Hră Y-Pôl Mơĭt kơ Phung Rôm 11:6 - Klei Aê Diê Blŭ 2015

⁶ Ƀiădah tơdah klei ruah anăn jing tui si klei pap, klei ruah anăn amâo djŏ tui si bruă ngă ôh. Tơdah amâo djŏ snăn, klei pap amâo lŏ jing klei pap ôh.

Hră Y-Pôl Mơĭt kơ Phung Rôm 11:6 Iomraidhean Croise

Y-Luk 6:13

Tơdah yang hruê ƀlĕ, Yêsu iêô phung ƀĭng kna Ñu leh anăn ruah pluh dua čô mơ̆ng phung digơ̆. Kơ phung anăn Ñu pia khua ƀĭng kna:

I Kôrantô 15:10

Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.

Galati 2:21

Kâo amâo yap ôh klei Aê Diê pap jing hơăi mang; kyuadah tơdah arăng dưi mâo klei yap kpă hŏng klei bhiăn, snăn klei Krist djiê jing hơăi mang yơh.

Galati 5:4

Tơdah diih čiăng mâo klei yap kpă hŏng klei bhiăn, diih bi ktlah leh mơ̆ng Krist yơh, diih luč leh klei pap.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Y-Tit 3:5

Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk,