Hră Y-Pôl Mơĭt kơ Phung Rôm 10:18 - Klei Aê Diê Blŭ 2015

¹⁸ Ƀiădah kâo êmuh, diñu amâo tuôm hmư̆ hĕ? Sĭt nik diñu hmư̆ leh! Kyuadah “Asăp diñu arăng hmư̆ leh tar ƀar lăn ala, leh anăn klei diñu blŭ truh leh ti knhal lăn ala.”

Hră Y-Pôl Mơĭt kơ Phung Rôm 10:18 Iomraidhean Croise

I Bruă Mtao 18:10

Tui si Yêhôwa Aê Diê ih dôk hdĭp amâo mâo sa găp djuê mnuih amâodah sa boh ƀuôn ala mtao khua kâo amâo tuôm tiŏ ôh arăng nao duah ih; leh anăn tơdah arăng lač, ‘Ñu amâo tinei ôh,’ ñu brei ƀuôn ala mtao amâodah găp djuê anăn kat asei kơ klei diñu amâo ƀuh ih ôh.

Klei Mmuñ Hđăp 19:4

Ƀiădah asăp diñu truh tar ƀar lăn ala, boh blŭ diñu truh ti knhal lăn ala. Tinăn Ñu ngă sang čhiăm kơ yang hruê;

Klei Mmuñ Hđăp 22:27

Jih jang knhal lăn ala srăng hdơr leh anăn wĭt kơ Yêhôwa; jih jang găp djuê mnuih srăng buôn kkuh ti anăp Ñu.

Klei Mmuñ Hđăp 98:3

Ñu hdơr leh kơ klei khăp Ñu leh anăn klei sĭt suôr Ñu hŏng sang Israel. Jih jang knhal lăn ala ƀuh leh klei bi mtlaih Aê Diê drei.

Y-Êsai 24:16

Mơ̆ng jih knhal lăn drei hmư̆ arăng mmuñ “Guh kơang kơ Pô Kpă ênô.” Ƀiădah kâo lač, “Kâo luč leh, kâo luč leh, knap mñai yơh kâo! Kyuadah phung ƀai ngă klei ƀai yơh, sĭt nik phung ƀai ngă klei ƀai êdi.”

Y-Êsai 49:6

Ñu lač, “Jing klei điêt đei kơ ih jing dĭng buăl Kâo čiăng lŏ kơrŭ phung găp djuê Yakôp leh anăn čiăng lŏ mdơ̆ng phung Israel adôk. Kâo msĕ mơh srăng brei ih jing klei mngač kơ phung tue, čiăng kơ klei Kâo bi mtlaih dưi truh ti knhal lăn ala.”

Y-Êsai 52:10

Yêhôwa bi êdah leh bruă păl doh jăk Ñu ngă, ti anăp ală jih jang phung găp djuê mnuih, leh anăn jih jang knhal lăn ala srăng ƀuh klei Aê Diê drei bi mtlaih.

Y-Yêrêmi 16:19

Ơ Yêhôwa, klei ktang kâo leh anăn kđông kjăp kâo, anôk kâo đuĕ dăp êjai hruê mâo klei rŭng răng, kơ Ih yơh phung găp djuê mnuih srăng hriê mơ̆ng knhal lăn ala leh anăn lač: “Phung aê hmei dưn knŏng klei luar, mnơ̆ng hơăi mang amâo mâo klei tŭ dưn ôh.

Y-Mathiơ 24:14

Leh anăn arăng srăng mtô klei mrâo mrang jăk kơ ƀuôn ala mtao anei tar ƀar lăn ala jing klei hưn kơ jih jang găp djuê mnuih. Hlăk anăn hruê knhal tuč srăng truh.”

Y-Mathiơ 26:13

Sĭt nik Kâo lač kơ diih, tar ƀar lăn ala ti anôk arăng srăng mtô klei mrâo mrang jăk anei, arăng srăng yăl dliê bi hdơr klei mniê anei ngă leh.”

