Bruă Phung Khua Ƀĭng Kna 20:19

Kâo mă bruă kơ Khua Yang hŏng jih klei luă gŭ, hŏng klei hia, êjai lu klei lông dlăng truh kơ kâo mơ̆ng klei phung Yuđa trông čhai čiăng ngă jhat kơ kâo.

I Kôrantô 7:22

Kyuadah hlei pô jing hlŭn hlăk Khua Yang iêô ñu jing pô Khua Yang bi êngiê leh. Msĕ mơh, pô êngiê hlăk Khua Yang iêô ñu, jing hlŭn kơ Krist.

Êphêsô 4:28

Phung khăng tlĕ, đăm lŏ tlĕ ôh; ƀiădah brei ñu mă bruă kpă ênô hŏng kngan ñu pô, čiăng kơ ñu dưi brei mnơ̆ng kơ pô kƀah.

Kôlôs 4:1

Ơ phung khua, ngă klei kpă leh anăn klei djŏ kơ phung hlŭn diih, kyuadah diih thâo leh diih msĕ mơh mâo sa čô Khua hlăm adiê.

I Y-Timôthê 5:13

Êbeh kơ anăn, diñu hriăm dôk hơăi mang, hiu sang anei sang adih, leh anăn amâo djŏ knŏng diñu dôk mang ôh, ƀiădah jing phung djưč leh anăn hiu yăl dliê kơ bruă arăng, blŭ klei amâo năng blŭ ôh.

Hêbrơ 12:28

Kyua anăn brei drei hdơr knga kyua drei mă tŭ leh ƀuôn ala mtao arăng amâo dưi êyuh ôh. Snăn brei drei myơr kơ Aê Diê klei kkuh mpŭ bi mơak kơ Ñu hŏng klei mpŭ leh anăn klei huĭ.

Y-Yakơ 5:16

Kyua anăn bi hưn bĕ klei soh hdơ̆ng diih, leh anăn đru wah lač hdơ̆ng diih, čiăng kơ diih dưi hlao. Klei sa čô mnuih kpă wah lač mâo klei myang leh anăn klei dưi.

I Y-Pêtrôs 1:22

Diih bi doh leh mngăt diih hŏng klei gưt asăp kơ klei sĭt nik, čiăng mâo klei khăp sĭt suôr kơ phung ayŏng amai adei. Snăn brei diih bi khăp hdơ̆ng diih hŏng jih ai tiê.

I Y-Pêtrôs 4:8

Êgao hĭn kơ jih jang, brei diih bi khăp hdơ̆ng diih nanao, kyuadah klei khăp guôm lu klei soh.

Klei Bi Êdah 2:4

Ƀiădah anei klei Kâo mâo hŏng ih, ih lui leh klei khăp ih mâo tal êlâo.