Hră Y-Pôl Mơĭt kơ Phung Rôm 12:1 - Klei Aê Diê Blŭ 2015

¹ Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 12:1 Iomraidhean Croise

Klei Mmuñ Hđăp 116:12

Ya dŏ kâo srăng bi wĭt kơ Yêhôwa, kyua jih klei jăk Ñu ngă leh kơ kâo?

Klei Mmuñ Hđăp 19:14

Brei boh blŭ mơ̆ng ƀăng êgei kâo leh anăn klei mĭn mơ̆ng ai tiê kâo jing năng kơ Ih tŭ, Ơ Yêhôwa, Boh Tâo kâo leh anăn Pô Bi Tui kâo.

Y-Êsai 56:7

diñu yơh Kâo srăng atăt ba kơ čư̆ doh jăk Kâo, leh anăn brei diñu hơ̆k mơak hlăm sang Kâo wah lač. Mnơ̆ng diñu čuh leh anăn mnơ̆ng diñu ngă yang Kâo srăng tŭ ti dlông knưl Kâo; kyuadah sang kâo arăng srăng pia sang wah lač pioh kơ jih jang phung găp djuê mnuih.”

Y-Yêrêmi 6:20

Ya tŭ dưn kơ Kâo klei diñu čuh êa ƀâo mngưi mơ̆ng čar Sêba, amâodah mnơ̆ng ƀâo mngưi mơ̆ng čar kbưi? Dŏ diih myơr mnơ̆ng čuh Kâo amâo tŭ ôh, mnơ̆ng diih ngă yang kăn bi mơak kơ Kâo rei.”

Y-Ôsê 14:2

Wah lač bĕ ti anăp Yêhôwa, leh anăn lŏ wĭt kơ Ñu bĕ. Lač kơ Ñu: “Mă hĕ jih klei wê, mă tŭ hmei hŏng klei Ih pap, čiăng kơ hmei dưi myơr boh mơ̆ng ƀăng kƀông hmei.

Klei Yap 7:21

sa drei êmô knô dam, sa drei biăp knô, sa drei êđai biăp knô mâo sa thŭn jing mnơ̆ng myơr čuh;

Y-Luk 7:47

Kyuanăn Kâo hưn kơ ih, klei soh gơ̆ lu mâo klei pap brei leh, kyuanăn gơ̆ khăp lu. Ƀiădah pô mâo klei pap ƀiă khăp ƀiă.”

Hră Y-Pôl Mơĭt kơ Phung Rôm 12:2

Đăm jing msĕ si phung ênuk anei ôh, ƀiădah brei Aê Diê bi mlih klei hdĭp diih hŏng klei Ñu lŏ bi mrâo klei mĭn diih, čiăng kơ diih dưi thâo ya jing klei Aê Diê čiăng jăk, mơak, leh anăn klă.

Hră Y-Pôl Mơĭt kơ Phung Rôm 15:16

čiăng mjing kâo dĭng buăl Krist Yêsu kơ phung tue, jing khua ngă yang hlăm bruă hưn klei mrâo mrang jăk Aê Diê, čiăng kơ phung tue jing sa mnơ̆ng myơr Aê Diê tŭ, leh Yang Mngăt Jăk bi doh jăk diñu.

Hră Y-Pôl Mơĭt kơ Phung Rôm 15:30

Ơ phung ayŏng adei, hŏng Khua Yang drei Yêsu Krist leh anăn hŏng klei khăp mơ̆ng Yang Mngăt Jăk, kâo kwưh kơ diih đru bi blah mbĭt hŏng kâo hŏng klei diih wah lač kơ Aê Diê kyua kâo,

Hră Y-Pôl Mơĭt kơ Phung Rôm 2:4

Amâodah ih amâo uêñ hĕ kơ Aê Diê mdrŏng hŏng klei jăk, klei thâo pap, leh anăn klei gĭr? Ih amâo thâo hĕ klei jăk Aê Diê čiăng atăt ih kơ klei kmhal kơ klei soh?

Hră Y-Pôl Mơĭt kơ Phung Rôm 6:13

Đăm jao jơ̆ng kngan diih kơ klei soh jing mnơ̆ng klei wê yua ôh, ƀiădah jao bĕ diih pô kơ Aê Diê jing msĕ si phung mnuih kbiă lŏ hdĭp leh mơ̆ng phung djiê, leh anăn jao jơ̆ng kngan diih kơ Aê Diê jing mnơ̆ng klei kpă ênô yua.

Hră Y-Pôl Mơĭt kơ Phung Rôm 6:16

Hơăi, amâo djŏ snăn ôh! Diih amâo thâo hĕ tơdah diih jao diih pô čiăng gưt asăp kơ sa čô mnuih, snăn diih jing hlŭn kơ pô diih gưt yơh, thâodah kơ klei soh atăt kơ klei djiê, amâodah kơ klei gưt asăp atăt kơ klei kpă ênô?

Hră Y-Pôl Mơĭt kơ Phung Rôm 6:19

Kâo blŭ msĕ si mnuih kyuadah klei thâo săng diih điêt. Msĕ si hlăk êlâo diih jao leh jơ̆ng kngan diih kơ klei čhŏ leh anăn klei soh čiăng ngă soh lu hĭn nanao, snăn yơh ară anei jao bĕ jơ̆ng kngan diih kơ klei kpă ênô čiăng mâo klei doh jăk.

