Hră Y-Pôl Mơĭt kơ Phung Rôm 11:1 - Klei Aê Diê Blŭ 2015

¹ Snăn kâo êmuh, Aê Diê hngah leh mơ̆ kơ phung ƀuôn sang Ñu? Hơăi, amâo tuôm ôh! Kâo pô yơh jing sa čô Israel, anak čô Y-Abraham, sa čô mơ̆ng găp djuê Ƀenjamin.

Hră Y-Pôl Mơĭt kơ Phung Rôm 11:1 Iomraidhean Croise

II Bruă Mtao 23:27

Yêhôwa lač, “Kâo srăng suôt hĕ msĕ mơh phung Yuđa mơ̆ng anăp ală Kâo, msĕ si Kâo suôt leh phung Israel, leh anăn Kâo srăng lui hĕ ƀuôn Kâo ruah leh anei, ƀuôn Yêrusalem, leh anăn sang Kâo lač leh, Anăn Kâo srăng dôk tinăn.”

Klei Mmuñ Hđăp 77:7

Khua Yang srăng hngah nanao mơ̆ leh anăn amâo lŏ pap kơ kâo ôh?

Klei Mmuñ Hđăp 94:14

Kyuadah Yêhôwa amâo srăng lui ôh phung ƀuôn sang Ñu; Ñu amâo srăng hngah ôh phung jing ngăn dưn Ñu.

Y-Ôsê 9:17

Aê Diê kâo srăng hngah hĕ diñu, kyuadah diñu amâo dôk hmư̆ Gơ̆ ôh. Diñu srăng jing phung hiu rưng ti krah phung găp djuê mnuih.

Y-Luk 20:16

Pô anăn srăng hriê bi mdjiê hĕ phung mưn anăn, leh anăn jao đang boh kriăk ƀâo kơ phung mkăn.” Tơdah phung ƀuôn sang hmư̆ klei anăn, diñu lač, “Hơăi, brei Aê Diê ghă klei anăn!”

Bruă Phung Khua Ƀĭng Kna 22:3

“Kâo jing sa čô Yuđa arăng kkiêng ti ƀuôn Tars hlăm čar Silisi, ƀiădah kâo hriê kơ prŏng hlăm ƀuôn anei, jing sa čô hriăm mơ̆ng Y-Gamaliêl djŏ tui si klei bhiăn phung aê drei, hur har kơ Aê Diê msĕ si jih jang diih hruê anei.

Bruă Phung Khua Ƀĭng Kna 26:4

Klei kâo dôk dơ̆ng ƀơ̆ng huă dơ̆ng mơ̆ng hlăk ai ti krah găp djuê kâo pô leh anăn ti ƀuôn Yêrusalem, jih jang phung Yuđa thâo leh sơăi.

Hră Y-Pôl Mơĭt kơ Phung Rôm 11:11

Snăn kâo êmuh, djŏ mơ̆ diñu têč hnêč leh tơl êbuh leh anăn rai luč? Hơăi, amâo djŏ ôh! Ƀiădah kyua klei diñu gao klei bhiăn, klei bi mtlaih truh leh kơ phung tue, čiăng bi mčhur brei phung Israel nač.

Hră Y-Pôl Mơĭt kơ Phung Rôm 3:4

Hơăi, amâo dưi ôh! Aê Diê jing Pô sĭt, wăt tơdah jih jang mnuih jing phung luar, tui si Klei Aê Diê Blŭ čih leh: “Čiăng kơ Ih jing kpă hlăm klei Ih blŭ, leh anăn găl klei Ih hlăm klei phat kđi.”

Hră Y-Pôl Mơĭt kơ Phung Rôm 9:3

Kyuadah tơdah dưi kâo čiăng jing mnuih Aê Diê tăm pah tơl ktlah mơ̆ng Krist dưn kyua phung ayŏng adei kâo, phung găp djuê kâo tui si kđeh êrah.

II Kôrantô 11:22

Diñu jing phung Hêbrơ mơ̆? Kâo jing mơh. Diñu jing phung Israel mơ̆? Kâo jing mơh. Diñu jing phung anak čô Y-Abraham mơ̆? Kâo jing mơh.

Philip 3:5

arăng khăt klĭt kâo ti hruê sa păn, sa čô hlăm phung ƀuôn sang Israel, mơ̆ng găp djuê Ƀenjamin, sa čô Hêbrơ phung Hêbrơ kkiêng; tui si klei bhiăn kâo jing sa čô Pharisi;

I Y-Samuel 12:22

Kyuadah Yêhôwa amâo srăng lui ôh phung ƀuôn sang Ñu kyua anăn Ñu prŏng, kyuadah Yêhôwa mơak leh mjing diih sa phung ƀuôn sang kơ Ñu pô.