Hră Y-Pôl Mơĭt kơ Phung Rôm 11:8 - Klei Aê Diê Blŭ 2015

⁸ tui si Klei Aê Diê Blŭ čih leh, “Aê Diê brei leh kơ diñu ai mĭn mmăt, ală amâo thâo ƀuh leh anăn knga amâo thâo hmư̆ ôh, truh kơ hruê anei.”

Hră Y-Pôl Mơĭt kơ Phung Rôm 11:8 Iomraidhean Croise

II Bruă Mtao 17:34

Hlŏng kơ hruê anei diñu ăt ngă tui si klei bhiăn êlâo anăn. Diñu amâo huĭ mpŭ kơ Yêhôwa ôh, leh anăn diñu amâo tui hlue klei čih, amâodah klei mtrŭn, amâodah klei bhiăn, amâodah klei mtă Yêhôwa mtă leh kơ phung anak Y-Yakôp, Pô ñu bi anăn leh Y-Israel.

II Bruă Mtao 17:41

Snăn phung găp djuê anei huĭ mpŭ kơ Yêhôwa, leh anăn msĕ mơh diñu mă bruă kơ rup yang diñu krah; phung anak diñu leh anăn phung čô diñu ngă msĕ mơh. Snăn mơh diñu ngă truh kơ hruê anei tui si phung aê diñu ngă leh.

Y-Êsai 29:10

Kyuadah Yêhôwa bi truh leh kơ diih klei pĭt snăk; Ñu bi pĭt leh ală diih, ală diih si tô hmô phung khua pô hưn êlâo, Ñu guôm leh boh kŏ diih, boh kŏ si tô hmô phung mâo klei bi ƀuh.

Y-Êsai 6:9

Ñu lač, “Nao bĕ, lač kơ phung ƀuôn sang anei: ‘Hmư̆ bĕ diih, ƀiădah amâo thâo săng ôh; dlăng bĕ diih, ƀiădah amâo thâo ƀuh ôh.’

Y-Yêrêmi 5:21

Hmư̆ bĕ klei anei, Ơ phung ƀuôn sang mluk leh anăn amâo mâo klei thâo săng ôh, phung mâo ală ƀiădah amâo thâo ƀuh ôh, phung mâo knga ƀiădah amâo thâo hmư̆ ôh.”

Y-Êsêkiêl 12:2

“Ơ anak mnuih, ih dôk ti krah sa phung ƀuôn sang khăng bi kdơ̆ng, phung mâo ală dưi ƀuh ƀiădah amâo ƀuh ôh, phung mâo knga dưi hmư̆ ƀiădah amâo hmư̆ ôh; kyuadah diñu jing sa boh sang khăng bi kdơ̆ng.

Y-Êsêkiêl 20:26

leh anăn Kâo brei diñu jing čhŏ leh hŏng mnơ̆ng diñu myơr — diñu myơr čuh jih jang phung anak diñu kkiêng tal êlâo — čiăng kơ Kâo dưi bi huĭ diñu, čiăng kơ diñu dưi thâo kơ Kâo jing Yêhôwa.

Y-Luk 8:10

Ñu lač, “Aê Diê brei kơ diih dưi thâo săng klei yuôm hgăm kơ ƀuôn ala mtao Aê Diê; ƀiădah kơ phung mkăn Kâo blŭ kơ diñu hŏng klei bi hriêng, čiăng kơ êjai diñu dlăng diñu amâo dưi ƀuh ôh, leh anăn êjai diñu hmư̆ diñu amâo dưi thâo săng ôh.”

Bruă Phung Khua Ƀĭng Kna 28:26

‘Nao bĕ kơ phung ƀuôn sang anei leh anăn lač, “Sĭt nik diih srăng hmư̆, ƀiădah amâo thâo săng ôh; leh anăn sĭt nik diih srăng dlăng, ƀiădah amâo thâo kral ôh.

Klei Mtô Mñă Klei Bhiăn 29:4

Ƀiădah truh kơ hruê anei Yêhôwa amâo tuôm brei ôh kơ diih klei mĭn thâo săng, ală thâo ƀuh, amâodah knga thâo hmư̆.