Hră Y-Pôl Mơĭt kơ Phung Rôm 10:19 - Klei Aê Diê Blŭ 2015

¹⁹ Kâo lŏ êmuh, phung Israel amâo tuôm thâo săng hĕ? Êlâo hĭn Y-Môis lač, “Kâo srăng brei diih nač kơ phung amâo jing sa găp djuê ôh; Kâo srăng brei diih ăl kyua sa phung găp djuê mluk mgu.”

Hră Y-Pôl Mơĭt kơ Phung Rôm 10:19 Iomraidhean Croise

Y-Yêrêmi 10:14

Grăp čô mnuih jing mluk leh anăn amâo mâo klei thâo săng ôh; grăp čô mnuih tia mah mâo klei hêñ kyua rup yang ñu tia leh, kyuadah rup yang ñu jing yang amâo sĭt ôh, leh anăn digơ̆ amâo thâo bi êwa ôh.

Y-Yêrêmi 10:8

Diñu jing mluk mgu; rup kyâo krah bi hriăm diñu.

Y-Ôsê 2:23

Kâo srăng pla ñu kơ Kâo pô hlăm čar. Leh anăn Kâo srăng pap kơ pô ka mâo klei pap ôh, Kâo srăng lač kơ pô amâo djŏ ƀuôn sang Kâo ôh, ‘Diih jing phung ƀuôn sang Kâo,’ leh anăn diñu srăng lač, ‘Ih jing Aê Diê Kâo.’ ”

Hră Y-Pôl Mơĭt kơ Phung Rôm 10:18

Ƀiădah kâo êmuh, diñu amâo tuôm hmư̆ hĕ? Sĭt nik diñu hmư̆ leh! Kyuadah “Asăp diñu arăng hmư̆ leh tar ƀar lăn ala, leh anăn klei diñu blŭ truh leh ti knhal lăn ala.”

Hră Y-Pôl Mơĭt kơ Phung Rôm 11:11

Snăn kâo êmuh, djŏ mơ̆ diñu têč hnêč leh tơl êbuh leh anăn rai luč? Hơăi, amâo djŏ ôh! Ƀiădah kyua klei diñu gao klei bhiăn, klei bi mtlaih truh leh kơ phung tue, čiăng bi mčhur brei phung Israel nač.

Hră Y-Pôl Mơĭt kơ Phung Rôm 11:14

čiăng bi mčhur brei phung găp djuê kâo nač, snăn dưi bi mtlaih đa đa hlăm phung diñu.

Hră Y-Pôl Mơĭt kơ Phung Rôm 3:26

Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

I Kôrantô 1:12

Kâo čiăng lač snei, grăp čô diih lač, “Kâo jing phung Y-Pôl”, amâodah “Kâo jing phung Y-Apôlôs”, amâodah “Kâo jing phung Y-Sêphas”, amâodah “Kâo jing phung Krist”.

I Kôrantô 10:19

Snăn ya čiăng lač klei anăn? Mnơ̆ng myơr leh kơ rup yang jing yuôm mơ̆? Amâodah rup yang anăn jing yuôm mơ̆?

I Kôrantô 11:22

Si ngă? Diih amâo mâo sang pioh kơ anôk huă ƀơ̆ng amâodah mnăm mơ̆? Amâodah diih bi êmut kơ Phung Sang Aê Diê mơ̆ leh anăn bi hêñ phung amâo mâo mnơ̆ng ôh? Ya kâo srăng lač kơ diih? Kâo srăng bi mni kơ diih hlăm klei anei mơ̆? Hơăi, kâo amâo srăng bi mni kơ diih ôh.

I Kôrantô 12:2

Diih thâo leh êjai diih ka đăo ôh, diih klah đuĕ tui hlue rup yang kmlô, tui si arăng mtrŭt diih leh.

I Kôrantô 15:50

Ơ phung ayŏng adei, kâo hưn sĭt klei anei kơ diih: kđeh leh anăn êrah amâo dưi dưn ƀuôn ala mtao Aê Diê ôh, kăn mnơ̆ng thâo brŭ rai dưi dưn klei amâo thâo brŭ rai rei.

I Kôrantô 7:29

Ơ phung ayŏng adei, klei kâo čiăng lač snei: Ênuk drei dôk hdĭp amâo sui ôh. Mơ̆ng anei kơ anăp, phung mâo mô̆ leh brei dôk hdĭp msĕ si diñu amâo mâo mô̆;

Klei Mtô Mñă Klei Bhiăn 32:21

Diñu mčhur leh Kâo brei trih hŏng pô amâo jing Aê Diê ôh; diñu bi riêl ai Kâo hŏng rup yang diñu. Snăn Kâo srăng mčhur diñu brei trih hŏng phung amâo jing sa phung ƀuôn sang ôh; Kâo srăng bi riêl ai diñu hŏng sa phung găp djuê mluk.

Y-Tit 3:3

Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.

I Y-Pêtrôs 2:10

Mphŭn dô diih amâo jing sa phung ƀuôn sang ôh, ƀiădah ară anei diih jing leh phung ƀuôn sang Aê Diê. Mphŭn dô diih amâo tuôm mă tŭ ôh klei Aê Diê pap, ƀiădah ară anei diih mă tŭ leh klei pap anăn.