Hră Y-Pôl Mơĭt kơ Phung Rôm 11:4 - Klei Aê Diê Blŭ 2015

⁴ Ƀiădah ya klei Aê Diê lŏ wĭt lač kơ ñu? “Kâo răng pioh leh kơ Kâo pô kjuh êbâo čô êkei amâo tuôm čuôn kơŭt ti anăp yang Baal ôh.”

Hră Y-Pôl Mơĭt kơ Phung Rôm 11:4 Iomraidhean Croise

I Bruă Mtao 16:31

Leh anăn tơdah jing msĕ si sa klei ênưih kơ ñu êbat hlăm klei soh Y-Jêrôbôam anak êkei Y-Nêbat, ñu mă kơ mô̆ H'Jêsêbel, anak mniê Y-Êtbal mtao phung Sidôn, leh anăn nao mă bruă kơ yang Baal, leh anăn kkuh mpŭ kơ yang anăn.

I Bruă Mtao 19:10

Ñu lač, “Kâo mâo leh klei hur har snăk kyua Yêhôwa Aê Diê kơ phung kahan; kyuadah phung ƀuôn sang Israel lui leh klei Ih bi mguôp, bi klưh leh knưl Ih, leh anăn bi mdjiê leh phung khua pô hưn êlâo Ih hŏng đao gưm; leh anăn kâo, knŏng hjăn kâo, ăt dôk, leh anăn diñu duah bi luč klei hdĭp kâo.”

I Bruă Mtao 19:18

Ƀiădah Kâo srăng lui kjuh êbâo čô hlăm čar Israel, jih jang phung amâo tuôm čuôn kơŭt ti anăp yang Baal, leh anăn jih ƀăng êgei amâo tuôm čŭm gơ̆ ôh.”

Y-Êsai 4:3

Leh anăn arăng srăng pia phung adôk hlăm ƀuôn Siôn leh anăn phung adôk hlăm ƀuôn Yêrusalem phung doh jăk, grăp čô hlei pô arăng čih pioh leh kơ klei hdĭp hlăm ƀuôn Yêrusalem.

Y-Yêrêmi 19:5

Leh anăn diñu mdơ̆ng anôk dlông kơ yang Baal čiăng čuh anak êkei diñu hlăm pui jing mnơ̆ng myơr čuh kơ yang Baal, klei anăn Kâo amâo tuôm mtă kăn tuôm hrŭn rei, kăn Kâo tuôm mĭn kơ klei anăn rei.’

Y-Ôsê 13:1

Tơdah Êphraim blŭ, phung mnuih ktư̆ yơ̆ng; ñu bi mđĭ ñu pô hlăm čar Israel. Ƀiădah ñu jing soh leh kyua kkuh mpŭ kơ yang Baal leh anăn djiê.

Y-Ôsê 2:8

Ñu amâo tuôm thâo ôh Kâo yơh brei leh kơ ñu mdiê, kpiê mrâo, leh anăn êa prăi boh ôliwơ anăn, leh anăn Kâo yơh bi lar kơ ñu prăk leh anăn mah diñu yua pioh leh kơ yang Baal.

Y-Sôphôni 1:4

“Kâo srăng yơr kngan Kâo bi kdơ̆ng hŏng phung Yuđa, leh anăn hŏng jih jang phung dôk hlăm ƀuôn Yêrusalem; leh anăn Kâo srăng bi rai mơ̆ng anôk anei phung adôk kkuh mpŭ kơ yang Baal leh anăn phung khua ngă yang kơ rup yang;

Klei Yap 25:3

Snăn Israel bi mguôp hŏng yang Baal-Pêôr. Leh anăn Yêhôwa čuh ai ngêñ kơ Israel.

Klei Mtô Mñă Klei Bhiăn 4:3

Ală diih ƀuh leh ya Yêhôwa ngă leh ti Baal-Pêôr; kyuadah Yêhôwa Aê Diê diih bi rai leh mơ̆ng krah diih jih jang mnuih tui hlue leh Baal-Pêôr.

Phung Khua Phat Kđi 2:13

Diñu lui wir Yêhôwa leh anăn mă bruă kơ phung yang Baal leh anăn kơ yang Astarôt.