Hră Y-Pôl Mơĭt kơ Phung Rôm 10:21 - Klei Aê Diê Blŭ 2015

²¹ Ƀiădah djŏ kơ phung Israel ñu lač, “Jih hruê Kâo pưi leh kngan kơ sa phung ƀuôn sang amâo thâo gưt asăp leh anăn bi kdơ̆ng.”

Hră Y-Pôl Mơĭt kơ Phung Rôm 10:21 Iomraidhean Croise

Y-Nêhêmi 9:26

Ƀiădah diñu amâo gưt asăp leh anăn bi kdơ̆ng hŏng Ih, hwiê hĕ klei bhiăn Ih ti tluôn diñu, leh anăn bi mdjiê hĕ phung khua pô hưn êlâo Ih, phung hưn brei diñu răng čiăng brei diñu wĭt kơ Ih, leh anăn diñu ngă klei tăm pah prŏng kơ Ih.

Klei Bi Hriêng 1:24

Kyuadah kâo iêô leh anăn diih hngah, amâo čiăng hmư̆ ôh; kâo pưi kngan jak leh anăn amâo mâo pô uêñ kơ klei anăn ôh.

Y-Yêrêmi 25:4

Diih amâo dôk hmư̆ ôh kăn mđing knga čiăng hmư̆ rei, wăt tơdah Yêhôwa tiŏ mơ̆ng aguah ưm hriê nanao leh kơ diih jih jang phung dĭng buăl ñu phung khua pô hưn êlâo,

Y-Yêrêmi 35:15

Kâo tiŏ nanao leh kơ diih jih jang phung dĭng buăl Kâo phung khua pô hưn êlâo, brei diñu lač, “Ară anei brei grăp čô diih wir đuĕ mơ̆ng êlan soh ñu, bi mlih klei diih ngă; leh anăn đăm tui hlue ôh phung yang mkăn čiăng mă bruă kơ phung yang anăn, snăn kơh diih srăng dôk hlăm čar Kâo brei leh kơ diih leh anăn kơ phung aê diih.” Ƀiădah diih amâo tuôm mđing knga dôk hmư̆ Kâo ôh.

Y-Yêrêmi 35:17

Kyuanăn snei Yêhôwa Aê Diê kơ phung kahan, Aê Diê Israel lač: ‘Nĕ anei, Kâo srăng bi truh kơ phung Yuđa leh anăn jih jang phung dôk hlăm ƀuôn Yêrusalem jih jang klei jhat Kâo hưn leh bi kdơ̆ng hŏng diñu; kyuadah Kâo blŭ leh kơ diñu, ƀiădah diñu amâo dôk hmư̆ Kâo ôh. Kâo blŭ kơ diñu leh, leh anăn diñu amâo lŏ wĭt lač ôh.’ ”

Y-Luk 24:47

leh anăn djŏ kơ klei arăng srăng mtô hlăm anăn Ñu kơ jih jang găp djuê mnuih dơ̆ng mơ̆ng ƀuôn Yêrusalem, klei kmhal leh anăn klei pap brei kơ klei soh.

Klei Mtô Mñă Klei Bhiăn 31:27

Kyuadah kâo thâo diih jing phung khăng bi kdơ̆ng leh anăn khăng kŏ êdi. Nĕ anei, êjai kâo ăt dôk hdĭp mbĭt hŏng diih, hruê anei diih bi kdơ̆ng leh hŏng Yêhôwa; kdlưn hĭn kơ anăn mơh leh kâo djiê!

Klei Mtô Mñă Klei Bhiăn 9:13

Êbeh kơ anăn Yêhôwa lač kơ kâo, ‘Kâo ƀuh leh phung ƀuôn sang anei, nĕ anei jing sa phung ƀuôn sang khăng kŏ.

I Têsalônik 2:16

hŏng klei diñu ghă hmei mtô kơ phung tue, čiăng kơ digơ̆ dưi tlaih — msĕ si diñu čiăng bi bŏ hnơ̆ng klei soh diñu nanao. Ƀiădah klei Aê Diê ngêñ knhal tuč truh leh kơ diñu.

I Y-Pêtrôs 2:8

leh anăn “Sa klŏ boh tâo bi têč hnêč phung mnuih, leh anăn boh tâo prŏng bi lĕ buh diñu.” Diñu čah boh tâo anăn kyuadah diñu amâo gưt ôh kơ klei blŭ, tui si Aê Diê čuăn leh kơ diñu ngă.