Hră Y-Pôl Mơĭt kơ Phung Rôm 10:15 - Klei Aê Diê Blŭ 2015

¹⁵ Leh anăn si mnuih dưi mtô tơdah arăng amâo tiŏ nao diñu ôh? Tui si Klei Aê Diê Blŭ čih leh, “Siam jăk yơh jơ̆ng phung nao hưn klei mrâo mrang jăk!”

Hră Y-Pôl Mơĭt kơ Phung Rôm 10:15 Iomraidhean Croise

Y-Êsai 40:9

Đĭ bĕ ti čŏng čư̆ dlông, Ơ ƀuôn Siôn, ƀuôn hưn klei mrâo mrang jăk. Ur driâo bĕ hŏng klei ktang, Ơ Yêrusalem, ƀuôn hưn klei mrâo mrang jăk. Ur bĕ ih, đăm huĭ ôh; lač bĕ kơ jih jang ƀuôn čar Yuđa, “Nĕ anei, Aê Diê diih!”

Y-Êsai 52:7

Siam jăk yơh ti dlông čư̆ jơ̆ng phung ba klei mrâo mrang jăk, phung hưn klei êđăp ênang, phung ba klei mrâo mrang kơ klei jăk, phung hưn klei bi mtlaih, phung lač kơ ƀuôn Siôn, “Aê Diê diih dôk kiă kriê!”

Y-Êsai 57:19

“Klei êđăp ênang, klei êđăp ênang kơ pô dôk kbưi leh anăn kơ pô dôk giăm; Yêhôwa lač, Kâo srăng bi hlao diñu.”

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Y-Yêrêmi 23:32

Nĕ anei, Kâo bi kdơ̆ng hŏng phung hưn êlâo klei êpei luar,” Yêhôwa lač, “Leh anăn phung hưn klei anăn leh anăn atăt phung ƀuôn sang Kâo wơr dliê hŏng klei diñu luar leh anăn ngă pliă plia, tơdah Kâo amâo tuôm tiŏ diñu amâodah mtă kơ diñu ôh; snăn diñu amâo mâo klei tŭ dưn ôh kơ phung ƀuôn sang anei,” Yêhôwa lač.

Y-Nahum 1:15

Nĕ anei, ti dlông čư̆ jơ̆ng pô ba klei mrâo mrang jăk, pô hưn klei êđăp ênang! Djă pioh hruê knăm ih, Ơ Yuđa, bi sĭt bĕ klei ih ƀuăn, kyuadah pô ƀai amâo srăng lŏ tuôm hriê bi kdơ̆ng hŏng ih ôh, ñu rai tuč leh jih.

Y-Mathiơ 9:38

Snăn yơh, akâo bĕ kơ Pô hma brei Ñu tiŏ nao phung wiă.”

Y-Luk 10:1

Leh klei anăn Khua Yang ruah kjuh pluh čô mkăn leh anăn tiŏ digơ̆ nao mdua mdua êlâo kơ Ñu hlăm jih jang ƀuôn leh anăn anôk Ñu pô srăng nao.

Y-Luk 2:10

Dĭng buăl jăk lač kơ diñu, “Đăm huĭ ôh; kyuadah nĕ anei, kâo hưn kơ diih klei mrâo mrang jăk jing klei hơ̆k mơak snăk srăng truh kơ jih jang phung ƀuôn sang;

Y-Luk 2:14

“Klei guh kơang kơ Aê Diê hlăm anôk ti dlông hĭn, leh anăn klei êđăp ênang ti lăn ala kơ phung mnuih bi mơak kơ Ñu.”

Y-Luk 8:1

Êdei ƀiă tinăn, Yêsu nao găn ƀuôn prŏng leh anăn ƀuôn điêt mtô leh anăn hưn klei mrâo mrang jăk kơ ƀuôn ala mtao Aê Diê. Phung pluh dua čô ƀĭng kna hiu mbĭt hŏng Ñu,

Y-Yôhan 20:21

Yêsu lŏ lač kơ digơ̆, “Brei klei êđăp ênang dôk mbĭt hŏng diih. Msĕ si Ama tiŏ hriê leh Kâo, msĕ snăn mơh Kâo tiŏ nao diih.”

Bruă Phung Khua Ƀĭng Kna 10:36

Diih thâo Aê Diê mơĭt leh klei blŭ kơ phung Israel, čiăng hưn klei mrâo mrang jăk kơ klei êđăp ênang mơ̆ng Yêsu Krist (gơ̆ jing Khua Yang kơ jih jang).

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 22:21

Ñu lač kơ kâo, ‘Đuĕ nao bĕ, kyuadah Kâo srăng tiŏ nao ih kbưi phă phung tue.’ ”

Bruă Phung Khua Ƀĭng Kna 9:15

Ƀiădah Khua Yang lač kơ ñu, “Nao bĕ, kyuadah gơ̆ jing pô Kâo ruah leh brei hưn anăn Kâo ti anăp phung tue, phung mtao, leh anăn phung anak Israel.

Hră Y-Pôl Mơĭt kơ Phung Rôm 1:15

Snăn kâo hur har čiăng mtô klei mrâo mrang jăk wăt kơ diih msĕ mơh, phung dôk hlăm ƀuôn Rôm.

Hră Y-Pôl Mơĭt kơ Phung Rôm 15:20

Snăn klei kâo čiăng jing klei hưn klei mrâo mrang jăk, amâo djŏ ôh ti anôk arăng hưn leh anăn Krist, huĭdah kâo mdơ̆ng ti dlông atur sa čô mkăn;

Êphêsô 2:17

Leh anăn Ñu hriê mtô klei mrâo mrang jăk êđăp ênang kơ diih phung dôk kbưi, leh anăn klei êđăp ênang wăt kơ phung dôk giăm.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Êphêsô 6:15

čŭt klei hur har hiu hưn klei mrâo mrang jăk êđăp ênang jing hdruôm jơ̆ng.

I Y-Pêtrôs 1:12

Aê Diê bi êdah leh kơ diñu bruă diñu ngă amâo djŏ kơ diñu pô ôh, ƀiădah kơ diih ară anei yơh. Klei anăn phung mtô klei mrâo mrang jăk hŏng Yang Mngăt Jăk Aê Diê tiŏ hriê leh mơ̆ng adiê hưn kơ diih. Wăt phung dĭng buăl jăk Aê Diê čiăng ksiêm dlăng klei anăn mơh.