Hră Y-Pôl Mơĭt kơ Phung Rôm 11:10 - Klei Aê Diê Blŭ 2015

¹⁰ brei ală diñu jing mmăt, snăn diñu amâo dưi ƀuh ôh, leh anăn brei rŏng diñu gô nanao.”

Hră Y-Pôl Mơĭt kơ Phung Rôm 11:10 Iomraidhean Croise

Klei Mmuñ Hđăp 69:22

Brei jhưng huă ti anăp diñu jing kđông ƀêč kơ diñu; leh anăn jing ñuăl ti krah klei êđăp ênang diñu.

Klei Mmuñ Hđăp 69:23

Bi mmăt hĕ ală diñu tơl diñu amâo thâo ƀuh ôh; leh anăn brei kơiêng diñu ktư̆ yơ̆ng nanao.

Y-Êsai 51:23

Kâo srăng dưm gơ̆ hlăm kngan phung bi knap ih, phung lač leh kơ ih, ‘Kkui bĕ ih, čiăng kơ hmei dưi găn.’ Leh anăn ih brei leh rŏng ih jing msĕ si lăn, msĕ si êlan brei arăng găn.”

Y-Êsai 65:12

Kâo srăng čuăn pioh diih kơ đao gưm, leh anăn jih jang diih srăng buôn tŭ klei arăng bi mdjiê; kyuadah diih amâo lŏ wĭt lač ôh tơdah Kâo iêô, tơdah Kâo blŭ diih amâo hmư̆ ôh, ƀiădah diih ngă leh klei jhat ti anăp ală Kâo, leh anăn diih ruah leh čiăng ngă klei amâo bi mơak kơ Kâo ôh.”

Y-Sakari 11:17

Knap mñai yơh kơ mgăt biăp hơăi mang, pô lui hĕ biăp! Brei đao gưm koh ti păl ñu leh anăn ti ală hnuă ñu! Brei păl ñu krô hĕ leh anăn ală hnuă ñu bum mơh!”

Hră Y-Pôl Mơĭt kơ Phung Rôm 1:21

Kyuadah wăt tơdah diñu thâo kral leh Aê Diê, diñu amâo mpŭ kơ Gơ̆ jing Aê Diê ôh, kăn bi mni kơ Gơ̆ rei; ƀiădah diñu wơr luč hlăm klei mĭn hơăi mang, leh anăn ai tiê mluk diñu bŏ hŏng klei mmăt.

Hră Y-Pôl Mơĭt kơ Phung Rôm 11:8

tui si Klei Aê Diê Blŭ čih leh, “Aê Diê brei leh kơ diñu ai mĭn mmăt, ală amâo thâo ƀuh leh anăn knga amâo thâo hmư̆ ôh, truh kơ hruê anei.”

Êphêsô 4:18

Klei thâo săng diñu jing hĕ mmăt leh, bi ktlah leh mơ̆ng klei hdĭp Aê Diê kyua klei diñu mluk kbiă hriê mơ̆ng ai tiê khăng diñu.

II Y-Pêtrôs 2:17

Phung anăn jing msĕ si akŏ êa thu, msĕ si dhul angĭn êbŭ kpuh; Aê Diê pioh leh kơ diñu klei mmăt tĭt hlăm anôk ti gŭ.

II Y-Pêtrôs 2:4

Kyuadah tơdah Aê Diê amâo hơưi ôh kơ phung dĭng buăl jăk hlăk diñu ngă soh, ƀiădah hwiê hĕ diñu hlăm ƀăng êlam hlăm anôk mmăt, čiăng krư̆ pioh diñu tơl truh Hruê Phat Kđi;

Y-Yut 1:13

Diñu jing êlah êa ksĭ poh yă ktang bi kbiă kbhoh klei hêñ diñu pô; jing mtŭ hiu rưng, Aê Diê pioh kơ diñu klei mmăt hlŏng lar.

Y-Yut 1:6

Leh anăn phung dĭng buăl jăk amâo djă pioh ôh klei diñu jing, ƀiădah lui anôk diñu pô dôk, Aê Diê pioh leh kă hŏng klei săng đai hlŏng lar hlăm anôk mmăt ti gŭ tơl truh klei phat kđi ti Hruê Prŏng;