Hră Y-Pôl Mơĭt kơ Phung Rôm 11:16 - Klei Aê Diê Blŭ 2015

¹⁶ Tơdah boh hlâo hlang myơr jing doh jăk, snăn jih jang boh jing doh jăk msĕ mơh. Leh anăn tơdah agha myơr jing doh jăk, jih jang adhan jing doh jăk msĕ mơh.

Hră Y-Pôl Mơĭt kơ Phung Rôm 11:16 Iomraidhean Croise

Klei Mphŭn Dơ̆ng 17:7

Kâo srăng bi kjăp klei bi mguôp Kâo hŏng ih leh anăn hŏng phung anak čô ih kơ êdei hlăm jih jang ênuk diñu, jing klei bi mguôp hlŏng lar, čiăng jing Aê Diê kơ ih leh anăn kơ phung anak čô ih kơ êdei.

Klei Kbiă 22:29

Đăm bi hnui ôh myơr boh hlâo hlang mơ̆ng hma ih leh anăn mơ̆ng čeh prŏng. Brei kơ Kâo anak êkei ih kkiêng êlâo hĭn.

Klei Kbiă 23:16

Brei ih hdơr pioh klei knăm Yan Puôt, mâo boh hlâo hlang mơ̆ng bruă ih kơ mnơ̆ng ih buh leh hlăm hma. Brei ih hdơr pioh klei knăm Pioh Êmiêt ti tuč thŭn, tơdah ih hrui mă mơ̆ng hma boh ih mă bruă.

Klei Kbiă 23:19

Brei ih djă ba kơ sang Yêhôwa Aê Diê ih boh jăk hĭn mơ̆ng boh hlâo hlang lăn ih. Đăm tŭk êđai bê hlăm êa ksâo ana gơ̆ ôh.”

Klei Bi Hriêng 3:9

Mpŭ kơ Yêhôwa hŏng mnơ̆ng mơ̆ng klei mdrŏng ih, leh anăn hŏng boh hlâo hlang mơ̆ng bruă ih.

Y-Yêrêmi 2:21

Ƀiădah Kâo pla leh ih jing phŭn boh kriăk ƀâo jăk hĭn, mơ̆ng asăr doh amâo tuôm čhŏ ôh. Snăn si ngă ih bi mlih jing hĕ jhat lĕ leh anăn jing msĕ si phŭn boh kriăk ƀâo dliê?

Y-Êsêkiêl 44:30

Mnơ̆ng jăk hĭn hlăm jih jang boh hlâo hlang mơ̆ng djăp mta mnơ̆ng, leh anăn jih jang mnơ̆ng myơr djăp mta mơ̆ng jih jang mnơ̆ng diih myơr srăng jing dŏ phung khua ngă yang. Brei diih brei mơh kơ phung khua ngă yang boh hlâo hlang kpŭng ƀhĭ diih, čiăng kơ klei jăk jĭn dưi dôk hlăm sang diih.

Bruă Lêwi 23:10

“Lač bĕ kơ phung ƀuôn sang Israel, ‘Tơdah diih mŭt hlăm čar Kâo brei kơ diih, leh anăn diih mâo klei puôt wiă, brei diih djă ba sa čăp mdiê boh hlâo hlang diih kơ khua ngă yang.

Hră Y-Pôl Mơĭt kơ Phung Rôm 11:17

Ƀiădah tơdah arăng khăt leh đa đa adhan, leh anăn tơdah ih, sa ƀĕ adhan ôliwơ dliê, arăng bi mtuôp mƀlir ti anôk arăng khăt digơ̆ leh, čiăng kơ ih dưi mâo ktăk hdĭp ana boh ôliwơ,

Hră Y-Pôl Mơĭt kơ Phung Rôm 8:23

Leh anăn amâo djŏ ôh knŏng hjăn mnơ̆ng hrih leh, ƀiădah wăt drei pô mơh, phung mâo leh boh êlâo hĭn mơ̆ng Yang Mngăt Jăk, ur krao hlăm ai tiê êjai dôk guôn klei Aê Diê brei jing phung anak Ñu, čiăng lač klei bi tui kơ asei mlei drei.

I Kôrantô 7:14

Kyuadah ung amâo đăo anăn jing doh jăk kyua mô̆ ñu, leh anăn mô̆ amâo đăo jing doh jăk kyua ung ñu. Tơdah amâo djŏ snăn ôh, phung anak diih srăng čhŏ, ƀiădah diñu jing doh jăk leh.

Klei Mtô Mñă Klei Bhiăn 18:4

Diih srăng brei kơ ñu boh hlâo hlang mơ̆ng mdiê, kpiê mrâo, leh anăn êa prăi boh ôliwơ diih, leh anăn mlâo biăp diih kăp tal êlâo.

Klei Mtô Mñă Klei Bhiăn 26:10

Leh anăn nĕ anei, kâo djă ba boh hlâo hlang mơ̆ng lăn, boh anăn Ih brei leh kơ kâo, Ơ Yêhôwa.’ Diih srăng dưm gơ̆ ti anăp Yêhôwa Aê Diê diih, leh anăn kkuh mpŭ ti anăp Yêhôwa Aê Diê diih.

Y-Yakơ 1:18

Tui si klei Ñu pô čiăng, Ñu lŏ bi kkiêng leh kơ drei hŏng klei Ñu blŭ sĭt nik, čiăng kơ drei jing boh hlâo hlang hlăm mnơ̆ng Ñu hrih.

Klei Bi Êdah 14:4

Phung anăn yơh amâo tuôm bi čhŏ digơ̆ pô hŏng mniê ôh, kyuadah digơ̆ jing phung hrông. Digơ̆ yơh tui hlue Êđai Biăp tar ƀar ti anôk Ñu nao. Aê Diê bi tui digơ̆ leh mơ̆ng phung mnuih jing boh hlâo hlang kơ Aê Diê leh anăn kơ Êđai Biăp.