Hră Y-Pôl Mơĭt kơ Phung Rôm 10:2 - Klei Aê Diê Blŭ 2015

² Kâo hưn bi sĭt kơ diñu mâo klei hur har kơ Aê Diê, ƀiădah klei hur har anăn amâo djŏ ôh hŏng klei thâo săng.

Hră Y-Pôl Mơĭt kơ Phung Rôm 10:2 Iomraidhean Croise

II Bruă Mtao 10:16

Y-Jêhu lač, “Hriê bĕ mbĭt hŏng kâo leh anăn dlăng klei kâo hur har kơ Yêhôwa.” Snăn ñu brei gơ̆ đĭ hlăm êdeh aseh ñu.

Klei Mmuñ Hđăp 14:4

Jih jang phung ngă klei wê amâo mâo klei thâo săng hĕ? Diñu lun ƀơ̆ng phung ƀuôn sang Kâo msĕ si ƀơ̆ng kpŭng, leh anăn amâo iêô wah lač kơ Yêhôwa ôh.

Klei Bi Hriêng 19:2

Amâo jăk ôh sa čô mnuih mâo klei hur har ƀiădah kƀah klei thâo săng, leh anăn hlei pô ruăt nao srăng wơr êlan.

Y-Êsai 27:1

Hlăm hruê anăn, Yêhôwa srăng bi kmhal Lêwiathan, ala đuĕ prăl, hŏng đao gưm Ñu khăng, prŏng ktang; Ñu srăng bi kmhal Lêwiathan, ala wê wăn; leh anăn Ñu srăng bi mdjiê anak rai dôk hlăm êa ksĭ.

Y-Yôhan 16:2

Arăng srăng suôt diih mơ̆ng sang bi kƀĭn. Sĭt nik, mông giăm truh tơdah hlei pô bi mdjiê diih srăng mĭn ñu đru bruă Aê Diê.

Bruă Phung Khua Ƀĭng Kna 21:20

Tơdah diñu hmư̆ klei anăn, diñu mpŭ mni kơ Aê Diê. Leh anăn diñu lač kơ Y-Pôl, “Ơ ayŏng, ih ƀuh mâo lu êbâo phung Yuđa đăo leh; jih jang digơ̆ hur har gưt klei bhiăn.

Bruă Phung Khua Ƀĭng Kna 21:28

Diñu ur kraih, “Ơ phung ayŏng adei Israel, hriê đru! Nĕ anei êkei hiu mtô tar ƀar bi kdơ̆ng hŏng phung ƀuôn sang, hŏng klei bhiăn, leh anăn hŏng anôk anei. Êbeh kơ anăn ñu atăt phung Grĕk mŭt hlăm sang kkuh mpŭ, leh anăn bi čhŏ anôk doh jăk anei.”

Bruă Phung Khua Ƀĭng Kna 22:22

Arăng dôk hmư̆ Y-Pôl truh ti klei blŭ anăn. Hlăk anăn diñu dơ̆ng ur lač, “Bi luč hĕ mnuih msĕ snăn mơ̆ng lăn ala! Ñu amâo năng dôk hdĭp ôh!”

Bruă Phung Khua Ƀĭng Kna 22:3

“Kâo jing sa čô Yuđa arăng kkiêng ti ƀuôn Tars hlăm čar Silisi, ƀiădah kâo hriê kơ prŏng hlăm ƀuôn anei, jing sa čô hriăm mơ̆ng Y-Gamaliêl djŏ tui si klei bhiăn phung aê drei, hur har kơ Aê Diê msĕ si jih jang diih hruê anei.

Hră Y-Pôl Mơĭt kơ Phung Rôm 10:1

Ơ phung ayŏng adei, klei ai tiê kâo čiăng leh anăn klei kâo wah lač kơ Aê Diê kyua phung Israel jing klei čiăng kơ diñu dưi tlaih.

Hră Y-Pôl Mơĭt kơ Phung Rôm 10:3

Kyuadah êjai diñu amâo thâo kral ôh klei kpă ênô kbiă hriê mơ̆ng Aê Diê, leh anăn duah čiăng mjing klei kpă ênô diñu pô, diñu amâo mă tŭ ôh klei kpă ênô Aê Diê.

II Kôrantô 4:4

Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.

II Kôrantô 8:3

Kâo dưi hưn bi sĭt kơ diñu myơr tui si diñu dưi, leh anăn êbeh hĭn kơ anăn mơh, tui si ai tiê diñu pô čiăng.

Galati 1:14

Kâo hriê kơ prŏng hĭn hlăm klei phung Yuđa đăo, êgao hĭn kơ phung mnuih ênuk mbĭt hŏng kâo, ti krah phung ƀuôn sang kâo, kyuadah kâo jing sa čô hur har snăk tui klei bhiăn mưng phung aê kâo.

Galati 4:15

Ti lei klei jăk mơak diih mâo leh? Kyuadah kâo hưn bi sĭt kơ diih snei: Hlăk anăn tơdah dưi, diih čiăng ƀlêč ală diih pô leh anăn brei kơ kâo.

Philip 1:9

Kâo wah lač čiăng kơ klei diih khăp dưi bi lar lu hĭn, mbĭt hŏng klei thâo săng leh anăn jih klei thâo ksiêm,

Philip 3:6

bi kơ klei hur har, kâo ngă jhat kơ Phung Sang Aê Diê; bi kơ klei kpă ênô tui si klei bhiăn, kâo amâo mâo klei arăng dưi ƀuah ôh.

Kôlôs 4:13

Kyuadah kâo hưn bi sĭt ñu mă bruă suăi snăk kyua diih leh anăn kyua phung dôk hlăm ƀuôn Laôdisê leh anăn hlăm ƀuôn Hiêrapôlis.