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Y-Mathiơ 4:8

Yang jhat lŏ atăt Ñu kơ čư̆ dlông snăk, ktrâo kơ Ñu jih jang ƀuôn ala mtao lăn ala leh anăn klei guh kơang ƀuôn ala mtao anăn,

Y-Markôs 16:15

Leh anăn Yêsu lač kơ diñu, “Nao bĕ tar ƀar lăn ala leh anăn mtô klei mrâo mrang jăk kơ jih jang găp djuê mnuih.

Y-Markôs 16:20

Phung ƀĭng kna nao hiu mtô tar ƀar êjai Khua Yang mă bruă mbĭt hŏng diñu leh anăn bi sĭt klei diñu mtô hŏng klei bi knăl mdê.]

Bruă Phung Khua Ƀĭng Kna 1:8

Ƀiădah tơdah Yang Mngăt Jăk truh kơ diih; diih srăng mă tŭ klei myang leh anăn diih srăng jing phung hưn bi sĭt kơ Kâo hlăm ƀuôn Yêrusalem, hlăm tar čar Yuđa, čar Samari, leh anăn tơl truh ti knhal lăn ala.”

Bruă Phung Khua Ƀĭng Kna 26:20

Ƀiădah kâo hưn tal êlâo hĭn kơ phung dôk ti ƀuôn Damas, leh anăn ti ƀuôn Yêrusalem, leh anăn tar ƀar čar Yuđa, leh anăn kơ phung tue msĕ mơh, brei diñu kmhal kơ klei soh leh anăn wĭt kơ Aê Diê, leh anăn bi êdah bruă năng hŏng klei diñu kmhal kơ klei soh.

Bruă Phung Khua Ƀĭng Kna 28:23

Tơdah truh hruê diñu bi kčah, lu mnuih hriê kơ gơ̆ hlăm sang gơ̆ dôk. Y-Pôl mblang klei anăn kơ diñu mơ̆ng aguah lĕ tlam, hưn bi sĭt kơ ƀuôn ala mtao Aê Diê leh anăn duah mtrŭt diñu đăo kơ Yêsu tui si klei čih hlăm klei bhiăn Y-Môis leh anăn hlăm phung khua pô hưn êlâo.

Hră Y-Pôl Mơĭt kơ Phung Rôm 1:8

Êlâo hĭn, kâo bi mni kơ Aê Diê kâo hlăm Yêsu Krist kyua jih jang diih, kyuadah arăng hưn klei diih đăo tar ƀar lăn ala.

Hră Y-Pôl Mơĭt kơ Phung Rôm 15:19

hŏng klei myang klei bi knăl yuôm bhăn leh anăn bruă myang yuôm, hŏng klei myang Yang Mngăt Jăk, mơ̆ng ƀuôn Yêrusalem leh anăn kbưi tơl truh kơ čar Iliri kâo mtô ênŭm leh klei mrâo mrang jăk Yêsu Krist.

Kôlôs 1:23

knŏng tơdah diih ăt dôk kjăp hlăm klei đăo, amâo kpleh mơ̆ng klei čang hmăng kbiă hriê mơ̆ng klei mrâo mrang jăk diih hmư̆ leh. Klei anăn arăng mtô leh kơ jih jang mnuih ti gŭ adiê, leh anăn kâo gơ̆, Y-Pôl, jing sa čô dĭng ktang kơ klei anăn.

Kôlôs 1:6

truh leh kơ diih, msĕ si truh leh sĭt nik tar ƀar lăn ala, mâo boh leh anăn hriê kơ prŏng, msĕ snăn mơh hlăm phung diih, mơ̆ng hruê diih hmư̆ leh anăn thâo săng klei Aê Diê pap tui si klei sĭt nik,

I Têsalônik 1:8

Kyuadah arăng hmư̆ hing leh klei Khua Yang blŭ mơ̆ng diih, amâo djŏ knŏng hlăm čar Masêdôn leh anăn čar Akai ôh, ƀiădah klei diih đăo kơ Aê Diê arăng thâo leh tar ƀar, tơl amâo lŏ yuôm ôh hmei yăl dliê klei diih đăo.