Hră Y-Pôl Mơĭt kơ Phung Rôm 11:22 - Klei Aê Diê Blŭ 2015

²² Brei ih thâo săng bĕ klei jăk leh anăn klei khăng Aê Diê: klei khăng kơ phung êbuh leh, ƀiădah klei Aê Diê ngă jăk kơ ih, tơdah ih dôk nanao hlăm klei jăk Ñu. Tơdah amâo djŏ snăn ôh, Ñu srăng khăt ih msĕ mơh.

Hră Y-Pôl Mơĭt kơ Phung Rôm 11:22 Iomraidhean Croise

Klei Mmuñ Hđăp 31:19

Ơ, klei jăk Ih prŏng snăk, pioh leh kơ phung huĭ mpŭ kơ Ih, mkra leh kơ phung đuĕ dăp hlăm Ih, ti anăp phung anak mnuih!

Y-Êsai 66:14

Diih srăng ƀuh klei anăn, leh anăn ai tiê diih srăng hơ̆k mơak, klang diih srăng čăt mda msĕ si rơ̆k; leh anăn arăng srăng thâo kngan Yêhôwa dôk mbĭt hŏng phung dĭng buăl Ñu, ƀiădah klei Ñu ngêñ dôk ngă kơ phung roh Ñu.

Y-Êsêkiêl 18:24

Ƀiădah tơdah sa čô êkei kpă ênô lui klei kpă ênô ñu leh anăn ngă klei wê leh anăn ngă klei jhat Kâo bi êmut kheh msĕ si mnuih soh ngă, ñu srăng dôk hdĭp mơ̆? Kâo amâo srăng hdơr ôh sa mta bruă kpă ñu ngă leh; ñu srăng djiê kyua ñu jing soh leh kyua klei amâo sĭt suôr ñu ngă leh.

Y-Êsêkiêl 3:20

Msĕ mơh, tơdah sa čô mnuih kpă ênô lui klei kpă ênô ñu leh anăn ngă klei wê, leh anăn Kâo dưm sa mnơ̆ng bi têč hnêč ñu, ñu srăng djiê; kyuadah ih amâo tuôm brei ñu răng ôh, ñu srăng djiê kyua klei soh ñu, leh anăn bruă kpă ênô ñu ngă leh Kâo amâo srăng lŏ hdơr ôh; ƀiădah êrah ñu Kâo srăng bi lĕ ti kngan ih.

Y-Luk 8:15

Bi mjeh lĕ hlăm lăn jăk, jing phung hmư̆ klei blŭ, djă pioh klei blŭ anăn hlăm ai tiê ênuah leh anăn jăk, leh anăn mboh hŏng klei gĭr.”

Y-Yôhan 15:2

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.

Y-Yôhan 8:31

Leh anăn Yêsu lač kơ phung Yuđa đăo leh kơ Ñu, “Tơdah diih dôk kjăp hlăm klei Kâo blŭ, diih jing ƀĭng kna Kâo sĭt,

Bruă Phung Khua Ƀĭng Kna 11:23

Tơdah ñu truh leh anăn ƀuh klei Aê Diê pap, ñu mơak; leh anăn ñu mđĭ ai jih jang digơ̆ brei dôk kjăp sĭt suôr hŏng Khua Yang.

Bruă Phung Khua Ƀĭng Kna 14:22

lŏ bi ktang phung ƀĭng kna, mđĭ ai digơ̆ brei dôk kjăp hlăm klei đăo, leh anăn hưn kơ digơ̆ hŏng klei tŭ lu klei knap mñai kơh srăng mŭt hlăm ƀuôn ala mtao Aê Diê.

Hră Y-Pôl Mơĭt kơ Phung Rôm 11:21

Kyuadah tơdah Aê Diê amâo hơưi kơ adhan gơ̆ pô, kăn Ñu srăng hơưi kơ ih rei.

Hră Y-Pôl Mơĭt kơ Phung Rôm 2:7

Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

I Kôrantô 15:2

Hŏng klei anăn diih tlaih tơdah diih djă pioh kjăp klei mrâo mrang jăk kâo mtô anăn — tơdah amâo djŏ snăn klei diih đăo jing hơăi mang.

Galati 6:9

Đăm brei drei jing êmăn ôh hlăm klei ngă jăk, kyuadah tơdah drei amâo êdu ai ôh drei srăng wiă tơdah truh djŏ yan.

I Têsalônik 3:5

Kyuanăn, tơdah kâo amâo dưi lŏ gĭr sui ôh, kâo tiŏ nao Y-Timôthê čiăng bi thâo si klei đăo diih, huĭdah pô mplư mplư diih leh, leh anăn bruă hmei ngă leh srăng jing hơăi mang.

I Têsalônik 3:8

Kyuadah ară anei hmei ăt dôk hdĭp, kyua klei diih dôk kjăp hlăm Khua Yang.

Hêbrơ 10:23

Brei drei djă pioh kjăp klei hưn kơ klei drei čang hmăng, amâo đing ôh, kyuadah Pô ƀuăn leh jing sĭt suôr.

Hêbrơ 3:14

Kyuadah drei mâo kdrêč mbĭt hŏng Krist knŏng tơdah drei dôk kjăp hlăm klei drei knang êlâo tơl knhal tuč,

Hêbrơ 3:6

Ƀiădah Krist dôk sĭt suôr msĕ si sa čô anak êkei kiă sang Aê Diê. Drei jing sang Ñu tơdah drei djă pioh kjăp klei knang leh anăn klei jhŏng hlăm klei drei čang hmăng.

I Y-Yôhan 2:19

Diñu kbiă leh mơ̆ng ti krah phung drei, ƀiădah diñu amâo jing phung drei ôh; kyuadah tơdah diñu jing phung drei, diñu ăt srăng dôk mbĭt hŏng drei. Ƀiădah diñu kbiă leh mơ̆ng drei, čiăng bi êdah klă kơ jih jang diñu amâo jing phung drei ôh.

Klei Bi Êdah 2:5

Snăn hdơr bĕ mơ̆ng anôk ih lĕ buh leh, kmhal bĕ, leh anăn lŏ ngă bruă ih ngă tal êlâo. Tơdah ih amâo ngă snăn ôh, Kâo srăng hriê kơ ih leh anăn tơdah ih amâo kmhal ôh Kâo srăng mă hĕ jơ̆ng diăn ih mơ̆ng anôk gơ̆.