Hră Y-Pôl Mơĭt kơ Phung Rôm 10:14 - Klei Aê Diê Blŭ 2015

¹⁴ Ƀiădah si mnuih dưi iêô wah lač kơ Pô diñu amâo đăo ôh? Leh anăn si diñu dưi đăo kơ Pô diñu ka tuôm hmư̆ ôh? Leh anăn si diñu dưi hmư̆ tơdah amâo mâo pô mtô ôh?

Hră Y-Pôl Mơĭt kơ Phung Rôm 10:14 Iomraidhean Croise

Y-Yôna 1:16

Hlăk anăn phung mnuih anăn huĭ êdimima kơ Yêhôwa, diñu myơr mnơ̆ng ngă yang leh anăn ngă klei ƀuăn kơ Yêhôwa.

Y-Yôna 1:5

Phung kahan kŭmpăn huĭ, grăp čô ur kơ yang ñu pô; leh anăn diñu hwiê mnơ̆ng kŭmpăn mdiăng hlăm êa ksĭ čiăng bi hdjul kŭmpăn. Ƀiădah Y-Yôna trŭn nao hlăm lam kŭmpăn leh anăn đih pĭt.

Y-Mathiơ 20:7

Phung anăn lač kơ ñu, ‘Kyuadah amâo mâo pô čiăng yua hmei ôh.’ Ñu lač kơ digơ̆, ‘Nao bĕ diih msĕ mơh mă bruă hlăm đang boh kriăk ƀâo kâo.’

Y-Yôhan 20:31

ƀiădah arăng čih leh klei anei, čiăng kơ diih đăo kơ Yêsu jing Yang Krist, Anak Aê Diê, leh anăn hŏng klei diih đăo diih dưi mâo klei hdĭp hlăm anăn Ñu.

Y-Yôhan 9:36

Gơ̆ lŏ wĭt lač, “Hlei Ñu anăn, Ơ khua, čiăng kơ kâo dưi đăo kơ Ñu?”

Bruă Phung Khua Ƀĭng Kna 19:2

leh anăn ñu êmuh digơ̆, “Diih mă tŭ leh mơ̆ Yang Mngăt Jăk hlăk diih đăo?” Digơ̆ lač, “Hơăi, hmei amâo tuôm hmư̆ ôh arăng lač mâo Yang Mngăt Jăk.”

Bruă Phung Khua Ƀĭng Kna 8:31

Ñu lač, “Si kâo dưi thâo săng, tơdah arăng amâo mblang brei kơ kâo?” Leh anăn ñu jak Y-Philip đĭ êdeh mbĭt hŏng ñu.

Hră Y-Pôl Mơĭt kơ Phung Rôm 1:5

Mơ̆ng Gơ̆ hmei mă tŭ leh klei pap leh anăn klei jing khua ƀĭng kna čiăng atăt ba mnuih mơ̆ng jih jang phung găp djuê mnuih gưt kơ klei đăo kyua hlăm anăn Gơ̆,

Êphêsô 2:17

Leh anăn Ñu hriê mtô klei mrâo mrang jăk êđăp ênang kơ diih phung dôk kbưi, leh anăn klei êđăp ênang wăt kơ phung dôk giăm.

Êphêsô 4:21

Kâo mĭn diih hmư̆ leh klei Ñu leh anăn hriăm leh hlăm Ñu, tui si klei sĭt nik dôk hlăm Yêsu.

Klei Mtô Mñă Klei Bhiăn 30:13

Kăn ñu dôk nah dih hang êa ksĭ rei tơl ih lač, ‘Hlei srăng găn brei kơ drei êa ksĭ leh anăn djă ba gơ̆ kơ drei, čiăng kơ drei dưi hmư̆ leh anăn tui hlue klei anăn?’

II Y-Timôthê 4:17

Ƀiădah Khua Yang dôk mbĭt hŏng kâo leh anăn bi ktang kâo leh, čiăng kâo dưi mtô klei blŭ bi ênŭm, čiăng kơ jih jang phung tue dưi hmư̆. Snăn kâo tlaih leh mơ̆ng ƀăng êgei êmông gu.

Y-Tit 1:3

Leh anăn hlăm ênuk djŏ Aê Diê bi êdah leh klei Ñu blŭ hŏng klei mtô Ñu jao leh kơ kâo tui si Aê Diê, Pô Bi Mtlaih drei, mtă leh,

Hêbrơ 11:6

Leh anăn tơdah amâo mâo klei đăo, amâo dưi bi mơak kơ Aê Diê ôh. Kyuadah hlei pô čiăng nao giăm Aê Diê, brei đăo mâo Aê Diê, leh anăn Aê Diê mưn hlei pô duah Ñu.

Y-Yakơ 5:15

Klei wah lač hŏng klei đăo srăng bi mtlaih pô ruă anăn, Khua Yang srăng bi hlao ñu; leh anăn tơdah ñu ngă soh leh, Aê Diê srăng pap brei kơ ñu.