Hră Y-Pôl Mơĭt kơ Phung Rôm 9:23

čiăng bi êdah klei mdrŏng klei guh kơang Ñu pioh kơ lu boh čeh Ñu pap, mmai leh mơ̆ng êlâo pioh kơ klei guh kơang?

I Kôrantô 1:10

Ơ phung ayŏng adei, kâo kwưh kơ diih hŏng anăn Khua Yang drei Yêsu Krist, brei jih jang diih blŭ klei msĕ, leh anăn đăm mâo klei bi kah mbha ôh hdơ̆ng diih, ƀiădah brei mâo klei bi mguôp hlăm sa klei mĭn leh anăn sa ai.

II Kôrantô 10:1

Kâo gơ̆ Y-Pôl kwưh kơ diih hŏng klei êdu êun leh anăn klei jăk Krist — kâo gơ̆ pô êdu êun tơdah kâo dôk mbĭt hŏng diih, ƀiădah khăng tơdah kâo êkŭt mơ̆ng diih.

II Kôrantô 4:1

Snăn kyuadah hmei mâo bruă anei tui si klei Aê Diê pap, hmei amâo êdu ai ôh.

II Kôrantô 4:16

Kyuanăn hmei amâo êdu ai ôh. Wăt tơdah asei mlei hmei dôk rai ƀrư̆ ƀrư̆, knuih hlăm lam hmei arăng lŏ bi mrâo grăp hruê.

II Kôrantô 5:20

Snăn hmei jing dĭng ktang kơ Krist, msĕ si Aê Diê yua hmei kwưh kơ arăng. Hmei kwưh kơ diih hlăm anăn Krist, brei diih lŏ bi grăng bĕ hŏng Aê Diê.

II Kôrantô 6:1

Snăn êjai hmei mă bruă mbĭt hŏng Aê Diê, hmei kwưh kơ diih đăm mă tŭ klei Aê Diê pap jing hơăi mang ôh.

Êphêsô 4:1

Snăn kâo gơ̆, sa čô jing mnă kyua Khua Yang, kwưh kơ diih dôk dơ̆ng ƀơ̆ng huă năng hŏng klei Aê Diê iêô diih leh,

Êphêsô 5:10

Duah bĕ ya klei bi mơak kơ Khua Yang.

Klei Mtô Mñă Klei Bhiăn 14:2

Kyuadah diih jing sa phung ƀuôn sang doh jăk kơ Yêhôwa Aê Diê diih, leh anăn Yêhôwa ruah leh ih brei jing sa phung ƀuôn sang jing dŏ Ñu pô kbiă mơ̆ng jih jang phung ƀuôn sang dôk ti dlông rŏng lăn ala.”

Philip 1:20

tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

Philip 2:17

Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.

I Têsalônik 4:1

Ơ phung ayŏng adei, ti knhal tuč hră anei, hmei kwưh leh anăn mtrŭt diih hlăm Khua Yang Yêsu, msĕ si diih hriăm leh mơ̆ng hmei si klei djŏ diih dôk hdĭp leh anăn bi mơak kơ Aê Diê, msĕ si diih dôk ngă, brei diih ngă snăn kdlưn hĭn.

I Têsalônik 4:10

Leh anăn sĭt nik diih khăp kơ jih jang phung ayŏng adei hlăm čar Masêdôn. Ƀiădah Ơ phung ayŏng adei, hmei mtrŭt diih brei diih bi khăp lu hĭn nanao,

I Têsalônik 5:12

Ƀiădah Ơ phung ayŏng adei, hmei kwưh kơ diih, brei diih mpŭ kơ phung mă bruă suăi ti krah diih, jing phung kiă kriê diih hlăm Khua Yang leh anăn mđĭ ai diih.

I Y-Timôthê 2:3

Klei anăn jăk leh anăn bi mơak kơ Aê Diê, Pô Bi Mtlaih drei.

I Y-Timôthê 5:4

Tơdah sa čô mniê djiê ung mâo anak amâodah čô, brei digơ̆ hriăm êlâo hĭn thâo ngă klei mpŭ kơ găp djuê diñu pô, leh anăn thâo hdơr knga kơ amĭ ama diñu. Kyuadah klei anăn bi mơak kơ Aê Diê.

Y-Philêmôn 1:10

kâo kwưh kơ ih kyua anak kâo, Y-Ônêsim, pô kâo kkiêng leh êjai arăng krư̆ kâo.

Y-Philêmôn 1:9

ƀiădah kyua klei khăp kâo čiăng kwưh kơ ih — kâo gơ̆ Y-Pôl, sa čô khua mduôn leh anăn ară anei sa čô mnă kyua Krist Yêsu —

Hêbrơ 13:22

Ơ phung ayŏng adei, kâo kwưh kơ diih, tŭ bĕ klei kâo blŭ mtrŭt diih, kyuadah kâo čih kơ diih hŏng klei klah čŭn.

I Y-Pêtrôs 2:20

Kyuadah ya klei yuôm tơdah diih gĭr tŭ klei arăng čăm kyua diih ngă soh? Ƀiădah tơdah diih ngă klei jăk, leh anăn gĭr tŭ klei knap mñai kyua klei anăn, Aê Diê srăng tŭ diih.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.