Hră Y-Pôl Mơĭt kơ Phung Rôm 10:3 - Klei Aê Diê Blŭ 2015

³ Kyuadah êjai diñu amâo thâo kral ôh klei kpă ênô kbiă hriê mơ̆ng Aê Diê, leh anăn duah čiăng mjing klei kpă ênô diñu pô, diñu amâo mă tŭ ôh klei kpă ênô Aê Diê.

Hră Y-Pôl Mơĭt kơ Phung Rôm 10:3 Iomraidhean Croise

Y-Nêhêmi 9:33

Ih jing kpă hlăm jih jang klei truh leh kơ hmei, kyuadah Ih ngă leh hŏng klei sĭt suôr, ƀiădah hmei ngă leh hŏng klei jhat ƀai.

Y-Yôp 33:27

leh anăn pô anăn mmuñ ti anăp arăng leh anăn lač, ‘Kâo ngă soh leh, leh anăn bi msoh kơ klei kpă, leh anăn arăng amâo bi wĭt kơ kâo tui si klei năng ôh.

Klei Mmuñ Hđăp 71:19

Klei kpă ênô Ih, Ơ Aê Diê, truh ti adiê dlông. Ih ngă leh lu bruă prŏng, Ơ Aê Diê, hlei jing msĕ si Ih?

Y-Êsai 51:1

“Dôk hmư̆ bĕ kâo, Ơ diih phung duah klei kpă ênô, phung duah Yêhôwa. Brei diih dlăng kơ boh tâo anôk arăng krah diih leh, kơ ƀăng êlam anôk arăng ktŭng mă diih leh.

Y-Êsai 51:6

Kngưr bĕ ală diih phă phung adiê, leh anăn dlăng bĕ kơ lăn ala ti gŭ. Kyuadah phung adiê srăng luč msĕ si săp pui, lăn ala srăng sô tĭ msĕ si čhiăm ao, leh anăn phung dôk tinăn srăng djiê msĕ si tŭk mrui. Ƀiădah klei Kâo bi mtlaih srăng dôk hlŏng lar, leh anăn klei kpă ênô Kâo amâo srăng tuč ôh.

Y-Êsai 51:8

Kyuadah muôr srăng ƀơ̆ng diñu msĕ si sa blah čhiăm, leh anăn hluăt srăng ƀơ̆ng diñu msĕ si mrai mlâo biăp. Ƀiădah klei kpă ênô Kâo srăng dôk hlŏng lar, leh anăn klei Kâo bi mtlaih srăng truh kơ jih jang ênuk.”

Y-Êsai 56:1

Snei Yêhôwa lač: “Djă pioh bĕ klei djŏ, leh anăn ngă bĕ klei kpă ênô, kyuadah klei Kâo bi mtlaih giăm truh leh, leh anăn klei kpă ênô Kâo srăng djăl bi êdah.

Y-Êsai 57:12

Kâo srăng hưn bi êdah klei kpă ênô diih leh anăn bruă diih, ƀiădah mnơ̆ng anăn amâo srăng jing tŭ dưn kơ diih ôh.

Y-Êsai 64:6

Jih jang hmei jing leh msĕ si pô amâo doh, leh anăn jih bruă kpă ênô hmei jing msĕ si čhiăm ao čhŏ leh. Jih jang hmei dliu msĕ si hla kyâo, leh anăn klei wê hmei kpuh mđung hmei msĕ si angĭn.

Klei Čŏk Hia 3:22

kyua klei khăp sĭt suôr Yêhôwa, hmei amâo tuôm tuč ruê̆ ôh, klei Ñu pap amâo tuôm kƀah ôh;

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Bruă Lêwi 26:41

snăn Kâo êbat mdê hŏng klei diñu čiăng leh anăn atăt ba diñu kơ čar phung roh diñu; hlăk anăn tơdah ai tiê diñu amâo khăt klĭt ôh srăng luă gŭ leh anăn diñu tla nư klei wê diñu,

Y-Luk 10:29

Ƀiădah ñu čiăng bi kpă ñu pô, snăn lač kơ Yêsu, “Hlei jing pô riêng gah kâo?”

Y-Luk 16:15

Ƀiădah Yêsu lač kơ diñu, “Diih jing phung yap diih pô kpă ti anăp mnuih, ƀiădah Aê Diê thâo kral ai tiê diih; kyuadah ya klei phung mnuih mpŭ, Aê Diê bi êmut kheh kơ klei anăn.

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Hră Y-Pôl Mơĭt kơ Phung Rôm 10:2

Kâo hưn bi sĭt kơ diñu mâo klei hur har kơ Aê Diê, ƀiădah klei hur har anăn amâo djŏ ôh hŏng klei thâo săng.

Hră Y-Pôl Mơĭt kơ Phung Rôm 10:20

Leh anăn Y-Êsai jhŏng lač, “Phung amâo tuôm duah Kâo ƀuh leh Kâo; Kâo bi êdah leh Kâo pô kơ phung amâo duah êmuh kơ Kâo ôh.”

Hră Y-Pôl Mơĭt kơ Phung Rôm 11:7

Si ngă snăn? Klei phung Israel duah, diñu amâo dưi mâo ôh. Ƀiădah phung Aê Diê ruah mâo leh klei anăn, ƀiădah phung mkăn Aê Diê bi khăng leh ai tiê diñu,

Hră Y-Pôl Mơĭt kơ Phung Rôm 3:22

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Hră Y-Pôl Mơĭt kơ Phung Rôm 3:26

Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

Hră Y-Pôl Mơĭt kơ Phung Rôm 5:19

Snăn, kyua sa čô mnuih amâo gưt asăp ôh lu mnuih jing soh leh; msĕ snăn mơh kyua sa čô mnuih gưt asăp lu mnuih srăng mâo klei yap kpă.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Klei Mtô Mñă Klei Bhiăn 6:25

Srăng jing klei kpă ênô kơ drei tơdah drei răng čiăng ngă tui hlue jih jang klei mtă anei ti anăp Yêhôwa Aê Diê drei, tui si Ñu mtă leh kơ drei.’ ”

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.