Hră Y-Pôl Mơĭt kơ Phung Rôm 11:21 - Klei Aê Diê Blŭ 2015

²¹ Kyuadah tơdah Aê Diê amâo hơưi kơ adhan gơ̆ pô, kăn Ñu srăng hơưi kơ ih rei.

Hră Y-Pôl Mơĭt kơ Phung Rôm 11:21 Iomraidhean Croise

Y-Yêrêmi 25:29

Kyuadah nĕ anei, Kâo dơ̆ng bi truh klei jhat kơ ƀuôn prŏng arăng pia hŏng Anăn Kâo, leh anăn ih srăng tlaih kơ klei bi kmhal mơ̆? Ih amâo srăng tlaih ôh kơ klei bi kmhal, kyuadah Kâo iêô đao gưm ngă kơ jih jang phung dôk ti lăn ala, Yêhôwa kơ phung kahan lač.’ ”

Y-Yêrêmi 49:12

Kyuadah snei Yêhôwa lač: “Tơdah phung amâo djŏ pioh mnăm kčok, mnăm hĕ, bi ih, ih srăng tlaih mơ̆ng klei bi kmhal mơ̆? Ih amâo srăng tlaih ôh mơ̆ng klei bi kmhal, kyuadah sĭt nik ih srăng mnăm ñu.

Hră Y-Pôl Mơĭt kơ Phung Rôm 11:17

Ƀiădah tơdah arăng khăt leh đa đa adhan, leh anăn tơdah ih, sa ƀĕ adhan ôliwơ dliê, arăng bi mtuôp mƀlir ti anôk arăng khăt digơ̆ leh, čiăng kơ ih dưi mâo ktăk hdĭp ana boh ôliwơ,

Hră Y-Pôl Mơĭt kơ Phung Rôm 11:19

Ih srăng lač, “Arăng khăt leh adhan gơ̆ pô, čiăng dưi bi mtuôp kâo ti anôk anăn.”

Hră Y-Pôl Mơĭt kơ Phung Rôm 11:20

Klei anăn jing sĭt. Arăng khăt hĕ diñu leh kyuadah klei diñu amâo đăo ôh. Ƀiădah ih dôk kjăp knŏng kyua klei ih đăo. Snăn đăm jing mgao ôh, ƀiădah brei ih huĭ.

Hră Y-Pôl Mơĭt kơ Phung Rôm 11:22

Brei ih thâo săng bĕ klei jăk leh anăn klei khăng Aê Diê: klei khăng kơ phung êbuh leh, ƀiădah klei Aê Diê ngă jăk kơ ih, tơdah ih dôk nanao hlăm klei jăk Ñu. Tơdah amâo djŏ snăn ôh, Ñu srăng khăt ih msĕ mơh.

Hră Y-Pôl Mơĭt kơ Phung Rôm 8:32

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

Y-Yut 1:5

Kâo čiăng bi hdơr kơ diih, wăt tơdah diih thâo leh klă jih klei anăn dưn, tơdah leh Khua Yang bi mtlaih sa phung ƀuôn sang mơ̆ng čar Êjip, êdei tinăn Ñu bi rai phung amâo đăo ôh.